¹ ۱۔ تے کجھ دیہاڑے مگروں کنک وڈن دے موسم وچ اینج ہَویا پئی سمسُون اپنی ووہٹی نوں ویکھ ن آیا۔تے اِک بکری دا لیلا اوہدے جوگی لیایا تے آکھیا ۔پئی میں اپنی ووہٹی دے کول اوہدی کوٹھی وچ جاواں گا ۔پر اوہدے پیو نے اوہنوں اندر ناوڈن دِتا ۔تے اوہدے پیو نے آکھیا۔ ² ۲۔ میں تاں سوچیاں پئی تُوں اوہدے تھوں کریچ کردا ہوویں گا ۔ایس لئی میں تاں اوہنوں تیرے شڑبالے دی ووہٹی بنا دِتا ۔پر اوہدی نِکی بھین اے ،جیہڑی اوہدے توں وی سوہنی اے ۔ایس کر کے اوہدے بدلے تُوں اوہنوں لے لے ۔ ³ ۳۔ سمسُون نے اوہنوں آکھیا ۔پئی ایس ویلے تاں فلستِیاں وَلوں بری ہویا ۔کیوں جو میں اوہناں نال بُریائی کرنا چاؤنا ہاں۔ ⁴ ۴۔ تے سمسُون گیا ۔تے اوہنے ترے سو لومڑیاں پھڑیاں تے مشالا ں لئیاں۔تے دو دو لومڑیاں دی پُشلا ں رَلا کے اوہناں نال مشال بنھی ۔ ⁵ ۵۔ تے مشالاں نُوں اَگ لاءدِتی ۔تے لومڑیاں نُون فلستِیاں دی کھلوتی کنک وچ چھڈ دِتا ۔تے پُولیاں دے دھیرں تے کھلوتی کنک تے تاکستاناں تے زیتون دے رُکھا ں نوں ساڑ دِتا ۔ ⁶ ۶۔ تےفلستیاں نے آکھیا۔پئی ایہہ کِنے کِیتا ؟تاں اوہناں نُوں آکھیا گیا پئی تَمنیؔدے جوائی سمسُونؔ نے ۔کیوں جو اوہنے اوہدی ووہٹی شرب بالے نوں ویاہ دِتی ،تد فلستینؔدے رہن والے کٹھےہوئے۔تے اوہناں نے اوس بی بی نُوں تے اوہدے پیو دے گھر نُوں اَگ نال ساڑ دِتا۔ ⁷ ۷۔ تے سمسُونؔ نے اوہناں نُوں آکھیا : جیکر تُساں اِینج کیتا اے تاں وی میں تہاڈے توں بدلا لوآں گا ۔تے تاں بس کراں۔ ⁸ ۸۔ تے اوہناں تُوں وڈے خون خابے دل نال مار مار کے اوہناں ستیاناس کر دِتا ۔تے اوتھوں لہہ کے عیطام دی چٹان دی کھوہ وِچ جا لُکیا ۔ ⁹ ۹۔ تد فلِستیاں نے چڑھائی کیتی ۔تے یہودا دے وچ ڈیرے گڈے۔تے لحیؔ وچ کِھلر گئے ۔ ¹⁰ ۱۰۔ تد یہودا دے بندیاں نے اوہناں نوں آکھیا۔تُسی ساڈے اُتے کیوں چڑھی آؤندے او؟اوہناں نے آکھیا: اسی سمسُون نوں بھنن جو گی چڑھے آؤنے ہاں۔تے جیہا اوہنے ساڈے نال کیتا ۔اجیہا ایاسی اوہدے نال کراں گے۔ ¹¹ ۱۱۔ تد یہودا وچوں ترے ہزار بندے تھلے لتھے ۔تے عیطام دی چٹا ن کھوہ وچ آئے ۔تے اوہناں نے نے سمسُون نُوں آکھیا: کیہ توں نئیں جان دا سی پئی فلستیِ ساڈے اُتے حاکم نیں ۔نے فیر وی توں ساڈے نال اجیہا کیوں کِیتا ؟تاں اوہنے اوہناں نوں آکھیا ۔جیویں اوہناں نے میرے بال کیتا ۔میں وی اوہناں نال تیویں ای کیتا ۔ ¹² ۱۲۔ اوہناں نے اوہنوں آکھیا ۔پئی اسی آئے ہاں۔تاںجو تینوں بنھیے تے فلِستیاں دے ہتھ حوالے کرئیے۔تد سمسُون نے اوہناں نوں آکھیا ۔پئی مینوں سونہہ دیو۔پئی آپ مینوں جانوں نا مارو گے ۔ ¹³ ۱۳۔ اوہناں نے اوہنوں آکھیا :نئیں پر اسی تینوں بنھاں گے تے اوہناں نے ہتھ حوالے کرآں گے۔تے اسی تینوں قتل کراں گے ۔تد اوہناں نے اوہنوں دو نوئیاں رسیاں نال بنھیا۔تے عیطام دی چٹان تھوں اوہنوں تے لیائے ۔ ¹⁴ ۱۴۔ جدوں اوہ لحیؔ وچ اپڑیا ۔تآں فلِستی اوہنوں ویکھ کے للکار ے۔تد رَب دی روح نازل ہوئی ۔تے ویکھو ۔اوہ رسے جنہاں نال اوہدے تے اوہدیاں بانہواں بجھیاں سن۔اجیہے ہوگئے ۔جیہی سن۔جیہڑی اَگ نا ل سڑ جاوے۔تے اوہدے ہتھاں دے بنھ کُھل گئے۔ ¹⁵ ۱۵۔ تے اوہنے اِک کھوتے دے جباڑ دی سجری ہڈی لبھی ۔تے اپنا ہتھ ودھا کے اوہنوں پھڑیا۔تے اوہدے نال اوہنے اِک ہزار بندے مار سُٹے ۔ ¹⁶ ۱۶۔ تے سمسُون نے آکھیا ۔ کھوتے دے جباڑدی ہڈی نال میں ڈھیردے تے ڈھیر وِچھایا کھوتے دے جباڑ دی ہڈینال میں اِک ہزار بندیاں نُوں فنا کیِتا۔ ¹⁷ ۱۷۔ تے جد اوہنے ایہہ کلام آکھیا ۔تاں جباڑ دی ہڈی اپنے ہتھ وچوں سُٹ دِتی تے اوس تھا ں دا ناں رامتؔ لحی ؔرکھیا ۔ ¹⁸ ۱۸۔ فیر اوہنوں ڈاڈھی تریہہ لگی۔تے خداوند دے نیڑے کُرلایا۔تے اکھیا۔پئی تُوں اپنے بندے دے ہتھ نال اجیہی وڈی خُلاصی بخشی ۔تے ہن میں تریہہ نال مردا پئیا ہاں ۔تے نامختوں دےہتھ حوالے کیتا جاواں گے۔ ¹⁹ ۱۹۔ تاں رَب نے اوس جوف نوں، جیہڑا لحیؔ وچ اے،پاڑ دِتا ۔تے اوہدے وِچوں پانی وَگیا ۔تآں اوہنے پیتا تے اوہدی جان وچ جان آئی اوہ لحیؔوچ اج دے دیہاڑے تیک ہے وے۔ ²⁰ ۲۰۔ تے اوہ فلِستیاں دے دیہاڑیاں وچ بنی اسرائیل دا ویہہ ورھیاں تیِکر قاضی رہیا۔