¹ ۱۔ بنی یوسف دا حصہ یریحودے کول توں یردن توں شروع ہویا یعنی چڑھدے پاسے وِچ یریحو دے پانی توں شروع ہو کے اِوناں دی حد اوتھوں او بیابان توں ہوندی ہوئی بیت ایل دے کوہستانی ملک وِچ پُونچی ۔ ² ۲۔ فیر بیت ایل (یعنی لُوز) توں نکل کے ارکیوں دی سرحد دے کولوں لنگدی ہوئی عطارات نوں جا نکلی۔ ³ ۳۔ تے لھندے ول یفلیطیاں دے علاقے توں ہوندی ہوئی تھِلے بیت حورون دے علاقے تیک پہنچ کے جزر نوں نکل آئی تے سمندر اوتے مُکی۔ ⁴ ۴۔ ایسس طراں بنی یوسف یعنی منسی تے افرائیم نے آودا آودا حصہ پایا۔ ⁵ ۵۔ افرائیم دا علاقہ اوناں دے گھرانیاں دے مطابق ایہہ سی۔اوناں دی میراث دی حد چڑھدے وِچ عطارات ادار دے اُوتوں دی بیت حورُون تیک سی۔ ⁶ ۶۔ جہڑی سمندر تیک ٹُر گئی ۔فیر شمال وِچ مکمتاہ توں او چڑھدے وِل تانت سِیلا نوں مُڑی تے اوھدے کولوں لنگدی ہوئی چڑھدے وِل ینوحاہ نوں گئی ۔ ⁷ ۷۔ فیر او ینوحاہ توں لتھ کے عطارات تے نعراتہ نوں پُونچی تے یریحو نوں چھوندی ہوئی یردن تیک نکل گئی ۔ ⁸ ۸۔ تفوح توں او حد لنھدے وِل قاناہ دی وادی تیک گئی تے سمندر اوتے مُکی ۔ ایہہ افرائیم دے قبیلے دی اوناں دے گھرانیاں دے مطابق میراث سی۔ ⁹ ۹۔ اوناں وِچ او سارے شہر تے اوناں دے پنڈ وی شامل نے جہڑے بنی منسی دی میراث وِچ بنی افرائیم لئی وکھرے کیتے گئے سن ۔ ¹⁰ ۱۰۔ اوناں نے جزر وِچ وِسے ہوئے کعنانیاں نوں نیں کڈیا ایسس لئی او کنعانی اِج دے دن تیک بنی افرائیم وِچ وِسے ہوئے نے۔ پر اوناں نوں ونگار تے کم کرنا پیندا اے۔