¹ ۱۔ یردن دے مشرق وچ ارنون دی وادی توں لے کے حرمون دے پہاڑ تیکر تے مشرق دے علاقہ سمیت جناں ملکاں دے بادشاہواں نوں اسرائیل نے شکست دتی تے اوہناں دے ملکاں اتے قبضہ کر لیا اوہناں دی فہرست اے وے۔ ² ۲۔ اموریاں دا بادشاہ سیحون جیہڑا جسون وچ حکمران سی جیہڑا ارنون دی وادی دے کنارے عروعیر تو لے کے یعنی وادی دے وچ کار تو یبوق ندی تک جیہڑی عمونیاں دی سرحد اے کردا سی اوہدے وچ ادھا جلعاد شامل اے۔ ³ ۳۔ تے میداناں چوں بحر کنرت تیکر جیہڑا مشرق دی ول اے بلکہ مشرق دے ول بیت یسیموت توں ہندا ہویا میدان دے دریا تیکر جیہڑا دریا شور اے او جنوب وچ پسگہ دے دامن دے تھلے تھلے حکومت کر دا سی۔ ⁴ ۴۔ تے بسن دے بادشاہ عوج دی سرحد جیہڑا رفائیم دی بچی ہوئی نسل وچوں سی تے عسارات تے ادرعی وچ حکومت کردا سی۔ ⁵ ۵۔ تے او حر مون دے پہاڑ تے سلکہ تے سارے بسن وچ جسوریاں تے معکاتیاں دی سرحد تیکر تے حسبون دے بادشاہ سیحون دی سرحد تیکر ادھے جلعاد وچ حکومت کر دا سی۔ ⁶ ۶۔ خداوند دے خادم موسی تے بنی اسرا ئیل نے اوہناں تے فتح پائی تے خداوند دے خادم موسی نے بنی روبن تے نی جد تے منسی دےادھے قبیلہ نوں اوہناں دا ملک میراث وچ دتا۔ ⁷ ۷۔ تے یردن دے مغرب دی ول لبنان دی وادی دے بعل جد تو سعیر دی چٹرھائی دے خلق دے پہاڑ تیکر دے جناں ملکاں دے بادشاہواں نوں یشوع تے بنی اسرائیل نے اپنے قبضے وچ کیتا تے جناں دے ملک نوں یشوع تے بنی اسرائیل دے قبیلیاں نوں اوہناں دی تعداد دے حساب نال ونڈ کے میراث دے طور تے دتا اے نے۔ ⁸ ۸۔ کوہستانی ملک مغربی پہاڑاں دے دامن دا علاقہ اراباہ پہاڑاں دا تھلے دا علاقہ بیابان تے جنوبی علاقہ اے حتی،اموری،کعنانی، فرزی ،حوری تے یبوسی دے علاقے سی۔ ⁹ ۹۔ اک یر یحو دا بادشاہ اک ( بیت ایل دے کول) عی دا بادشاہ۔ ¹⁰ ۱۰۔ اک یروشیلم دا بادشاہ اک جرون دا بادشاہ۔ ¹¹ ۱۱۔ اک یرموت دا بادشاہ اک لکیس دا بادشاہ۔ ¹² ۱۲۔ اک عجلون دا بادشاہ اک جزر دا بادشاہ۔ ¹³ ۱۳۔ اک دبیر دا بادشاہ اک کاجدر دا بادشاہ۔ ¹⁴ ۱۴۔ اک خرمہ دا بادشاہ اک عراد دا بادشاہ۔ ¹⁵ ۱۵۔ اک لبناہ دا بادشاہ اک عدلام دا بادشاہ۔ ¹⁶ ۱۶۔ اک مقیدہ دا بادشاہ اک بیت ایل دا بادشاہ۔ ¹⁷ ۱۷۔ اک تفوح دا بادشاہ اک حضر دا بادشاہ۔ ¹⁸ ۱۸۔ اک افیق دا بادشاہ اک لشرون دا بادشاہ۔ ¹⁹ ۱۹۔ اک مدون دا بادشاہ اک حصور دا بادشاہ ۔ ²⁰ ۲۰۔ اک سمرون مرون دا بادشاہ اک اکشاف دا بادشاہ۔ ²¹ ۲۱۔ اک تعنک دا بادشاہ اک مجدر دا بادشاہ۔ ²² ۲۲۔ اک قادس دا بادشاہ اک کرمل دے یقنعام دا بادشاہ۔ ²³ ۲۳۔ اک ( دور ناں دے اوچے ملک دے ) دور دا بادشاہ جلجال دے گوئیم دا بادشاہ۔ ²⁴ ۲۴۔ اک ترضہ دا بادشاہ اے سارے اکتیس بادشاہ سن۔