¹ ۱. ایہہ کلام اوس ویلے دا اے ۔ جیہڑا خداوند نے مُوسیٰ ؔ نال کیتا ۔ پئی موآب ؔ دی دھرتی وچ بنی اسرائیلؔ نال بنھے ۔ اوس عہد تھوں علاوہ جیہڑا اوہنے اوہناں نال حورب ؔ وچ بنھیا۔ ² ۲. تے موسیٰ ؔ نے سبھ اسرائیلؔ نوں سدیا تے اوہناں نوں آکھیا ۔ پئی تُساں اوہ سبھے کُجھ ویکھیا ، جیہڑا خداوند نے تُہاڈے اگے فرعونؔ تے اوہدے سبھے وزیراں تے اوہدے سبھے دیس نال کیتا۔ ³ ۳. اوہ ڈاہڈیاں ازمایشاں جہناں نو ں تُوں اپنی اکھاں نال ویکھیا ۔ اوہ نشانیاں تے اوہ وڈے عجوبے ⁴ ۴. پر خداوند نے تُہانوں اوہ دِل ، جیہڑےسمجھن تے اوہ اکھاں جیہڑیاں ویکھن تے اوہ کن جیہڑے سُنن ، اج دےدیہاڑے تیِکر نئیں دتے ۔ ⁵ ۵. میں چالیھ ورھے تیِک جنگل وچ تُہاڈی اگوائی کیتی ۔ تُہاڈے کپڑے تُہاڈے گلھ پُرانے نان ہوئے ۔ تے ناں تُہاڈے پیراں وچ پاٹیاں ۔ ⁶ ۶. ناں ای روٹی تُہاڈے کھنا لئی تے ناں ای مے یاں کوئی نشے والی شے تُہاڈے پین جوگی سی ۔ تاں جو تُسی جان لئو و پئی میں خداوند تُہاڈا خدا ہاں ۔ ⁷ ۷. تے فیر جد تُسیں اوس تھاں تے آئے تاں حبشونؔ دا بادشاہ سیحونؔ تے بادشاہ باشان دا بادشاہ عوجؔ ساڈے بر خلاف لڑن جوگی نکلے ۔ تاں اسیں اوہناں دونواں نوں ماریا ۔ ⁸ ۸. تے اسیں اوہناں دا دیس کھولئیا ۔ تے روبینیاں ؔ تے جادیاں ؔ تے منسیاں ؔ دے ادھ قبیلے میراث جوگی دتا ۔ ⁹ ۹. اخیر تُسیں ایس عہد دے کلام نوں منّو تے اوہدے تے عمل ورتو ۔ تاں جو جو کُجھ تُسیں کر دے او ، اوہدے وچ کامیاب ہوو۔ ¹⁰ ۱۰. تُسیں اج دے دیہاڑے سبھ خداوند اپنے خدا دے حضور کھلوو تُہاڈے سرپنچ تے تُہاڈے قاضی تے تُہاڈے وڈے وڈیرے تے پہاڈے اُچیچے تے اسرائیل دے سبھے جذبے ۔ ¹¹ ۱۱. تے تُہاڈے بچے تے تُہاڈیاں ووہٹیاں تے پردیسی ،جیہڑے تُہاڈے خیمیاں دے احاطے وچ نیں ۔ لکڑی وڈن والے تھوں لے کے پانی بھرن والے تیِک ۔ ¹² ۱۲. تاں جو تُسی خداوند اپنے خدا دے اوس عہد وچ گنے جاؤ ۔ جیہڑا خداوند تُہاڈے خدا نے اج تُہادے نال لعنت دی دھمکی نال بنھیا اے ۔ ¹³ ۱۳. تاںجو اوہ تُہانوں اج دے دیہارے اپنی قوم مِتھے تُہاڈاخدا ہوے ۔ جیویں پئی اوہنے تینوں آکھیا ۔ تے جیویں اوہنے تیرے پیو دادے ابرہام تے اضحاق تے یعقوب نال سونہہ کھاہدی اے ۔ ¹⁴ ۱۴. تے میں ایہہ لعنت دی دھمکی نال نِرا تُہاڈے نال ای نئیں بنھدا ہاں ۔ ¹⁵ ۱۵. سگوں اوہناں نال وی جیہڑےے اج دے دیہاڑے خداوند ساڈے خدا سے حضور ساڈے نال کھلوتے سن ۔ تے اوہناں نال وی جیہڑے اج دے دیہاڑے سادے نال ایتھے نئیں۔ ¹⁶ ۱۶. کیوں جو تُسیں جان او ۔ پئی اسیں مسر وچ کنج وسدے ہاں تے کینج اوہناں قوماں دے وچوں ، جہناں وچوں تُسیں لنگھے ، اسیں لگے آئے ہاں ۔ ¹⁷ ۱۷. تے تُساں اوہناں دی مکروہات تے بُتاں نوں ویکھیا ۔ جیہڑے لکڑی تے پتھر تے چاندی سونے دے اوہناں کولک نیں ۔ ¹⁸ ۱۸. اجیہا ناں ہووے پئی تُہاڈے وچ کوئی بندہ یاں بی بی یاں خاندان یاں قبیلہ اجیہا ہووے پئی اج دے دیہاڑے اوہناں قوماں دے معبوداں دی بندگی ول جا لگے ۔ تے تُہاڈے اجیہی جڑ ہووے ۔ جیہڑی اندرائن تے افسنلین دا پھل دیوے ۔ ¹⁹ ۱۹. تے جد اوہ لعنت دا کلام سنُے تاں اوہ اوہ اپنے آپ نوں مبارک جان کے آکھے ۔ پئی میرے جوگی سلامتی ہووے گی ۔ میں اپنے دل دی ضِد وچ ٹُراں گا ۔ تے گِلے تے سُکے نوں فنا کراں گا ۔ ²⁰ ۲۰. خداوند اوہنوں معاف ناں کرے گا ۔ سگوں خداوند دے غصے تے غیرت دا دھُواں اوس بندے اُتے کھلووے گا ۔ تے سبھے نعمتاں ، جیہڑیاں ایس کتاب وچ لکھیا ں نیں ۔ اوہدے اُتے پین گئیاں تے خداوند اوہدا ناں عرش تھلوں مٹا چھڈے گا ۔ ²¹ ۲۱. تے عہد دی سبھے نعمنتاں دے برابر جیہڑیاں ایس کتاب وچ لکھیاں نئیں گئیاں نیں ۔ خداوند اوہنوں اسرائیلؔ دے سبھے قبیلیاں وچوں مارن جوگی اڈرا کرے گا ۔ ²² ۲۲. تے ٹُہاڈے مگروں کھلون والے تُہاڈے پُتراں دی اخیری پُشت تے پردیسی جیہڑا دوُروں آوے گا ۔ جد ایس دیس دیاں آفتاں نوں ۔ تے اوہناں بیماریاں نوں، جہناں وچ خدا ایہنوں لویٹے گا ، ویکھے تے آکھے گا ۔ ²³ ۲۳. ایہہ دھرتی نِری گندھک تے شور تے سڑی ہوئی اے ۔ پئی بیَجی نئیں جاندی ۔ نئیں تاں اوہدے وچ کُجھ وچ کُجھ پیدا ہُندا اے ۔ تے ناں اوہدے وچ گھاہ اُگدی اے ۔ سدومؔ تے عمورہؔ ادمہ ؔ تے صبوئیم ؔ دے پُٹھے ہو جان وانگوں ، جیہناں نوں خداوند نے اپنے غُصے تے غیرت پُٹھا کیتا۔ ²⁴ ۲۴. تے سبھے قوماں آکھن گئیاں ۔ پئی خداوند نے اوس دیس نال اجیہا کیوں کیتا تے اجیہا وڈا غصہ کیوں اے ؟ ²⁵ ۲۵. تے اوہناں نوں آکھیا جاوے گا ۔ ایس لئی پئی اوہناں نے خداوند اپنے پیو دادے دے خدا دے عہد نُوں چھڈا دِتا ، جیہڑا اوہنے اوہناں نال اوہناں نوں مصر ؔ وچوں کڈھن ویلے بنھیا۔ ²⁶ ۲۶. تے اوہ گئے تے پرائے معبوداں دی بندگی کیتی تے اوہناں نون سجدہ کیتا ۔ اجیہے معبود جہناں نون خداوند نے اوہناں وَل نئیں گھلیا ۔ ²⁷ ۲۷. تدھ خداوند دا غُصہ اوس دیس اُتے وسیا ۔ تان اوہنے سبھے لعنتاں جیہڑیاں ایس کتاب وچ لکھیاں نیں ۔ اوہناں تے گھلیاں ۔ ²⁸ ۲۸. تے خداوند نے غُصے تے غیرت تے ڈاہدے غضب نال اوہناں نون اوہناں دے دیس وچوں کھیڑ چھڈیا ۔ تے پرائے دیس وچ اوہناں نوں سُٹ دتا ۔ جیویں پئی اَج دے دیہاڑے تُسیں اوہناں نوں ویکھدے او ۔ ²⁹ ۲۹. لُکیاں گلاں خداوند ساڈے خدا جوگی تے ساڈی اولاد جوگی ہمیشاں تیِکر نیں ۔ تاں جو ایس شریعت دیاں سبھے گلاں اُ تے اسیں عمل کرئیے ۔