¹ ۱۔ ایہناں دیہاڑیاں وچ اسرائیلؔ دا کوئی بادشاہ نئیں سی ۔ تے اوہناں دِناں وچ دان ؔ دا قبیلہ رہن دے لئی میراث لبھ دا سی کیوں جو اید ویلے تیِک بنی اسرائیلؔ دے قبیلیاں دے وِچ ایہنوں میراث دا حِصّہ نئیں ملیا سی ۔ ² ۲۔ تے بنی دانؔ نے اپنے ٹبراں وچوں پنج دلیر بہادر بندے اینی سرحد مُرعہؔ تے اِشنازل تون دیس دی سُوہ لین تے اوہدے بارے جانن لئی گھلیا ۔ تے ایہناں نُوں آکھیا پئی جاؤ تے دیس دے بارے پُچھ گُچھ کرو تے اوہ افرائیمؔدے پہاڑ وِچ میکاہ دے گھر آئے تے اوتھے رات کٹی ۔ ³ ۳۔ تے جیدوں اوہ میکاہ دے گھر وِچ سَن ۔ ایہناں تے جوان لاوی ؔ دی آواز پچھانی تے اوہدے وِل گئے تے اوہنوں آکھیا پئی تینوں ایتھے کون لیا یا اے تے توں ایتھے کیہ کرنا ایں تے تیرا ایتھے کیہ اے ۔ ⁴ ۴۔ تدھ اوہنے اوہناں نوں آکھیا پئی میکاہ نے مینوں دِتا اے ۔تے تے اوہنے مینوں دیہاڑی تے رکھیا اے ۔ تے میں اوہدا کاہن بنایا ۔ ⁵ ۵۔ تدھ اوہناں نے اوہنوں اکھیا ۔ ساڈے لئی خداوند توں پُچھ تاں جو اسیں جانئیے پئی جیہڑے راہ وچ اسیں جارئے آں ۔ کیی اسیں کامیاب ہوواں گے ۔ ⁶ ۶۔ ناں کاہن نے اوہناں نوں آکھیا ۔سلامتی نال جاؤ۔ کیوں جو تُہاڈ ااے سفر خداوند دے اَگے وے ۔ ⁷ ۷۔ تدھ اوہ پنجے بندے ٹُرے تے لائیشؔ وچ آئے تے اوتھے لوکاں نوں ویکھیا پئی بو خوف صیدونیاں ؔ دیاں عادتاں دے مطابق امن چین نال رہندے نیں تے اوہناں دے دیس وِچ کوئی نئیں سی جیہڑا اوہناں دی مخالفت کرے ۔ تے ناں کوئی جیہڑا اوہناں دا ارامؔ نال کوئی واسطہ نئیں سی ۔ ⁸ ۸۔ سو اوہ اپنے بھراواں دے کول مرعہؔ تے اشتاؔ وَل توں پِچھاں پَرتے ۔ تدھ اوہناں دے بھرواں نے اوہناں نُوں اکھیا پئی کیہ سوُہ لیائے او ؟ ⁹ ۹۔ تدھ اوہناں نے ایہناں نوں اکھیا ۔ ساڈے نال اُٹھو ۔ پئی اسیں اوہناں تے چڑھائی کرئیے کیوں جو اَساں اوس دیس نُوں ویکھیا ۔ اوہ بڑا چنگا دیس اے تے تُسیں بیہہ رئے او۔ سو چلن وچ دیر ناں کرو ۔ ہُن چلو تے اوس دیس تے قبضہ کرو ۔ ¹⁰ ۱۰۔ کیوں جو جیدوں تُسیں چلو گے تاں اِک خوش حال قوم دے وڈے دیس چہ وڑھو گے۔ تے خداوند نے اوہنوں تُہادے ہَتھ وچ دے دِتا اے ۔ اوہ اجیہی تھاں اے پئی جَگ دیاں ساریاں شیواں وِچوں اوتھے کِسے دی کمی نئیں ۔ ¹¹ ۱۱۔ تدھ دان ؔ دے قبیلہ وِچوں مُرعہؔ تے اشناؔ وَل وِچوں چھے سو مرد لڑائی دے ہتھیار لَے کے ٹُر پئے ۔ ¹² ۱۲۔ تے اوہ چڑھے تے یہوداہؔ دے قریت یعاریمؔ وچ ڈیراہ لایا۔ ایس لئی اوتھے اَج دے دیہاڑے تیِک محنے دا نؔ اکھواندی اے ۔ تے قریت یعاریم ؔ دے پ ِچھلے پاسے اے ۔ ¹³ ۱۳۔ تے اوتھوں لنگ کے افرائیم ؔ پہار وچ اپڑے تے میکاہ دے گھر آئے ۔ ¹⁴ ۱۴۔ تدھ اوہناں پنجاں بندیاں نے جیہڑے لائیش ؔ دے دیس دی سُوہ لین آئے سَن۔ اپنے بھراواں نال گل کرکے آکھیا ۔ کیہ تُسی جان دے او پئی ایہناں گھراں وِچ افود ؔ تے ترافیمؔ تے اِک بُت تراشیا ہویا تے اِک بُت گھڑیا ہویا اے ؟ ایس واسطے ہُن تُسیں سوچو تُہانوں کیہ کرنا ایں ۔ ¹⁵ ۱۵۔ تدھ اوہ اوس پادسے نوں مُڑے تے میکاہؔ دے مکان دے اندر جوان لاوی ؔ دے گھر وِچ آئے تے اوہنون سلام آکھیا۔ ¹⁶ ۱۶۔ تے بنی دانؔ دے چھے سو مرد جیہڑے لڑائی دے ہتھیار لائے ہوئے سَن ، پھاٹک کول کھلوتے رئے۔ ¹⁷ ۱۷۔ تے اوہ پنجو بندے جہناں نے دیس دی سُوہ لئی سی ۔ چڑھے تے اوہ اوتھے اندر گئے تے گھڑیا ہوئیا بُتے تے افود تے ترافیم تے ڈھالیا ہویا بُت لے لیا تے کاہن اوہناں چھیاں مرداں دے کول کھلوتا سی ۔ جیہڑے ہتھیاران نال لیس پھاتک تے سَن ۔ ¹⁸ ۱۸۔ تے جیدوں ایہہ میکاہ دے گھر وچ وڑھے ۔ تے گھڑیا ہویا بُت تے افود تے ترافیم تے ڈھالیا ہویا بُت لے چلے ۔ تدھ کاہن اوہنوں آکھیا ۔تُسیں ایہہ کیہ کر دے او۔ ¹⁹ ۱۹۔ اوہناں نے اوہنوں آکھیا چُپ ! اپنا ہَتھ اپنے مُونہہ تے رَکھ تے ساڈے نال چَل ۔تے ساڈا پیو تے کاہن بن ۔ کیہ تیرے لئی اِک بندے دے گھر دا کاہن ہونا چنگا سے بجائے ایہدے پئی اسرائیلؔ چہ اِک قبیلے تے ٹبر دا کاہن ہوویں ۔ ²⁰ ۲۰۔ کااہن دا دِل خوش ہو گیا ۔ فیر اوہنے افود تے ترافیم تے گھڑیا ہویا بُت چُکیا تے لوکاں دے وِچ آیا ۔ ²¹ ۲۱۔ تدھ اوہ پھِرے تے چَل پئے تے بچّیاں تے جانوراں تے سب مہنگیاں شیواں نُوں اپنے اَگے اَگے رکھیا ۔ ²² ۲۲۔ جیدوں اوہ میکاہ دے گھر توں کُجھ دوُر گئے ۔ تَدھ اوہ لوک جیہڑے میکاہ دے گھر دے نیڑے دے گھراں وِچ رہندے سَن کٹھے ہوئے تے بنی دانؔ دا پیچھا کیتا ۔ ²³ ۲۳۔ تے اوہناں نے بنی دانؔ نُوں للکاریاں تاں اوہناں نے اپنے مُونہہ پھیر کے میکاہ نُوں آکھیا پئی تینوں کیہ ہویا اے پئی تُوں چیکنا ایں؟ ²⁴ ۲۴۔ اوہنے آکھیا پئی تُساں میرے خدا نُوں جیہڑا میں بنایا سی تے میرے کاہن نُوں لے چَلے او تے میرے لئی کیہ بچیا رہیا ۔ تے تُساں مینوں آکھدے او پئی کیہ ہویا اے ۔ ²⁵ ۲۵۔ بنی دانؔ نے اوہنوں آکھیا ۔ پئی تیری آواز ساڈے وِچکار سُنی ناں جاوے ۔ اینج ناں ہو وے پئی غُصہ وَر بندہ تیرے تے حملہ کرن تے تیری جان تے تیرے گھرانے دیاں جاناں ہلاک ہون۔ ²⁶ ۲۶۔ تے بنی دانؔ اپنی راہ چَلے گئے تے جیدوں میکاہ نے ویکھیا پئی اوہ میرے توں زور آور نیں تاں اوہ مُڑیا تے اپنے گھر نُوں پرت گیا ۔ ²⁷ ۲۷۔ تے اوہناں نے جو کُجھ میکاہ ؔ نے بنایا سی ۔ تے کاہن جیہڑا اوہنے رکھیا سی لیا تے لائیش ؔ دے وَل اوہناں لوکاں تے حملہ کیتا ۔ جیہڑے امن چین نال رہندے سَن ۔ تے اوہناں نُوں تلوار دی دھار نال ماریا تے اوہناں دا شہر اَگ نال ساڑ دِتا ۔ ²⁸ ۲۸۔ تے اوہناں نُوں کوئی چھُڈان والا نئیں سی ۔ کیوں جو اوہناں دا شہر صیدونؔ توں دوُر سی ۔ تے اوہ ارامؔ نال کُجھ واسطہ ناں رَکھ دے سَن ۔ تے اوہناں دا شہر بیت احوبؔ دی وادی وچ سی ۔ تے اوہناں نے شہر بنایا ۔ تے اوہدے وچ رہن لگے ۔ ²⁹ ۲۹۔ تے اوہناں نے اوس شہر دا ناں دانؔ اپنے پیو دان ؔ دے ناں تے رکھیا ۔ جیہڑا اسرائیلؔ توں جمیا سی ۔ تے اوس شہر دا ناں ایس توں پہلاں لائیشؔ سی ۔ ³⁰ ۳۰۔ تے بنی دان ؔ نے اپنے لئی میکاہ، کاہن رکھیا تے یونتنؔ بن جیر شومؔ بن مُوسیؔ تے اوہدے پُتر ایس سر زمین دی غلامی دے دیہاڑے تیِک دانیاں ؔ دے قبیلے دے کاہن رئے۔ ³¹ ۳۱۔ تے اوہناں سرے دیہاڑیاں چہ جیدوں تیِک خدا دا گھر شیلوؔ وچ سی ۔ اوہ میکاہ دا گھڑیا بُت اوہناں کول رہیا۔