¹ ۱۔ فیر سمسُون غزہؔ نوں گیا ۔اوتھے اوہنے اِک لُچی زنانی ویکھی تے اوہدے کول اندر گیا۔ ² ۲۔ تے غزہؔ دے لوکاں تُوں آکھیا گیا پئی سمسُونؔ ایتھے وے تے اوہناں نے اوہنوں گھیر لیا۔تے شہر دے بوہے تے چھیتی لائی رکھی تے ساری رات چُپ رہے تے اوہناں آکھیا پئی سویر دی لو ہندیاں ای تسی اوہنوں وَڈھ دیاں گے ۔ ³ ۳۔ تے سمسُون اَدھی را تیک سُتا تے اَدھی رات نُوں اُٹھیا ۔تے شہر دے پھاٹک دے پَلّیاں نوں اوہناں دیاں سَردلاں تے قبضیاں سمیت پُٹ لیا ۔تے اپنے موہڈے تے چُک کے اوس پہاڑ دی ٹیِسی تے جیہڑی حبرونؔ دے سامنے ویں چڑھ گیا۔ ⁴ ۴۔ اوہدے بعدوں اینج ہویا پئی اوہو سُورقؔ دی وادی چہ اِک زنانی تے ریجھ گیا ۔جہدا ناں دلیلہؔ سی۔ ⁵ ۵۔ تے فلِستیاں دے سرداراں اوس زنانی وَل چڑھ آئے تے اوہنوں آکھیا پئی تُوں اوہنوں مسَکا لا تے پتہ کر پئی اوہدی ایڈی ڈاہڈے زور کیہڑی شے چہ اے۔تے کِسراں اَسیں اوہنوں تنگ کریئے پئی اوہنوں بَن کے اوہنوں نیویاں کریئے تے ساڈے چوں ہر اِک بندہ تینوں یا رہ سو مثقال چاندی دے گا۔ ⁶ ۶۔ تَد دلیلہ ؔ نے سمسُون نُوں نُوں آکھیا پئی مِنوں دَس پئی تیرا وڈا زور کیہڑی شے وچ اے۔تے کیہڑ ی شے نال تینوں بنیئے پئی تُوں تنگ پہ جاویں۔ ⁷ ۷۔ سمسُون نے اوہنوں آکھیا پئی جے مینوں بینت دیاں سَت ہرے ٹانڈے جیہڑےسُکائے ناں گِیاں ہوون۔بنیا جاوے تے میں ماڑا تے عام بندے وانگوں ہو جاواں گا۔ ⁸ ۸۔ تد فلِستیاں دے سردا ر سَت ٹانڈے جیہڑے سکائے نئیں سن گئے ۔اوس زنانی دے کول لیائے تے اوہنوں بنہیا ۔ ⁹ ۹۔ تےچھئی لان ولاے اوہدے نیڑے ٹارے چہ سٹھے ہوئے سَن۔تد اوہو آکھن لگی ۔او سمسُون ؔ! فلِستی تیرے تے آپئے نیں ۔تے اوہنے اوہناں ٹانڈیاں اینج پہنیا جِسراں سَن دا دھاگا اَگ پیندیاں ای ٹُٹ جاوے ۔ایس لئی پتہ نہ لگا پئی اوہدا زور کیہڑی شے چہ اے۔ ¹⁰ ۱۰۔ تد دلیلہؔ اوہنوں آکھیا تُوں مِنوں دھوکا دِتا ّ اے تے میرے نال جھوٹ بولیااے۔ہن تُوں دَس پئی تینوں کیہری شے نال بنیا جاوے ۔ ¹¹ ۱۱۔ تے اوہنے اوہنوں آکھیا پئی جے تُوں مِنوں نویاں رسیاں نال جیڑے پہلاں کدی ورتے ناں گئے ہون ۔بن دویں تے میں ماڑ اتے عام بندیاں وانگو ہو جاواں گا۔ ¹² ۱۲۔ تے دلیلہؔنے نویں رَسے لئے تے اوہنوں بنیا تے اوہنوں آکھیا او سمسُون ! فلِستی تیرے تے چڑھ آئے نے تے چھئی لان والے ٹارے چہ بیٹھے سَن ۔تے اوہنے رَسیاں نوں آپنیاں باہواں توں ایسراں بنیا ۔جیویںدھاگہ بنیاں جاندا اے۔ ¹³ ۱۳۔ تے دلیلہ ؔ نے سمسُون نوں آکھیا تُوں ہُن تیک دھوکا دیندا تے جھوٹ بولدا آیاں ایں ۔مینوں دَس پئی کیہڑی شے نا ل تُوں بنیا جاویں ؟تے اوہنے اوہنوں آکھیا جے تُوں میرے سِر دیاں سَت لِٹاں تا نے نال اُنیں تے مینوں کِلی نال بنیں تے میں ماڑ اتے عام بندے وانگوں ہو جاواں گا۔ ¹⁴ ۱۴۔ تے اوہنے اوہدے سِر دیاں لِٹا ں نوں تانے نال اُنہیاں تے اوہنوں کِلی نال بنیاں تے آکھیا ۔او سمسُون !فلِستی تیرے تے چڑھ آئے نے تد اوہو نیندر وچوں جاگیا ۔تے کِلیّ توں تانے نال ای لے گیا ۔ ¹⁵ ۱۵۔ تد اوہنے اوہنوں آکھیا پئی توں سِراں آخ سَکناں ایں پئی توں میرے نال پیار کرنا ں ایں ۔جد کے تیرا دِل میرے نال نئیں تے مینوں تین واری دھوکہ ای دِتا اے تے مینوں نئیں دَسیا پئی تیرا ایہہ ڈاہڈا زور کیہڑ ی شے چہ اے۔ ¹⁶ ۱۶۔ تے فیر ایسراں ہویا پئی جدوں اوہو ہر زور آپنیاں گلاں نال اوہنوں پریشان تے بے چین کر دی رہی۔تے اوہدی جان موت تیک نگاہ آگئی۔ ¹⁷ ۱۷۔ تے اوہنے جیہڑا کجیہ اوہدے دل چہ سی دَسیا تے آکھیا پئی میرے سِرتے کدی اُسترا نئیں پھریا ۔کیوں جو میں اپنی ماں دی کُکھ چوں ای خدا دا نذیر آں۔ایس لئی جے میرا سِرمُنن دِتا جاوے تے میرا زور میرے توں جاندا رہے گا ۔تے میں ماڑا تے عام بندیاں وانگوں ہوجاواں گا۔ ¹⁸ ۱۸۔ تے دلیلہ ؔ نے ویکھیا جیہڑا کجیہ اوہدے دِل چہ سی اوہنے کھلو دِتا اے تے اوہنے سنیہا گھل ک فلِیستیاں ؔ دے سرداراں نوں صدیا ۔تے آکھیا پئی اِک واری ہور آؤ کیوں جو جیہڑا کجیہ اوہدے دل چہ سی مینوں دس دِتا اے تے فلِستیاں دے سردار اوہدے کول آئے تے وعدے دے مطابق شیواں وینال لئی آئے۔ ¹⁹ ۱۹۔ تے اوس زنانی نے اوہنوں اپنے گوڈیاں تے سنوایا تے اِک بندے نُوں سدلیا۔تے اوہدے سِر دیاں ست لِٹا ں مُنن دِتیاں ۔تے ایسراں اوہو ہار گیا تے اوہدا زور جاندا رہیا ۔ ²⁰ ۲۰۔ تے اوہنے اوہنوں آکھیا اوہ سمسُون! فلِستی تیرے چڑھ آئے نے ۔تد اوہو نیندراں چوں آکھیا ۔تے اوہنے آکھیا جسراں میں پہلاں ہر واری کیتااے۔تے اپنے آپ نوں چھڈاں لواں گا تے اوہنوں سمجھ نہ آئی پئی خداوند میرے کولوں ٹر گیا اے۔ ²¹ ۲۱۔ تد فلِستیاں ؔ نے اوہنوں پھڑ یا تے جھَٹ پَٹ اوہدیاں اکھاں گڈھ چھڈیاں تے اوہنوں لے کے نخرہ ؔ وَل گئے تے اوہنوں پِتل دیاں دو سنگلاں نال بنیا تے اوہو بندی خانے چہ چُکی پیندا سی۔ ²² ۲۲۔ بعدوں او اینج ہویا پئی اوہدے مُنے ہوئے سِر چہ فیر وال اُگن لگ پئے۔ ²³ ۲۳۔ تے فلِستیاں دے سردار اکٹھےہوئے ۔تاں جو اپنے رَب دَجون ؔ دے لئی بڑی خوشی نال وڈی قربانی چڑھان اوہناں آکھیا کیون جو ساڈے رَب نے ساڈے ویری سمسُون ؔ نوں ساڈے ہتھاں چہ دے دِتا اے۔ ²⁴ ۲۴۔ جدوں لوکاں نے ویکھیا تے اوہناںنے اپنے رَب دی وڈیائی کیتی تے اوہناں آکھیا پئی اوہنے ساڈے ویری نوں ساڈے ہتھ چہ دے دِتا اے۔جنہے ساڈا دیس خراب کیتا تے ساڈے چوں بوہت ساریاں نوں قتل کیتا ۔ ²⁵ ۲۵۔ جدؤں اوہناں دے دِل خوش ہوئے تے اوہناں آکھیا تاں جو اوہو ساڈے اَگے کھیڈ کھیڈے تے اوہناں سمسُون ؔ نوں بندی خانے وچوں تلایا۔تے اوہنے اوہناں اَگے کھیڈ کیتا ۔تے اوہناں نے اوہنوں تھماں دے وچ کھلاریا۔ ²⁶ ۲۶۔ تد سمسُونؔ نے اوس مُنڈے نُوں جِتھے اوہدا پھڑیا ہویا سی ،آکھیا ۔مینوں اوہناں تھماں نوں پھڑن دے جنہاں تے مَندر کھلتا ہویا اے تاں جو میں آسرا لواں ۔ ²⁷ ۲۷۔ اوہو مندر بندیاں تے زنانیاں نال بھریا ہویا سی ۔نالے فلِستیاںؔ دے سارے سردار وی اوتھے سن۔تے چھت دے اُتے انداز نال تِن ہزار بندے زنانیاں سن۔جیہڑے سمسُون نوں کھیڈ کر دیاں ویکھن آئے سن۔ ²⁸ ۲۸۔ تد سمسُون نے خداوند کولوں دُعا منگی تے آکھیا: اے خدا !اے خداوند مینؤں یاد کر ! اے میرے خدواند ! بس ایس واری فیر مینوں زور دے پئی میں فلِستیاں کولو ں آپنیاں دوویں اَکھاں دا اِکو واری بدل لواں ۔ ²⁹ ۲۹۔ تے سمسُون نے دوواں وچکار تھماں نوں جنہاں تے مندر کھلوتا سی تے جہدے نال اوہنے آسرا لیا سی۔ اِک نؤں سجے ہتھ نال تے دوجے نوں کھبے ہتھ نال پھڑیا۔ ³⁰ ۳۰۔ تے سمسُونؔ نےآکھیا پئی میری جان فلِستیاںؔ دے نال جائے تے اوہنے زور نال اوہناں نوں ہلایا ۔تے مندر سرداراں تے سبھے لوکاں تے جیہڑے اوتھے سن ڈِگ پیا ۔ اوہو لوک جنہاں نوں اوہنے اپنے مرن دے ویلے ماریا۔اوہناں توں ودھیرے سن۔جنہاں نوں اوہنے اپنی حیاتی چہ قتل کیتا سی ۔ ³¹ ۳۱۔ اوہدے بھرا تے اوہدے گھر دے لوک آئے تے اوہنوں چُک کے لے گئے تے قُرعہ ؔ تے اِستال دے وچکار اوہدے پیو منوحہ دی قبر چہ اوہو دبیا۔اوہ ویہہ ورھے تائیں اسرائیل دا قاضی رہیا۔