¹ ۱۔ تدھ سبھے بنی اسرائیلؔ نِکلے ۔ تے سبھے جماعت دان تون لے کے بیر سبعؔ تیِکر یکتن ہو کے مصفاہؔ وچ خداوند دے حضور کٹھے ہوئے ۔ ² ۲۔ تے سبھے قوم دے سر پنچ تے اسرائیل ؔ دے سبھے قبیلیاں دے لوک خدا دی اُمت دے مجمعے وِچ چار لَکھ پیادے تلوار چلان والے حاضر ہوئے ۔ ³ ۳۔ تے بنی بنیامینؔ نے سُنیا پئی بنی اسرائیل ؔ نے مِصفا ؔ اُتے چَڑھائی کیتی ۔ تے بنی اسرائیلؔ نے آکھیا سادے نال بیان کرو پئی ایہہ شررت کیہ کر ہوئی ۔ ⁴ ۴۔ تدھ اوس لاوی ؔبندے نے جیہڑا موئی بی بی دا خاوند سی ، جواب دِتا پئی میں تے میری رکھیل بنیامینؔ دے جِبعا ؔ وِچ رات لنگھاؤن جوگی وڑے ۔ ⁵ ۵۔ تان جِبعا ؔ دے لوکاں نے میرے اُتے چڑھائی کر دِتی ۔ تے جیس گھر وِچ میں ہیگا ساں اوہنوں رات دے ویلے گھیر لئیا۔ تے چاؤہندے سَن ۔ پئی مینوں قتل کرن ۔ تےمیری رکھیل نوں ذلیل کیِتا ۔ ⁶ ۶۔ میں اپنی رکھیل نُوں ٹوٹے ٹوٹے کیِتا تے اوہناں ٹوٹیاں نُوں اسرائیلؔ دی میراث دی سبھے دھرتی وِچ گھلیا ۔ کیوں جو اوہناں نے اسرائیل ؔ وچ بُریائی تے شرارت کیتی۔ ⁷ ۷۔ ویکھو ! ائے بنی اسرائیلؔ ! تُسیں سبھے ایتھے اپنی صلاح تے مشورت دیوو۔ ⁸ ۸۔ تدھ اوہ سبھے لوک ایک تَن ہو کے کھلوتے تے آکھیا ۔ پئی کوئی خیمے نوں روانا ناں ہووے گا ۔ تے کوئی اپنے گھر نوں ناں مُڑے ۔ ⁹ ۹۔ تے ہُن اسیں جِبعا دے نال ایہہ کم کراں گے ۔ اسیں اوہدے بر خلاف قُعا دے حِساب نال جاواں گے ۔ ¹⁰ ۱۰۔ اسیں بنی اسرائیلؔ دے سبھے قبیلیاں وِچوں ، وَو وچوں دَس بندے تے ہزار وِچون سَو تے دَس ہزار وچوں اِک ہزار لواں گے ۔ جیہڑے لوکاں جوگی رسد لیاؤن ۔ تاں جو اسیں بنیامین دے جِبعا وِچ وڑ کے ایس شرارت دے حساب نال جیہڑی اوہناں نے اسرائیل وِچ کیتی ۔ اوہناں نال سلوک کرئیے ۔ ¹¹ ۱۱۔ اسرائیلؔ دے سبھے بندے اِک گّل نال اِک تِن ہوکے اوس شہر دے ساہمنے کٹھے ہوئے ۔ ¹² ۱۲۔ تے بنی اسرائیلؔ دے قبیلیاں نے بنیامین دے سبھے خانداناں دے کول گھُل کے آکھیا ۔ پئی ایہہ کیہ شرارت اے ، جیہڑی تُہاڈے وِچکار کیتی گئی اے ۔ ¹³ ۱۳۔ تُوں اوہناں لوکاں مطلب پئی اوہناں بھیڑے بندیاں نُوں جیہڑے جبعاؔ وِچ نیں ، ساڈے حوالے کر دے ۔ تاں جو اسیں اوہناں نُوں قتل کرئیے ۔ تے اسرائیل ؔوِچوں بُریائی نوں مُکا چھڈئیے ۔ تدھ بنی اسرائیل وِچوں جِبعا ؔ وِچ بُریائی نُوں مُکا چھڈئیے ۔ تدھ بنی بنیامین ؔ اپنے بھراواں بنی اسرائیلؔ دی گل منن توں انکاری ہوئے ۔ ¹⁴ ۱۴۔ تے بنیامین شہراں وِچوں جبعاؔ وِچ کٹھے ہوئے تاں جو باہر نِکل کے بنی اسرائیل ؔ نال لڑائی کرن ۔ ¹⁵ ۱۵۔ تے اوس دیہاڑے بنی بنیامین جیہڑے شہراں وچوں کٹھے ہوئے ، چھبی ہزار تلوار چلان والے بندے سَن۔ جیہڑے جِبعا ؔ دے لوکاں نالوں وَکھ سَن۔ ¹⁶ ۱۶۔ اوہنان سبھے لوکاں وِچ ست سو چُنے ہوئے جوان سَن ۔ جیہڑے دو ہتھے سن۔ جیہناں وِچوں ہر کوئی فلاخُن نال وال اُتے وٹا مار سکدا ااے ۔ ¹⁷ ۱۷۔ تے اسرائیل ؔ دے بندے بنیامین توں وکھ گِنتی وِچ چار لکھ تلوار چلاؤن والے جوان سبھے چنگی سَن۔ ¹⁸ ۱۸۔ تدھ اوہ کھلوتے تے بیت ایل ؔ وَل چڑھائی کیِتی ۔ تے اوہناں نے خداوند تُوں پُچھیا تے آکھیا ۔پئی بنیامین ؔ نال لڑائی کرن جوگی ساڈے وِچوں کون پِہلوں چڑھائی کرے ؟ خُداوند نے آکھیا ۔ یہودا ؔ پہلوں جاوے ۔ ¹⁹ ۱۹۔ بنی اسرائیلؔ سویلے اُٹھے ۔ تے جبِعا دے سامنے ڈیرے گڈے ۔ ²⁰ ۲۰۔ تے اسرائیلؔ دے بندے بنیامینؔ نال لڑن باہر نِکلے تے بنی اسرائیلؔ نے جِبعا ؔ دے نیڑے جنگ جوگی صفاں بنھیاں ۔ ²¹ ۲۱۔ تے بنی بنیامینؔ جِبعا ؔ توں باہر نِکلے تاں اوس دیہاڑے اسرائیل ؔ وِچون بائی ہزار بندے مَوئے۔ ²² ۲۲۔ تَدھ اسرائیل ؔ دے بندے اپنے زور اُتے اپنی گِنتی اُتے بھروسا کرکے پہلے دیہاڑے دا تھاں اُتے ، جِتھےت صف بنھی سی ۔ فیر جَنگ کرن جوگی صفاں بنھ کھلوتے ۔ ²³ ۲۳۔ تے بنی اسرائیل ؔ دے گئے تے خداوند دے اَگے ڈیگر ویلے تیِکر روندے رئے ۔ تے خداوند نال سوال کرکے آکھیا ۔ کیہ اسیں اپنے بھرا بنیامین ؔنال فیر جنگ کرن جائیے ؟ تاں خداوند نے اوہناں نُوں آکھیا ۔ اوہناں اُتے چڑھائی کر دیوؤ۔ ²⁴ ۲۴۔ ایس لئی دوُجے دیہاڑے بنی اسرائیل ؔ بنی بنیامینؔ نال لڑن جوگی نیڑے آئے ۔ ²⁵ ۲۵۔ تاں بنی بنیامینؔ جبعا ؔ توں اوہناں دے بر خلاف نِکلے تے بنی اسرائیلؔ وچوں فیر اٹھاراں ہزار سبھّے تلوار چلاؤ ن والے جوان مارے گئے ۔ ²⁶ ۲۶۔ تدھ بنی اسرائیلؔ دے سبھے لوک تے بیت ایلؔ وچ آئے تے روئے تے خداوند دے اگے اوتھے کھلوتے ۔ تے اوہناں نے سبھے دیہاری روزہ رکھیا ۔ تے خداوند دے سامنے سوختنی قُربانیاں تے سلامتی دے ذبیحے چاڑھے ۔ ²⁷ ۲۷۔ تے بنی اسرائیلؔ نے خُداوند توں پُچھیا ۔ کیوں جو خداوند دے عہد دا صندوق اوہناں دیہاڑیاں وِچ اوتھے ای سی ۔ ²⁸ ۲۸۔ تے ہارون ؔ دے پُتر الی عزرؔ دا پُتر فِنحاسؔ اوہناں دیہاڑیاں وِچ اوہدے اگے کھلوتا رہندا سی ۔ تے اوہناں نے آکھیا ۔ پئی کیہ اسیں اپنے بھرا بنی بنیامینؔ دے نال جنگ کرن نُوں فیر باہر نکلئیے یاں پئی بس کرئیے َ تاں خداوند نے آکھیا ۔ پئی چڑھائی کرو ۔ کیوں جو میں اوہناں نُوں تُہاڈے ہَتھ حوالے کر دیواں گا ۔ ²⁹ ۲۹۔ تدھ بنی اسرائیلؔ نے جِبعا اُتے اوہدے ہر پاسے چھئی لاؤ ن والیاں نون بائ کیتا ۔ ³⁰ ۳۰۔ تئے بنی اسرائیلؔ تیِجے دیہاڑے بن بنیامین ؔ دے بر خلاف چڑھے تے جبعا ؔ ا دے نیڑے پہلے دو دیہاڑیاں وانگو صفاں بنھیاں۔ ³¹ ۳۱۔ تاں بنی اسرائیلؔ اوہناں اُتے چڑھائی کیتی ۔ تے اپنے ویریاں نُوں بھجدا ہویا ویکھ کے اوہناں دے پِچھے شہر توں دوُر تیِک ٹُر گئے ۔تے دو وڈیاں راہواں اُتے جہناں وچوں اِک بیت ایلؔ نُوں تے دوُجی میدان وِچوں جبعاؔ وَل جاندی سی ۔ اوہناں نے لو کاں نوں پہلی دو وار اِک وانگوں قتل کرنا شروع کیتا ۔ تاں اسرائیل ؔ وِچوں کوئی تیہہ ³² ۳۲۔ تاں بنی بنیامین نے آکھیا ۔ پئی جیویں پہلوں ہویا ، اوہ ساڈے ساہمنے ہار دے پئے نیں ۔ پر بنی اسرائیلؔ نے آکھیا ۔آؤ بھجیئے ۔ تے اوہناں نون شہر وچوں وڈیاں راہواں اُتے کھِچ لیائیے ۔ ³³ ۳۳۔ تے اسرائیلؔ دے سبھّے بندے اپنی تھاؤں اُٹھے تے بعل تمر ؔ وِچ صفاں بنھیاں ۔ تے چھئی وِچ بیٹھے ہوئے اسرائیلی اپنی تھاں تے جابعؔ دے میدان تون وَس پئے ۔ ³⁴ ۳۴۔ تے سبھّے اسرائیل ؔ وچوں دس ہزار چُنے ہوئے جوان اِک پاسیوں جبعاؔ اُتے آئے ۔ تے ڈاہڈھا گھول ہویا ۔ تے بنی بنیامین ؔ نئین سی جاندے پئی اوہناں اُتے بلا لَتھن والی اے ۔ ³⁵ ۳۵۔ تدھ خداوند نے بنی بنیامین ؔ نوں اسرائیل ؔ دے اگے ہرایا ۔ تے بنی اسرائیلؔ نے اوس دیہاڑے بنیامین وِچوں پنجی ہزار تے اِک سو تلوار چلاؤن والے جوان وَڈھ سُٹے ۔ ³⁶ ۳۶۔ تے بنیامین ؔ نے ٹوء لائی اوہ ہار گئے نیں ۔ تے اسرائیلؔ دے بندیاں تے بنیامین ؔ نُوں بھجن دِتا ۔ کیوں جو اوہناں نون چھئی لاؤن والیاں تے جیہڑے جِبعا دے آل دوالے بیٹھے سَن ۔ بھروسا کیتا۔ ³⁷ ۳۷۔ تدھ چھئی والے چھیتی نال جبعاؔ اُتے آن اپڑے ۔ تے اوہدے اندر وڑ گئے تے کھِلر گئے تے سبھّے شہر نُوں تلوار نال وڈیا۔ ³⁸ ۳۸۔ تے اسرائیل ؔ دے بندیاں تے چھئی لاؤن والیاں وِچ ایہہ نشان سی ، پئی اوہ شہر توں بتھیرا دُھواں اُڈاؤن گے ۔ ³⁹ ۳۹۔ تے جیدوں اسرائیلی ؔ دے لوک لرائی وچ پِچھاں ہٹے ، تاں بنیامین ؔ نے کُٹنا شرع کیتا ۔ تے اسرائیل ؔ دے لوکاں وچون تِہ بندے وَڈ دِتے ۔ کیوں جو اوہناں نے آکھیا ۔ پئی اوہ سادے ساہمنے ہار دے پئے سَن ۔ جیویں پئی پہلی لڑائی وِچ ہویا ۔ ⁴⁰ ۴۰۔ تے شہر توں دھُویں دے وانگوں اُچا ہون لگ پیا ۔ تان بنیامینؔ نے اپنے پِچھے مُڑ کے ویکھیا ۔ تاں سبھّے شہر دھُویں وِچ ولیٹیا عرشیں جاندا نظریں آیا ۔ ⁴¹ ۴۱۔ تدھ اسرائیل ؔ دے بندے اوہناں اُتے مُڑ کے پئے ۔ تے بنیامین ؔ دے بندے گھبرا کے نَسے ۔ کیوں جو اوہناں نے ویکھیا پئی اوہناں اُتے بلا لتھ پئی اے ۔ ⁴² ۴۲۔ تے اوہناں نے اسرائیل ؔ دے بندیاں دے اَگوں کنڈھ پھیر کے جنگل دی راہ پھڑی ۔ پَر لڑائی اوہناں دے مگریں آئی۔ تے اوہ وی جیہڑے شہر وچ سِن ۔اوہناں اُےتے آوسے۔ تے اوہناں نوں جانوں مار سُٹیا ۔ ⁴³ ۴۳۔ تاں اوہناں نے بنیامینؔ نُوں گھیر لیا۔ تے اوہناں نُوں رگڑیا ۔ تے جابعؔ دے ساہمنے تیِک سُورج اُگن دے پاسے وَل اوہناں نُوں لتاڑیا۔ ⁴⁴ ۴۴۔ تاں کرکے بنیامینؔ وِچوں اتھاراں ہزار دلیر ، بہادر بندے مارے گئے ۔ ⁴⁵ ۴۵۔ تے اوہ مُڑ کے رِمونؔ چٹان وَل جنگل نوں نس گئے ۔ تے اوہناں نے اوہناں وِچوں راہواں وِچ پنج ہزار بندے پھڑے ۔ تے جدعوم ؔ تیِکر اوہناں دا پِچھا کیتا ۔ تے اوہناں وِچوں دو ہزار بندے مار سُٹے ۔ ⁴⁶ ۴۶۔ اوس دیہاڑے بنیامین ؔ وِچوں کُل پنجی ہزار بندے مارے گئے ۔ ایہہ سبھّے تلوار چلاؤن والے بہادر بندے سَن ۔ ⁴⁷ ۴۷۔ تے اوہناں وچوں چھے سو بندے فیر رمون ؔ دی چٹان وَل جنگل دی راہیں بھج نسے ۔ تے رِمون ؔ دی چٹان وچ چار مہینے رئے ۔ ⁴⁸ ۴۸۔ تے اسرائیل ؔ دے بندے فیر بنی بنیامینؔ اُتے وَسے تے سبھّے بندیاں نوں تے ڈنگراں نوں جیہڑے شہر وِچ سَن ۔ جہنوں وی اوتھے ویکھیا ۔ اوہناں نے تلوار نال وڈیا ۔ تے اوہناں دے سبھے شہر نوں اَگ نال ساڑ دتا ۔