¹ ۱. جیدوں او ساریاں گلاںتیرے توں لنگھن گئیاں ۔ برکتاں تے لعنتاں جیہڑیاں اگے رکھیاں نیں ۔ تے اوہناں سب قوماں دے وچکار جِتھے خدواند تیرا خدا تینوں سُت دے گا ۔ تے توں اوہناں نوں اپنے دِل نال یاد کریں گا ۔ ² ۲. تے خُداوند اپنے خدا وَل پرتیں گا ۔ تے اوس سارے کُجھ دے مطابق جو اَج میں تینوں آکھنا واں ۔ توں تے تیری اولاد اپنے پوُرے دِل تے اپنی ساری جان نال اوہناں حُکماں دی تبعداری کرے گی ۔ ³ ۳. تے خُداوند تیرا خُدا تیری قید دی زِندگی چوں تینوں پرت لیاوے گا ۔ تے تیرے اُتے رحم کرے گا تے اِک فیر ساریاں قوماں دے وچکاروں جِتھے خداوند تیرے خدا نے تینوں کھلاریا سی۔ تیرے سارے کھلار نوں کٹھیاں کرے گا ۔ ⁴ ۴. بھانویں تُوں اسمان دے کنڈیاں تیِکر کڈھ د تا گیا ہویں ۔ خداوند تیرا خدا اوتھوں دی برکت تیرے کھلار نوں کٹھیاں کر لئے گا ۔ تے اوتھوں تینوں پرتا لیئے گا ۔ ⁵ ۵. خُداوند تیرا خُدا اوس دیس چہ ہے ۔ مالک تیرے پیو دادادے سَنے پھیر لیاوے گا تے توں بُہتا تینوں ودھائے گا۔تے توں اوہدا مالک بنیں گا ۔ تے اوہو تیرے نال نیکی کرے گا ۔ تے تیرے پیو دادے توں بُہتا تینوں ودھائے گا ۔ ⁶ ۶. تے خُداوند تیرا خُدا تیرے دِل تے تیری نسل دے دِل دیاں سُنتاں کرے گا ۔ تاں جو تُوں خداوند اپنے خدا نوں اپنے پور ے دل تے اپنی پوری جان نال پیار کریں ۔ تاں جو تُوں جیوندا رہویں ۔ ⁷ ۷. خدواند تیرا خُدا اوہناں سبھے لعنتاں تیرے ویریاں تے تیرے دُشمناں تے جیہڑے تینوں دُکھ دینے نیں ، پاء دے گا ۔ ⁸ ۸. تے خداوند دے کم دی تابعداری کریں گا تے اوہدے سارے حُکماں تے جنہاں دے بارے اَج دے دِن میں تینوں آکھیا اے عمل کریں گا ۔ ⁹ ۹. خداوند تیرا خدا تیرے ہَتھ دیاں شیواں نوں تے تیری دھرتی پھَل نوں چنگیاں شیواں نوں ودھائے گا ۔ کیوں جو خُداوند فیر سبھے چنگیاں شیواں چہ تیرے تُوں راضی ہووے گا ۔ جِس طرحاں اوہو تیرے پیو دادے توں راضی سی۔ ¹⁰ ۱۰. پر شرط ایہہ وے پئی خداوند اپنے خدا دے فرمان تابعداری کریں ۔ تے اوہدے حُکماں تے قانون نوں جیہڑے ایس شریعت دی کِتاب چہ لِکھے گئے ۔ منّے تے سارے دِل تے اپنی ساری جان نال خداوند اپنے خُدا وَل پَرت آویں ۔ ¹¹ ۱۱. کیوں جو ایہہ حُکم جہناں دے بارے اَج دے دیہاڑے میں حُکم دینا واں ۔ تیرے وسوں باہر نئیں ۔ تے ناں تیرے توں پراں نیں ۔ ¹² ۱۲. اوہو اسمان چہ نیں پئی تُوں آکھیں پئی کیہڑا ساڈے لئی اسمان تے چڑھے تے اوہنوں ساڈے کول لیاوے تے ساہنوں سُنا دے ۔ تاں جو اسیں اوہدے تے عمل کرئیے ۔ ¹³ ۱۳. تے ناں اوہو سمُندر پار اے پئی تُوں آکھیں پئی کیہڑا ساڈے لئی سمندروں پار جاوے ۔ تے اوہنوں ساڈے کول لیاوے تے ساہنوں سُنادے ۔ تاں جو اسیں اوہدے تے عمل کرئیے ۔ ¹⁴ ۱۴. پر کلام تیرے بوہت بیڑے دے تیرے مُنہ چہ ۔ تے تیرے دِل چہ اے ۔ تاں جو توںاوہدے تے عمل کریں ۔ ¹⁵ ۱۵. ویکھ اَج دے دِن میں زندگی تے نیکی تے موت بدی نُوں تیرے اَگے رَکھ دیتا اے ۔ ¹⁶ ۱۶. جے توں خداوند اپنے خُدا دے حُکماں تے عمل کریں ۔ جہناں دا میں تینوں اج حُکم دیناں واں پئی تُوں خداوند اپنے خُدا نوں پیار کریں ۔ تے اوہدیاں سبھ راہنواں تے چلیں تے اوہدے حکماں نوں تے اوہدے قانوناں تے اوہدی مرضی نوں میں تے توں جیوندا رہویں گا تے ودھ جاویں گا ۔ تے خداوند تیرا خُدا اوس دیس چہ تینوں برکت دیوے گا ۔ جیدا مالک بنن لئی تُوں جانا ایں ۔ ¹⁷ ۱۷. پر جے تیرا دل پَرت جائے تے توں ناں سُنیں تے اوپریاں گلاں چہ آ جاویں تے دوُجے معبوداں نوں مَتھا ٹیکیں تے اوہناں دی عبادت کریں ۔ ¹⁸ ۱۸. تے ا؟ج دے دیہاڑے میں تینوں پیہلاں ای دس دیناں واں پئی تُسیں ضرور مارے جاؤ گے ۔ تے اوس دیس بُہتا چِر ناں رہوو گے ۔ جیدے چہ داخل ہوون لئی تُسیں یردنؔ دے پار جاندے او ۔ تاں جو اوہدے مالک بنو ۔ ¹⁹ ۱۹. تے اَج دے دِن مین اسمان تے زمین نوں تُہاڈے گواہ لیاناں واں پئی میں زندگی تے موت ، موت تے لعنت تُہاڈے سامنے رکھی اے ۔ ایسی لئی زندگی نون چُگ لوو ۔ تان جو تُسیں تُہاڈی اولاد جیوندی رہوے ۔ ²⁰ ۲۰. پئی توُں خداوند اپنے خادا نون پیار کریں ۔ تے اوہدے حکماں دی تابعداری کریں ۔ تے اوہدے نال چمبڑیاں رہویں ۔ کیوں جو تُوں اوس دیس چہ وس دا رہویں ۔ جیدے بارے چہ خداوند تیرے خُدا نے تیرے پیو دادے ابرہامؔ تے اضحاق تے یعقوب ؔ نال سونہہ کھاہدی سی پئی اوہو تُہانوں بخش دے گا ۔