¹ ۱۔ جدوں حصُور دے بادشاہ یابین نے ایہہ سُنیا کہ اوس نے مُدون دے بادشاہ یوباب تے سمرون تے اکشاف دے بادشاہ واں۔ ² ۲۔ تے اُوناں بادشاہواں نوں جہڑے شمال دی جانب کوہستانی ملک وِچ کِنرت دے جنوب دے اراباہ وِچ مغربی پہاڑاں دے دامن وِچ نافت دور وِچ رہندے سی.۔ ³ ۳۔ تے مشرق تے مغرب وِچ رہین آلے کنعانیاں ، امُوریاں ، حتیاں ، فرزیاں تے کوہستانی ملک دے یُبوسیویاں تے حرمون دے تھلے مصفاہ دےعلاقےوِچ رہین آلے حویویاں نوں بلوایا۔ ⁴ ۴۔ او آودیاں ساریاں فوجاں تے وڈی تعداد وِچ گھوڑے تے رتھاں دے نال آےٗ اوس وڈی فوج دی گنتی سمندر دے کناریاں دی ریت وانگر سی۔ ⁵ ۵۔ اُوناں سارے بادشاہ واں نے آودیاں فوجاں جمع کیتیا ں تے میروم دی جھیل دے کول کٹھے ہوےٗ تاں جے اسرائیلاں نال لڑن۔ ⁶ ۶۔ خداوند نے یشُوع نوں آکھیا اُوناں توں نہ ڈر کیوں جے کل ایسے ویلے اُوناں ساریاں نوں مار کے اسرائیل دے قابو وِچ دے دیواں گا۔ تُو اُوناں دے گھوڑیاں دِیاں پُوچھلاں وڈھ دیویں تے اُوناں دے رتھ ساڑ دِیویں۔ ⁷ ۷۔ تے یشُوع تے اُوھدی ساری فوج میروم دی جھیل اتے اچانک پونچ کے اُوھدے اتے ٹٹ پےٗ۔ ⁸ ۸۔ تے خداوند نے اُوناں نوں اسرائیلاں دے ہتھ وِچ دے دِتا۔ اُوناں نے اُونوں ہرا دِتا تے وڈے شہر صیدا مسرفات المائم تے مشرق وِچ مصفاہ دی وادی تیک اُوناں دا پیچھا کیتا اِتھوں تیک کہہ اُوناں وِچوں کِسے نوں وی جیوندا نہ چھڈیا۔ ⁹ ۹۔ یشُوع نے خداوند دے حکم دے مطابق اُوناں دے نال سلوک کیتا یعنی اُوناں دے گھوڑیاں دیاں پُوچھلاں وڈھ دِتیاں تے اُوناں دے رتھ ساڑ دِتے۔ ¹⁰ ۱۰۔ اوس ویلے یشُوع نے مڑ کے حصور اوتے قبضہ کر لیا تے اُوھدے بادشاہ نوں تلوار دے نال مار دِتا۔ (حصور پہلاں او ناں ساریاں سلطنطاں دا سردار سی) ¹¹ ۱۱۔ اُوناں نے اُوھدے ہر بندے نوں تلوار دے نال مار دِتا۔ اُوناں نوں بالکل ختم کر دِتا تے کسے ساہ لین آلے نوں جیوندا نیں چھڈیا۔ فیر اوس نے حصور نوں اِگ لا کے ساڑ دِتا۔ ¹² ۱۲۔ یشُوع نے اُوناں سارے شاہی شہراں نوں تے اُوناں دے بادشاہ واں نوں ختم کر کے خادم موسیٰ دے حکم دے مطابق اُوناں نوں ختم کر دِتا۔ ¹³ ۱۳۔ تاں جے اسرائیلاں نے ٹیلیاں تے وِسے ہوےٗ شہراں نوں کدی نیں ساڑیا سوِاے حصور دے جہنوں یشُوع نے ساڑ دِتا سی۔ ¹⁴ ۱۴۔ بِنی اسرائیل نے اِناں شہراں دا سارا مال تے ڈنگر آودے قابو وِچ لے لے پر سارے لوکاں نون تلوار دے نال مار کے بالکل ختم کر دِتا تے کسے ساہ لین آلے نوں جیوندانا چحڈیا۔ ¹⁵ ۱۵۔ جس طرح خداوند نے آودے خادم مُوسیٰ نوں حکم دِتا سی اوھدے مطابق مُوسیٰ نے یشُوع نوں حکم دِتاتے یشُوع نے اویں ای کیتا۔ اونے خدا وند دے مُوسیٰ نوں دِتے ہوےٗ سارے حُکماں تے پُوری طرح عمل کیتا۔ ¹⁶ ۱۶۔ تے فیر یشُوع نے سارا علاقہ لے لیتا یعنی او سارا ملک سارا جنوبی قطعہ، جشن دا سارا علاقہ، مغربی پہاڑاں دے دامن دا علاقہ، اراباہ تے اسرائیل دے پہاڑاں تے اُوناں دے دامن دا علاقہ۔ ¹⁷ ۱۷۔ ے کوہِ خلق جہڑی سِعیر دی اُوچائی تے وے تے بعل جد جہڑی لُبنان دی وادی وِچ کوہِ حرمون دے تھلے وے اُونے اُوناں دے سارے بادشاواں نوں نوں پھر کے ماریا تے قتل کر دِتا۔ ¹⁸ ۱۸۔ یشُوع اُوناں ساریاں بادشاواں دے نال بویت مُدت تیک جنگ کردا ریا۔ ¹⁹ ۱۹۔ ججعو ن وِچ رہین آلے حِویویاں دے علاوہ کسے شہر نے اِسرائیلاں دے نال صلح دا معاہدا نیں کیتا بلکہ ساریاں نوں اُوناں نے لڑ کے جتیا۔ ²⁰ ۲۰۔ کیوں جے خداون نے اِسرائیلاں دے نال جنگ کرن لئی اُوناں دے دل سخت کر دِتے سی تاں جے جیویں خداوند نے مُوسیٰ نوں حکم دِتا سیاُوناں دے مطابق یشُوع اُوناں نوں بلکل ختم کر دیوے تے اُوناں تے رحم کیتے بغیر اُوناں دا ناںمِٹا دِیوے۔ ²¹ ۲۱۔ اُوس ویلے یشُوع نے کوہستانی ملک وِچ آکے حبرون ، دبیر تے عناب تے یہوداہ تے اِسرائیل دے سارے پہاڑی علاقے وِچوں عناقیاں دا صفایا کر دِتا تے اُوناں دے سارے شہراں نوں ختم کر دِتا۔ ²² ۲۲۔ اِسرائیل دے ملک وِچ کوئی عناقی باقی نہ ریا صرف غزہ جات تے اشدود وِچوں کُجھ لوکی بچے۔ ²³ ۲۳۔ لہذا جیویں خداوند نے مُوسیٰ نوں حکم دِتاسی اُوھدے مطابق یشُوع نے سارے نوں جیت کے اُونوں اِسرائیلاںنوں اُوناں دے قبیلاں دے لحاط نال میراث وِچ دے دِتا تے ملک نوں جنگ توں چھٹکارا ملیا۔