¹ ۱۔ ابی ملک دے بعد تولع ناں دا اک بندہ جہڑا اشکار دے قبیلے دا سی اسرائیل دی طرگ داری لئی کھلوتا ۔ اوہ دودو دا پوترا تے فوہ دا پتر سی ۔ اوہ افرائیم دے پہاڑی دیس سمیر وچ رہندا سی ۔ ² ۲۔ اوہ تیئی ورھے تیَک اسرائیل دا نیاں کرن وال سی ۔ اپنے مرن دے بعد سمیر وچ دفنایا گیا۔ ³ ۳۔ اوہدے بعد جلعادی یائیر احیا جہڑا بائی ورھے تیَک اسرائیل دا قاضی رئیا ۔ ⁴ ۴۔ ایہدے تیہ پتر سن جہڑے تیہ کھوتیاں تے بہندے سن ۔ جلعاد وچ اوہ تیی شہراں تے حکم چلاندے سن ۔ جہڑے اج دے دن تیَک یائیر اکھواندے نیں ۔ ⁵ ۵۔ جدوں یائیر مر گیا تے اوہ قامون وچ دفنایا گیا ۔ ⁶ ۶۔ بنی اسرائیل نے فیر خداوند دیاں اکھاں چ بدی کیتی تے بعل ،عستارات تے ارام دے دیوتاواں ، صَدون دے دیوتاواں ، موآب دے دیوتاواں ، بنی عمون دے دیوتاواں تے فلستیاں دے دیوتاواں دی پوجا کر لگ پئے ۔ جدوں کہ اوہناں نے خداوند نوں چھڈ دتا سی تے اوہدی بندگی نئیں کر دے سن ۔ ⁷ ۷۔ ایس لئی اوہ اوہنوں توں رُس گیا ۔ تے اوہناں نوں فلستیاں تے بنی عمونیاں دے ہتھ ویچ دتا ۔ ⁸ ۸۔ جہناں نے اوس ورھے بنی اسرائیل نوں بوہت ای ستایا تے ماریا کُٹیا تے اوہ اٹھاراں ورھے تِیک یرد ن دے دمشق وچ اموریاں دے دیس جلعاد وچ وسے ہوئے سارے اسرائیلیاں اتے ظلم کردے رئے ۔ ⁹ ۹۔ بنی عمون وی یردن پار کرکے یمین دے پتر یہوداہ تے افرائیم دے گھرانے نال لڑن آ جاندے سن ۔ تدھ اسرائیلی بوہت مصیبت چ پھیس گئے ۔ ¹⁰ ۱۰۔ تدھ بنی اسرائیل نے خداند اگے ترلا پایا پئی اسیں تیرے برخلاف پاپ کیتا اے تے اپنے ای خدا نوں چھڈ کے بعل دیوتا دی پوجا کیتی ۔ ¹¹ ۱۱۔ خداوند نے جوان دتا: جدوں مصریان ، اموریان ، بنی عمونیاں ، فلستیاں ، ¹² ۱۲۔ صیدانیاں ، عمالیقیاں ، تے ماعونیاں نے تہاڈے تے ظلم کیتے تے تسیں امداد واسطے میرے اگے منت کیتی تدوں کیہ میں تہانوں اوہناں دے ہتھوں خلاصی نئیں دتی ؟ ¹³ ۱۳۔ پر تسیں مینوں چھڈ کےتے ہور دیوتاواں دی پوجا کیتی ، ایس لئی ہن میں تہانوں نئیں چھڈانواں گا ۔ ¹⁴ ۱۴۔ جائو تے اوہناں ویوتاواں اگے روئو کرلائو جہناں نوں تسیں اپنا بنا لیا اے۔ اوہ ای تہانوں تہاڈی مصیبت وچ چھڈان گے ۔ ¹⁵ ۱۵۔ پر بنی اسرائیل نے خداوند نوں آکھیا : اسیں پاپ کیتا اے ۔ ایس لئی توں ساڈے نال اوہ ای کر جو تو چنگا سمجھنا ایں ۔ پر ہن سانوں چھڈا لے۔ ¹⁶ ۱۶۔ تدوں اہناں نے اوہناں دے دیوتاواں نوں اپنے وچوں کڈھ دتا تے اوہ خداوند دی پوجا کرن لگ پئے تے خدا اسرائیل دی پریشانی نوں ہور اگے ویکھ ناں سکیا ۔ ¹⁷ ۱۷۔ جدوں بنی عمونیاں نے ہتھار پا کے جلعاد وچ ڈیرے لائے تے اسرائیلیاں نے کٹھے ہو کے مصفاہ چ ڈیرے لائے ۔ ¹⁸ ۱۸۔ تدوں جلعاد دے لوکاں دے پینچ اک دوجے نوں کہن لگے : جہڑا کوئی بنی عمون تے وار کر نا شروع کرے گا اوہو ای جلعاد دے سارے واسیاں دا پنچ ہووے گا ۔