¹ ۱۔ اہود دی موت توں بعد بنی اسرائی فیر توں ایہوجیہے کم کرن لگ پئے جیہڑے خداوند دی نگاہ وچ بُرے سن۔ ² ۲۔ ایس لئی خداوند نیں کنعان دے اِک بادشاہ ،یامین دے ہتھ ویچ دِتا جیہڑا حصور وچ حکمران سی۔اوہدے لشکر دا سردار سِسیرا سی جیہڑا حُروست ہگوئیم وچ رہندا سی۔ ³ ۳۔ کیوں جو اوہدے کول نَو سو لوہے دے رتھ سن تے اوہنے ویہہ سال تِکبنی اسرائیل اُتے ظلم تے سِتم ڈھائے ،ایس لئی اوہناں نیں خداوند توں مدد لئی فریاد کیتی۔ ⁴ ۴۔ اوس ویلے لفیدوت دی ووہٹی دبورہ جیہڑی نبیہ سی بنی اسرائیل دی عدالت کردی ہوندی سی۔ ⁵ ۵۔ اوہ افرائیم دے کوہستانی دیس وچ رامہ تے بنت ایل دے وچ دبورہ دے کھجور دے رُکھ ہیٹھا ں بیٹھ کے انصاف کردی ہوندی سی تے بنی اسرائیل اوس دے کول اپنے مقدساں دے فیصلیاں لئی آؤندے سن۔ ⁶ ۶۔ اوس نیں نفتالی دے قادِس توں ابی نُوعم دے پُتر بَرق نوں بَلایا تے اوس نوں آکھیا:خداوند اسرائیل دا خدا تینوں اے حک دیندا اے پئی توں جا کے نفتالی تے زبولون دے دس ہزار بندیاں نوں اپنے نال لے تے کوہِ تبو راُتے چڑھن وچ اوہناں دی مدد کر۔ ⁷ ۷۔ میں یامین دے لشکر دے سردار سیسرا نوں پھُسلا اوہدے رتھاں تے فوج سمیت قیسُو ن ندی اُتے لے آواں گا تے اوہنوں تیرے ہتھاں وچ دے دیواں گا۔ ⁸ ۸۔ بَرق نیں اوہنوں آکھیا:جےتُوں میرے نال چلیں گی تے میں جاواں گاپر جے تُوں میرے نال نئیں چلیں گی تد میں نئیں جاواں گا۔ ⁹ ۹۔ دبورہ نیں آکھیا:بہتر اے پئی میں تیرے نال جاواں پر جس طراں نُوں ایس معاملے نوں مُکا رہیا ایں۔تینوں ایہدا کوئی اَجرنئیں ملےگا۔کیو ں جو خدداوند سیسرا نوں اِک زنانی دے حوالے کر ے گا۔سو دبورہ بَرق دے نال قادِس کو ل گئی۔ ¹⁰ ۱۰۔ جِتھے بَرق نیں زبلون تے نفتالی نوں بَلایا۔دس ہزار بندے اوہدے پیچھے پیچھے چلے تے دبورہ وی اوہناں دے نال گئی۔ ¹¹ ۱۱۔ تے حِبر قینی نیں دوجے قینیاں نال جیہڑے موسیٰ دے سالے ،حباب دی نسل توں سن،وَکھ ہو کے قادِس دے نیڑے ضعتیم وچ بلُط دے رُکھ دے کول اپنا ڈیرا لالیا سی۔ ¹² ۱۲۔ جدوں سیسرا نوں پتہ لگا پئی ابی نوعم دا پُتر بَرق کوہِ تبور اُتے چڑھ گیا اے۔ ¹³ ۱۳۔ تے سیسرا نیں اپنے نَو سو لوہے دے رتھاں تے حروسِت ہگو ئیم توں لے قِسون ندی تک دے سارے بندیاں نوں اک تھاں اکٹھا کیتا۔ ¹⁴ ۱۴۔ تد دبورہ نیں بَرق نوں آکھیا :جا !اے ای اوہ دِن اے جیہدے وچ خداوند نیں سیسرا نوں تیرے ہتھ وچ کر دِتا اے۔کی خداوند اَگے نئیں گیا اے؟سو بَرق کوہِ تبور توں ہیٹھاں اُتریا تے اوہ دس ہزار بندے اوہدے پیچھے پیچھے گئے۔ ¹⁵ ۱۵۔ جیویں ای بَرق اَگے ودھیا خداوند نیں سیسرا تے اہدے رتھاں نوں تے لشکر نوں تلوار نال پسپا کر دِتا تے سیسرا اپنا رتھ چھڈ کے پیدل ای پج گیا۔ ¹⁶ ۱۶۔ پر بَرق نیں رتھاں دا تے لشکر دا حروست ہگوئیم تک پیچھا کیتا۔سیسرا دا سارا لشکر تلوار نال ماریا گیا تے اِک بندہ وی باقی نئیں بچیا۔ ¹⁷ ۱۷۔ ایس طراں سیسرا ،حِبر قینی دی ووہٹی ،یاعیل دے خیمے تِک پیدل پج گئے کیوں جوں حصُور دے بادشاہ یامین تے حِبرقینی دے ٹبر دے وچ یاری سی۔ ¹⁸ ۱۸۔ یاعیل،سیسرا نوں ملن لئی باہر چلی گئی تے اوہنوں کہن لگی:آاے مرے آقا !اندر آجا تے نہ ڈر۔سو اوہ اہدے خیمے وچ داخل ہوگیا تے اوس نیں اوہنوں کمبل وچ لُکا لیا۔ ¹⁹ ۱۹۔ اوس نیں آکھیا :میں پیاسا واں،مینوں تھوڑا جیہا پانی پیادے،اوہنےدودھ دا مشکیزہ کھول کے اوہنوں پیایاتے اوہنؤں فیر توں کمبل وچ لُکا دِتا۔ ²⁰ ۲۰۔ اوس نیں یاعیل نوں آکھیا : خیمے دے بوے وچ کھڑی ہو جا تے جے کوئی بندہ آ کے تینوں پُوچھے پئی ایتھے کوئی بندہ اےَ تے تُوں کہہ دویں پئی کوئی وی نئیں اے۔ ²¹ ۲۱۔ پر حِبر دی ووہٹی یاعل نیں خیمے دا اِک کیل تے ہتھوڑا چُکیا تے چُپ چُپیتے اوہدے کول گئی جد کے اوہ تھکاوٹ دے مارے گوڑھی نیندرے سَون ڈیا سی۔اہونے پورے زور نال اوہ کیل اوہدی کنپٹی وچ کھونب دِتیتے اوہ کیل اوہدی کنپٹی توں پار لنگھ کے زمین وچ وَڑگیا۔ ²² ۲۲۔ بَرق سیسرا دا پیچھا کردا ہویا اوتھے آیا تے یاعیل اوہنوں ملن لئی باہر گئی۔اوہنے آکھیا:ایدھر آ!میں تینوں اوہ بندہ وَکھاواں گی جینوں توں لبھ رہیا ایں ۔ سو اوہ اوہدے نال اندر گیا تے ویکھیا پئی سیسرا مریا پیا اےتے خیمے دا کیل اوہدی کنپٹی وچ کھوبیا ہویا اے۔ ²³ ۲۳۔ اوس دن خداوند نیں کنعانی بادشاہ یامین نوں بنی اسرائیل دے سامنے مغلوب کیتا۔ ²⁴ ۲۴۔ تے بنی اسرائیل دا ہتھ کنعانی بادشاہ یامین دے خلاف آئے دن مضبوط ہوندا گیاایتھوں تک پئی اوہناں نیں اوہدا نام ونشان مَٹا دِتا۔