¹ ۱۔ جدوں یشوع بُڈھا تے بُزرگ ہوگیا تدوں خُداوند نے اونوں فرمایا؛ تُوں بڑا بُڈھا ہوگیا ویں تے مُلک دا کافی حصہ لینا حالے باقی اے۔ ² ۲۔ جیڑا علاقہ حاصل کرنا باقی او ایہہ وے فلستیاں دا سارا علاقہ تے سارا جُسوری ؛ ³ ۳۔ مِصر دے مشرق چے واقع سیحور ندی توں لے کے شمال والے پاسے عُقرون دِی حد تک جیڑا کہ کنعانیاں دا علاقہ گِنیا جاندا اے (یعنی فِلستیاں دے پنجھ حُکمراناں دِی سر زمین جیڑی غزہ اُشدود اشقلون جد تے عقُرون تے شامل اےتےعو ی دا علاقہ)۔ ⁴ ۴۔ ،جنوب ولوں کنعانیاں دا سارا مُلک تے صدانیاں دے معارہ تو لے کے امُوریاں دے علاقہ دا افیق تک ⁵ ۵۔ جبلیاں دا علاقہ تے مشرق دے پاسے حرمون دے پہاڑ دے تھلے دے بعل جد توں لے کے حمات دے داخل ہون تک سارا لُبنان۔ ⁶ ۶۔ جِتھوں تک لُبنان توں لے کے مِسرفات المائم تک دے پہاڑ ی علاقے دے لوکاں دا تُعلق اے جیڑے کے سارے دے سارے صیدانی تے اوناں نوں میں خود اسرائیلیاں دے سامنیوں ہٹا دیا گا۔ ضروری گل اے وے کہ ہدایات دے مطابق ایہہ سارا مُلک توں بنی اسرایئل دِی میراث لئی مخصوص کر دے۔ ⁷ ۷۔ تے اونوں اوناں نوواں قبیلیاں تے منسی دے آدھے قبیلے وِچ میراث دے لئی ونڈ دے۔ ⁸ ۸۔ منسی دے دُوجے آدھے قبیلے تے بنی روبن تے بنی جد دے قبیلے نے اپنی اپنی میراث پائی سی جیڑی موسیٰ نے اوناں نوں یردن دے مشرق دے وِچ دِتی کیوں جے خُداوند دے اوس خادم نے اوس نوں اوناں لئی ہی مخصوص کیتا سی۔ ⁹ ۹۔ ایہہ علاقہ ارنون دے کنڈے دےعیروعیر توں لے کے وادی دے وِچ واقع شہر تک پھیلیا ہویا سی تے اوہدے وِچ دیبون تک میدبا دا سارا میدان آندا سی۔ ¹⁰ ۱۰۔ تے اُموریاں دِی سرحد تک حسبون وِچ حُکومت کرن والے اُموریاں دے بادشاہ سیحون دے سب شہر۔ ¹¹ ۱۱۔ جلعاد تے جُسوریاں تے معکاتیاں دا علاقہ سارا حرمون دا پہاڑ سِلکہ تک دا سارا بسن وِی شامل سی۔ ¹² ۱۲۔ یعنی عستارات تے ادرعی دے حاکم عوج دا بسن والا سارا علاقہ جیڑا رفایئاں دِی آخری نسل چِوں بَچ نکلیا سی۔ ¹³ ۱۳۔ پر اسرایئل نے جسُوریاں تے معکاتیاں نوں اوناں دے مُلک وِچوں نہیں کڈیا سی ایس لئی او اج تک اسرائیلیاں دے وِچ وسدے پئے نے۔ ¹⁴ ۱۴۔ پر لاوی دے قبیلے نوں اوس نے کوئی میراث نہ دِتی کیوں جے خُداوند اسرائیل دے خُدا دِی اگ دِیاں قربانیاں ای اوہدے وعدے دے مطابق اوناں دِی مِیراث اے۔ ¹⁵ ۱۵۔ موسیٰ نے بنی روبن نوں اوناں دےگھرانیاں دے مطابق جیڑی مِیراث دِتی او ایہہ آ۔ ¹⁶ ۱۶۔ اوناں دا علاقہ ارنون دِی دادی دے کنڈے تے عیروعیر توں لے کے تے وادی دے وِچ شہر توں ہوندیا ہویا میدبا دے نیڑے دا سارا میدان۔ ¹⁷ ۱۷۔ حسبون تک تے میدان دے سارے شہر جِناں وِچ دیبون بامات بعل بیت بعل معون۔ ¹⁸ ۱۸۔ یہہصا قدیمات مفعت۔ ¹⁹ ۱۹۔ قریتائم سمباہ فرۃ السحر جیڑا وادی دے پہاڑ تے وے۔ ²⁰ ۲۰۔ تے بیت فغور تے پِسگہ دا نِیواں علاقہ تے بیت یسمیوت۔ ²¹ ۲۱۔ میدان دے سارے شہر تے حِسبون دے حُکمران اُموریاں دے اوس بادشاہ سیحون دِی سب حُکومت جیڑی موسیٰ تے مدیان دے امیراں اومی رقم صُور حور تے رِبعدے نال جیڑےسیحون دے حعےٗدار تے اوس مُلک وِچ وسدے سی ہرا دِتا سی۔ ²² ۲۲۔ لڑائی وِچ مارے گئے لوکاں توں علاوہ اسرائیل نے بعور دے پُتر بکعام نوں وِی جیڑا نجومی سی تلوار نال قتل کیتا۔ ²³ ۲۳۔ بنی روبن دِی سرحد یردن دا کنڈا سی۔ ایہہ شہر تے اوناں دے پنڈ بنی روبن دے گھرانیاں دے مطابق اوناں دِی مِیراث ٹھہرے۔ ²⁴ ۲۴۔ تے موسیٰ نے جد دے قبیلے نوں اوناں دے گھرانیاں دے مطابق جیڑی مِیراث دِتی او ایہہ وے۔ ²⁵ ۲۵۔ یعزیر دا علاقہ جلعاد دے سب شہر ربہ دے نیڑے عیروعیر تک عمونیاں دے مُلک دا آدھہ حِعؑہ۔ ²⁶ ۲۶۔ حِسبون تو ں رامت المصفاہ تے بُطونیم تک محنایِم توں دِیر تک دا علاقہ ۔ ²⁷ ۲۷۔ تے وادی وِچ بیت ہارم بیت نمرہ سکات تے صفون تے حِسبون دے بادشاہ سیحون دِی باقی حُکومت یردن دے مشرقی ساحل دے اُتے کنِرت دِی جھیِل تک دا علاقہ ²⁸ ۲۸۔ ایہہ شہر تے اوناں دے پنڈ بنی جد دے گھرانیاں دے مطابق اوناں دِی میِراث ٹھہرے۔ ²⁹ ۲۹۔ تے موسیٰ نے منَسی دے آدھے قبیلے یعنی منسی دِی آدھی نسل دے آدھے قبیلےنوں اوناں دے گھرانیاں دے مطابق ایہہ میِراث دِتی؛ ³⁰ ۳۰۔ سارے بسن دے نال محنائم توں لے کے بسن دے بادشاہ عوج دِی ساری حُکومت تے بسن وِچ وسدے ہوئے یائیر دے سٹھ قبیلے ۔ ³¹ ۳۱۔ آدھہ جلعادتے عستارات ادرعی جیڑے بسن وِچ عوج دے شاہی شہر نے ایہہ منسی دے بیٹے مکِیر دِی اولاد دے لئی سی یعنی مِکیر دے آدھے بندیاں نوں اوناں دے گھرانیاں دے مطابق مِلے۔ ³² ۳۲۔ جدوں موسیٰ یردن دے پار یُریحو دے مشرق چہ موآب دے میدان وِچ سی تد اونے ایہو ای میِراث ونڈی سی۔ ³³ ۳۳۔ پر لاوی دے قبیلے نوں موسیٰ کوئی میِراث نہ دِتی۔ خُداوند اسرائیل دا خُدا اوناں دِی میِراث اے جِس طرح کہ اوس نے اوناں نال وعدہ کیتاسی۔