¹ ۱۔ تے اوہناں دیہاڑیاں وچ ،جدوں اسرائیل دا کوئی بادشاہ نئیں سی،اینج ہویا پئی اِک لاوی بندے نے ،جیہڑا افرائیم دے پہاڑ دے پَرلے سِرے تے رہندا سی ۔یہودا دے بیت لحم وچوں اِک بی بی نوں اپنی رکھیل بنایا۔ ² ۲۔ تے اوہدی رکھیل اوہدے تَوں رُس کے بیت لحم وچ اپنے پیو دے گھر چلی گئی ۔تے اوتھے چار پہنے رہی۔ ³ ۳۔ تد اوہدا خاوند کھلوتا تے اوہدے پچھے جا اپڑیا تاں جو اوہدے دل نوں راضی کرے ۔تے اپنے کول فیر لے آوے ۔اوہنے اپنے نال اِک کمیں تے دو کھوتے وی لئے ۔تاں اوہ اوہنوں مِلی ۔تے اپنے پیو دےگھر وچ اوہنوں لے آئی ۔جد اوس بی بی دے پیو نے اوہنوں ویکھیا ۔تاں اوہنوں ملن ویلے خوش ہویا۔ ⁴ ۴۔ تے اوہدے سوہرے نے اوہنوں گھر ٹھہرا لیا ۔تاں اوہنے اوہدے کول تر کے دیہاڑے لنگھائے۔تے اوہناں رَل مِل کے کھاہدا پِیتا۔ ⁵ ۵۔ تے چوتھے دیہاڑے سِرگھی ویلے اوہ روانا ہون جوگی کھلوتا تاں بی بی دے پیو نے اپنے جوائی نوں آکھیا ۔پئی کجھ ٹکر کھا کے جاویں۔ ⁶ ۶۔ تد اوہ رل بیٹھے ۔تے کھاہدا پیتا ۔تے کُڑی دے پیو نے اوس بندے نُؤں آکھیا جیکر تینوں چنگا لگے ،تاں رات وی ساڈے نال رہ تے اپنے جی نُوں راضی کر۔ ⁷ ۷۔ تے فیر جد اوہ بندہ روانا جوگی اُٹھ کھلوتا ۔تاں اوہدے سوہرے نے فیر اوہدی مِنت کیتی ۔تاں اوہ رات فیر اوتھے ٹھیریا۔ ⁸ ۸۔ تے پنجویں دیہاڑے اوہ سرگھی ویلے ٹُرن لگا ۔تاں اوہدے سوہرے نے اوہنوں آکھیا ۔کجھ کھا پئی پی لے۔تے سُورج ڈُبن تیکر ٹھیر ۔تے اوہناں دوہواں نے کھاہدا پیتا ۔ ⁹ ۹۔ فیر جداوہ بندہ تے اوہدی رکھیل تے اوہدا کمیں روا نا ہون جوگی کھلوتے ۔تاں گڑی دے پیو نے مطلب اوہدے سوہرے نے اوہنوں آکھیا ۔پئی ویکھو دیہاڑا دیس چلا اے۔رات ایتھے ای لنگھا کے ٹُر جانا۔ویکھو دیہاڑا مُک چلا اے۔رات ایتھے ای لنگھا لوؤ۔تے اپنے جی نُوں خوش کرو ۔ تے بھلکے سویلے سفر کرنا تے اپنے گھر اپڑجانا۔ ¹⁰ ۱۰۔ پر اوہ بندہ رات رہن جوگی راضی نا ہویا ۔سگؤں کھلوتا تے ٹُر پیا ۔تے یبوس مطلب یروشلیم دے ساہمنے اپڑیا ۔تے اوہدے نال دو زِین کسّے ہوئے کھوتے تے اوہدی رکھیل سی۔ ¹¹ ۱۱۔ جد اوہ یبوس دے نیڑے سَن ،تاں دیہاڑ ا مُک گیا تے کمیں نے اپنے مالک نوں آکھیا ۔پئی اسی یبوسیاں دے ایس شہر نُوں مُڑیئے تے رات ایتھے ای لنگھا ئیے۔ ¹² ۱۲۔ اوہدے مالک نے اوہنوں آکھیا ۔پئی اسی پرائے شہر نُوں جِتھے بنی اسرائیل وِچوں کوئی نئیں ۔نا مُڑاں گے ۔سگوں جِبعاؔ وَلےجاواں گے ۔ ¹³ ۱۳۔ تے اوہنے اپنے کمیں نُوں آکھیا ۔ٹُر۔اسی ایہناں تھانواں وچوں کِسے تھاں ٹُریئے ۔تے جِبعاؔوچ یاں راما وچ رات لنگھایئے۔ ¹⁴ ۱۴۔ تاں اوتھوں لنگھ کے اوہ ٹُر دے گئے ۔تے سُورج اوہناں اُتے ڈُبیا تے اوہ بِنیا مین دے حِیعاؔ دے نیڑے سن۔ ¹⁵ ۱۵۔ تاں اوہ اَودھر نوں مُڑے تے اوہدے وچ وڑ گئے کیوں جو جبعاؔ وچ رات لنگھا ؤنی سی ۔تاں شہر دے چوک وچ بہہگئے ۔کیوں جو کوئی نئیں سی۔جیہڑا اوہناںنوں اپنے گھر لے جاوے تاں جو اوہ رات لنگھاؤن۔ ¹⁶ ۱۶۔ تے ویکھو اِک وڈیرا بندہ اپنی پیلی دے کم توں ویہلا ہوکے ڈیگر ویلے اوتھے اپڑیا ۔تے اوہ افرائم دے پہار وچ سی ۔تے جبعا وچ آوسیا سی۔تے اوس تھاں دے واسی بنیا مینی سن۔ ¹⁷ ۱۷۔ تآں اوس وڈیرے بندے نے اپنی اکھ چُک کے ویکھیا ۔پئی اِک راہی شہر دے چوک وچ اے ۔تے اوہنے اوہنوں آکھیا ۔تُوں کِتھے جاویں گا تے کِتھوں آیا ایں؟ اوہنے اوہنوں آکھیا۔ ¹⁸ ۱۸۔ اسی یہوداہ دے بیت لحم وچوں آئے ہاں تے افرائیم دے پہاڑ دے پرلے سِرے نوں جانا اے۔میں اوتھوں دا ای ہاں۔ تے یہودا دے بیت لحم نوں گیا سی تے ہُن اپنے گھر مُڑ کے تے جاندا ہاں ۔تے ایتھے کوئ نئیں جیہڑا مینؤں اپنے گھر لے جاوے۔ ¹⁹ ۱۹۔ تے ساڈے کول ساڈے کھوتے جوگی دانا تے گھاہ تے ۔تے میرے تے تیری لونڈی دے تے اوس جوان جوگی جیہڑا تیرے خادم دے نال اے۔ٹکرتے مے سی اے تے سانوں کِسے شے دی لوڑ نئیں ۔ ²⁰ ۲۰۔ تاں اوس وڈیرے بندے نے اوہنوں آکھیا تیری سلامتی ہووے۔تیریاں سبھے حاجتاں میرے جُمے نیں۔تے تُوں چوک وچ رات نا رہ۔ ²¹ ۲۱۔ تے اوہ اوہنوں اپنے گھر لے آیا ۔تے اوہدے کھوتیاں نوں گھاہ پائی تے اوہناں نے اپنے پیر دھو تے تے کھاہدا پیتا۔ ²² ۲۲۔ تے جد اوہ آپنے جی نُوں راضی کر دے پئے سَن ۔تاں شہر دے لوکاں وچوں کجھ شریر بندیاں نے اوہدے گھر نوں گھیر لیا تے بوہے نوں کھڑکاؤنا شروع کیتا ۔تے گھر دے مالک وڈیرے بندے نوں آکھیا ۔پئی اوس بندے نوں جیہڑا تیرے گھر دے اندر اے ،باہر کڈ ھ لیا ۔تاں جو اسی اوہدے نال بدفعلی کریئے ۔ ²³ ۲۳۔ تد اوہ بندہ مطلب گھر دا مالک اوہناں دے کول ناپر نکلیا تے اوہناں نوں آکھن لگا۔نئین میرے بھرا ؤ!شرارت نا کرو۔ جدون پئی اوہ بندہ میرے گھر دے اندر آیا اے۔تاں تُسی ایہہ بُریائی نا کرو ۔ ²⁴ ۲۴۔ ویکھو! میری اِک کواری دھی تے اوہدی رکھیل نیں ۔میں تہاڈے کول اوہناں دونہاں نوں کڈھ لیاؤنا ہاں ۔تُسی اوہناں نال بدفعلی کر و۔تے جو کجھ تہانوں چنگا لگے ۔اوہناںنال کرو۔پر ایس بندے نال اجیہا مکرو کم نا کرو۔ ²⁵ ۲۵۔ پر اوہناں لوکاں نے اوہدی گل نا منی ۔تاںاوہ بندہ اپنی رکھیل نوں پھڑ کے اوہناں دے کول باہر لے آیا۔تے اوہ اوہدے نال صحبت کر دے رہئے ۔تے ساری رات سَویر تیک اوہدے نال بد فعلی کر دے رہئے ۔تے سرگھی ویلے اوہنوں چھڈیا۔ ²⁶ ۲۶۔ تاں اوہ بی بی سویر ہون دے نیڑے آئی ۔تے اوس بندے دے گھر دے بوہے اُتے جتھے پئی اوہدا مالک سی،ڈِگی تے چانن ہون تیک اوتھے ای پئی رہی۔ ²⁷ ۲۷۔ سویر ے اوہدا مالک اُٹھیا تے بُوہا کھولیا۔تے باہر نکلیا ۔تاں جو اپنی راہیں روانا ہووے ۔تآن ویکھو ! اوہدی رکھیل گھر دے بُوہے اُتے پئی اے۔تے اوہدے دوہنویں ہتھ ڈیوڑھی تے نیں۔ ²⁸ ۲۸۔ تاں اوہنے اوہنوںآکھیا،اُٹھ ! ٹُریئے ۔پر کُجھ جواب نا مِلیا ۔تد اوہنوں معلوم ہَویا پئی اوہ مَوئی ہوئی اے،اوہنوںاپنے کھوتے اُتے لَدیا۔تےا وہ بندہ اپنے گھر وَل روانا ہَویا ۔ ²⁹ ۲۹۔ تے اوہنے گھر اپڑ کے چھُری پھڑی تے اپنی رکھیل نوں پھڑکے اوہدیاں ہڈیاں سنھے اوہدے بارآں ٹوٹے کِیتے تے اسرائیل دِیاں سرحداں وچ گلا دِتے ۔ ³⁰ ۳۰۔ تاں ہر اِک جنے ایہہ ویکھیا ،آکھیا ۔پئی جس دیہاڑے توں پئی اسرائیل مصر وچوں نکلے ۔ساڈے اج دے دیہاڑے تیکر نا ہَویا ،تے نا ویکھیا گیا۔اخیر گو کرو تے صلاح کرو۔تے آکھو۔