¹ ۱. جے توں سارے حکُماں نوں جہناں دے بارے اَج دے دیہاڑے ہُن تینوں فرمان دینا واں۔ یاد رَکھ کے خُداوند اپنے خدا دے فرمان دی تابعداری کریں ۔ تے اوہدے تے عمل کریں تے خُداوند تیرا خُدا تینوں دھرتی دیاں ساریاں قوماں وچوں اُچیائی بخشاں گا ۔ ² ۲. تے ایہہ ساریاں برکتا ں تیرے تے اُترن گئیاں ۔ تے تیرا حِصّہ ہون گیاں ۔ ایس شرط تے پئی خداوند اپنے خدا دے فرمان دی تابعداری کریں ۔ ³ ۳. تُوں شہر وچ مُبارک ہوویں گا تے پِنڈ وچ مُبارک ہوویں گا ۔ ⁴ ۴. تیری کُکھ دا پھل تے تیری دھرتی دا پھَل تے تیرے جانوراں دا پھَل یعنی تیری گاواں تے ڈھگے دی ودھیر تے تیری بھیڈ بکرئ دے بچّے مبارک ہون گے۔ ⁵ ۵. تیری چنگیر تیری میراچ مُبارک ہون گیاں ۔ ⁶ ۶. تُوں اندر آؤن وچ وی مُبارک ہوویں گا تے باہر جان وِچ وی مُبارک ہوویں گا ۔ ⁷ ۷. خداوند تیرے ویریاں نوں جیہڑے تیرے اَگے کھلون ۔ تیرے اَگے ڈیگ دے گا ۔ اوہ تیرے اُتے اِک راہوں آؤن گے تے تیرے اَگے سَت راہواں توں بھجن گے ۔ ⁸ ۸. تیرے انبار خانیاں وِچ تے تیرے لئی برکت دا حُکم دیاں گا تے اوس دیس وِچ جیہڑا خُداوند تیرا خدا تینوں برکت دیوے گا۔ ⁹ ۹. خداوند تینون اپنی مُقدّس قوم بناوے گا ۔ جینج اوہنے تُہاڈے نال سونہہ کھاہدی شرط ایہہ وی پئی توں خداوند اپنے خدا دے حُکماں نوں منّیں تے اوہدیاں رسّتیاں تے ٹریں ۔ ¹⁰ ۱۰. تے دھرتی دیاں ساریاں قوماں ویکھن گیاں۔ پئی خداوند دا ناں تیرے توں سدیا جاندا اے ۔ ایس لئی توں ڈرن گیاں ۔ ¹¹ ۱۱. خداوند تیرے پیٹ دے پھَل وچوں اوس دیس وِچ جیدے بارے تیرےپیو دادے نال سونہہ کھاہدی پئی تینوں دیوے گا ۔ چنگیاں شیواں دا وادھا کرے گا ۔ ¹² ۱۲. خداوند تیرے لئی اپنیاں چنگیاں شیواں دے خزانے یعنی اسمان نوں کھولاں گا ۔ پئی ویلے نال تیری دھرتی بارش پاواں گا ۔ تے ہتھ دے کماں تے برکت دیوے گا۔ تے توں بوہت قوماں نوں قرضہ دیویں گا ۔ پَر تُوں قرضہ لئیں گا نئیں ۔ ¹³ ۱۳. خداوند تینوں سِر بناوے گا پُوشل نئیں ۔ تے توں ہمیشاں اُچا ہوویں گا ، نیواں نئیں ۔ شرط ایہہ اے پئی توں خداوند اپنے خدا دے حُکماں نوں ، جہناں دے بارے اَج میں تینوں فرمان دینا واں ۔ اوہناں تے عمل کریں ۔ ¹⁴ ۱۴. تے اوہناں ساریاں گلاں وچ جہناں دے بارے اِج میں تینوں حُکم دینا ں واں ۔ سجّےیا کھبے ناں مُڑیں ۔ تے اوپریاں دیوتاواں دا پیرو ہو کے اوہناں دی عبادت کرے ۔ ¹⁵ ۱۵. پر جے تُوں خداوند اپنے خدا دے کلام دی فرمانبرداری ناں کریں پئی ساریاں قانوناں تے حکُماں نوں جیدے بارے میں اَج تینوں فرماناں واں۔ یادرَکھ کے اوہناں تے عمل ناں کریں ۔ تے ایہہ ساریاں لعنتان تیرے تے اُترن گئیاں تے تیراحصّہ ہون گئیاں۔ ¹⁶ ۱۶. تُوں شہر وچ لعنتی ہوویں گا تے پِنڈ وِچ لعنتی ہوویں گا ۔ ¹⁷ ۱۷. تیری چنگیر تے تیری پرات لعنتی ہووے گا۔ ¹⁸ ۱۸. تے تیرے پیٹ دا پھل تے تیری دھرتی دا پھَل تے گاں ڈھگے دا ودھاوا تیری بھیڈ بکری دے بچّے لعنتی ہون گے ۔ ¹⁹ ۱۹. تے تُوں اند ر آؤندا لعنتی ہوویں گا تے تُوں باہر جاندا وی لعنتی ہوویں گا ۔ ²⁰ ۲۰. خداوند تیرے سارے کماں وچ جہناں نُوں تُوں ہَتھ لائیں ۔ جہناں نوں تُوں کریں تے تیرے لعنت تے پھُٹکار تے دھمکی گھلے گا ۔ ایتھوں تیِک پئی تینوں موت آ جاوے تے چھیتی فنا ہو جاویں گے ۔ اپنیاں کماں دی بُریائی دے سببوں میرا انکار کیتا ۔ خداوند بیماری نال تینوں ولیٹیں رکھے گا ۔ ²¹ ۲۱. خداوند بیماری نال تینوں ولیٹیں رکھے گا ۔ ایتھوں تیِک پئی ےتینوں اوس دیس توں جیدا وارث ہون لئی تُوں جانا این تینوں جڑ توں اُکھیڑ ے گا ۔ ²² ۲۲. خداوند تینوں ٹی ۔بی تے تاپ تے سوجن تے سخت تاپ تے تلوار تے قحط تے گرم ہوا نال مارے گا ۔ تے اوہ تیرے پِچھے پئے رہن گے ۔ ایتھوں تیِک پئی تینوں موت آجاوے ۔ ²³ ۲۳. تے اسمان جیہڑا تیرے سر تے وے پیِتل ہو جاوے گا ۔ تے دھرتی جیہڑی تیرے تھلے لویا ہووے گی ۔ ²⁴ ۲۴. تے خُداوند تیری دھرتی دی بارش نوں مٹی کرے گا ۔ تے اسمان تھوں دھُوڑ تیرے تے نازل کرے گا ۔ ²⁵ ۲۵. خداوند تیرے ویریاں دے اَگے تینوں ڈیگ دے گا ۔ تُوں اِک رستے توں اوہدے تے حمد کریں گا تے ستّاں رستیاں توں بھیجیں گا ۔ تے دھرتی دیاں ساریاں قوماں دے نیڑے شرمندگی دا سبب ہوویں گے۔ ²⁶ ۲۶. تے تیری لاش ہوا ہَوا دے پنچھیاں تے دھرتی دے درندیاں دی خوراک ہووے گی ۔ تے کوئی اوہناں نوں لِکن والا ناں ہووے گا ۔ ²⁷ ۲۷. خداوند تینوں مصرؔ دیاں پھوڑیاں تے بواسیر تے خارش نال مارے گا ۔ جہناں توں تُوں چنگا ناں ہو سکیں ۔ ²⁸ ۲۸. خُداوند تینوں جنون تے ناں ویککن تے حماقت نال مارے گا ۔ ²⁹ ۲۹. تے توں دوپہراں نوں لبھیں گا ، جیویں اَنھا ہنیرے وِچ لبھدا اے ۔ تینوں راہ ناں لبھے گا ۔ ³⁰ ۳۰.تُوں عورت نال ویاہ کریں گا تے دوسرا اوہدے نال ہمبستری کرے گا ۔ توں گھر بناویں گا تے اوہدے وِچ وسّیں گا نئیں۔ تُوں انگوران دا باغ لاویں گا پَر اوہدے انگور انگور کھٹے ناں کریں گا ۔ ³¹ ۳۱. تیریاں اکھاں دے اَگے ڈھگا حلال کیتا جاوے گا ۔ تے اوہدے وِچوں ناں کھاویں گا ۔ تیرا کھوتا تیرے اگون دھکے نال لے لیا جاوے گا ۔ تے تینوں پِچھاں موڑیا ناں جاوے گا تے بھیڈاں تیرے ویریاں نُوں ناں دِتیاں جان گئیاں تے تیرا کوئی چھُڈان والا ناں ہووے گا ۔ ³² ۳۲. تیرے پُتر تے تیریاں دھیاں دوُجی قوم دے حوالے کیتیاں جاون گیاں۔ تے تیریاں ساری دیہاڑی اوہناں دا راہ ویکھن گیاں ۔ تے تھک جان گیاں تے تیرے ہَتھ تے تیرے ہتھ وچ زور ناں رہوے گا ۔ ³³ ۳۳. تے تیری دھرتی تے مِحنّت دے سارے پھَل دُوسری قوم جہنوں توں نئیں جاندا کھا جاوے گی ۔ تے توں اپنے سارے دیہاڑیاں مظلوم تے چیِتھا ہویا رہویں گا ۔ ³⁴ ۳۴. ایتھوں تیِک پئی اپنیاں اَکھاں دے نظاریاں توں تُوں ویکھیں گا ، تُوں جھّلا ہو جاویں گا ۔ ³⁵ ۳۵. خداوند تیرے گوڈیاں تے تیریاں لتّاں نوں بھیڑے پھوڑیاں نال مارے گا ۔ پیراں دیاں تلیان توں تیرے سِر دی ٹیِسی تیِک تُوں چنگا ناں ہو سکیں گا ۔ ³⁶ ۳۶. خداوند تینون تے تیرے بادشاہ نوں جہنوں تُوں اپنے اُتے قائم کریں گا ۔ اَک اینج دی قوم وِچ لے جاویں گا ۔ جہنوں تُوں تے ناں تیرے پیو دا دیاں نے جانیا تے اوتھے تُوں لکڑی تے پتھر دے اوپرے دیوتیاں دی بندگی کریں گی ۔ ³⁷ ۳۷. تے ساریاں قوماں وچ جِتھے خداوند تینوں لے جاوے گا ۔ تُوں حیران تے اکھان تے ہاسا ہوویں گا ۔ ³⁸ ۳۸. تُوں پیلی وچ بُہتا بی بیجیں گا تے گھٹ اکٹھا کریں گا ۔ کیوں جو ٹِڈی اوہنون چَٹ کر جاوے گی۔ ³⁹ ۳۹. تُوں انگوراں دے باغ لگاویں گا ۔ اوہناں نُوں ٹھیک رکھیں گا ۔ پَر ناں تے تُوں مے پئیں گا تے ناں اوہناں نون اکٹھا کریں گا ۔ تاں جو اوہنوں کیڑا کھا جاوے گا ۔ 0۴۰. تیری ساری حدود وِچ زیتون دے رُکھ ہون گے ۔ پ۔ر تینوں تیل ناں مَلے گا ۔ تاں جو تیرے زیتوں دا پھَل دِگ پوے گا۔ 1۴۱. تیرے پُتر تے دھیاں جمن گیاں پَر اوہ تیرے نان رہن گے ۔ سگوں قید ہو کے ٹُر جان گے۔ ⁴² ۴۲. تیرے سارے رُکھاں نُوں تے تیری دھرتی دے پھَل نُوں کیڑے مکوڑے تباہ کرن گے۔ ⁴³ ۴۳. پردیسی جیہڑا تیرے وِچکار اے ۔ تیرے توں اُچا ہُندا جاوے گا ۔ تے تُوں تھلے تھلے اُتردا جاویں گا ۔ ⁴⁴ ۴۴. تُوں اوہدے کولوں قرضہ لیں گا پَر اوہ تیرے توں قرضہ لے گا ۔ اوہ سِر ہووے گا تے تُوں پُوشل ہوویں گا ۔ ⁴⁵ ۴۵. ایہہ ساریاں لعنتاں تیرے تے آؤن گیاں ۔ تیرے پچھے آؤن گیاں ۔ تے تیمنو ں ولیٹیں رکھن گیاں ۔ ایتھوں تیِک پئی تُون مِٹ جائیں گا ۔ کیوں جو تُوں خداوند اپنے خدا دے فرمان تینوں حُکم دِتا تُوں نئیں منیا ۔ ⁴⁶ ۴۶. تے ایہہ تیرے تے ، تے تیری پیڑھی تے ہمیشاں لئی اِک نشان تے عجوبہ ہون گیاں ۔ ⁴⁷ ۴۷. ایس لئی تُوں ساریاں شیواں دے ودھا دے گا دا سبب خوشی توں تے دِل دی شادمانی تون خُداوند اپنے خُدا دی بندگی نئیں کیِتی ۔ ⁴⁸ ۴۸. تُوں بھُکھ تے تیرے تے نگیا تے ساریاں شیواں دی لوہڑ وِچ اپنے ویریاں دی جہناں نُوں خپداوند تیرے تے گھلے گا ۔ خدمت کریں گا ۔ اوہ لوہے دا جُوا تیری دھوؤن تے رکھے گا ۔ ⁴⁹ ۴۹. خداوند اِک قوم نُوں دُوروں دھرتی دی حدود توں تیکھی اوُداری والے عُقاب دے وانگر تیرے تے چڑھا لیاوے گا ۔ اوہ قوم جیہدی بولی توں ناں سمجھیں ۔ ⁵⁰ ۵۰. اِک لحاظ قوم جیہڑی بُڈھیاں دے موُنہہ دیان لِھاظ تے مُنڈیان تے رحم ناں کرے گی ۔ ⁵¹ ۵۱. اوہ تیرے ڈنگراں دا پھَل تے تیری دھرتی دا پھل کھا جاوے گا۔ ایتھوں تیِک تُو ں برباد ہو جاویں گا ۔ تے ناں غلہ تے مے تے ناں تیل تے ناں گاں ڈھگے دا ودھاوا تے بھیڈ تے بکری دے بچّے تیرے لئی باقی نئیں چھڈن گے ۔ ایتھوں تیِک پئی اوہ تینوں مِٹا دے گی ۔ ⁵² ۵۲. تے اوہ تیرے سارے دیس وِچ سارے پھاٹکاں تے قبضہ کرے گی ۔ ایتھوں تیِک پئی تیری اُچی تے پکیاں کندھاں جیہدے تے تیرا بھروسہ سی ۔ تیرے سارے دیس وِچ ڈیگیاں جان گئیاں ۔ اوہ تینوں سارے دیس وِچ جیہڑا خداوند تیرا خدا تینوں عطاکرے گا ۔ تیرے سارے شہراں وِچ تینوں گھیر لے گی ۔ ⁵³ ۵۳. تُوں اوس قبضے وچ تے سختی وِچ میں جیہدے نال تیرا ویری تینوں تنگ کرے گا ۔ اَپنے پیٹ دا پھَل اپنے پُتراں تے دھیاں دا ماس جیہڑا خداوند تیرا خدا تینون دیوے ، کھائیں گا ۔ ⁵⁴ ۵۴. اوہ بندہ جیہڑا لاڈیاں نال پلیا تے بوہت سوہل اے ۔ اپنے بھائی تے اپنی ہم آغوش زنانی تے اپنے سارے مُنڈیاں نوں جیہڑے باقی رِہن گے ۔ بُریاں نذراں نال ویکھےگا ۔ ⁵⁵ ۵۵. پئی اَپنی مُنڈھیان دے ماس وچوں کِسے نُوں کُجھ وی ناں دیوے گا ۔ کیون جو اوس قبضے تے سختی وِچ جیہدے توں تیرے ویری تیرے سارے شہراں وِچ تنگ کرن گے ۔ اوہدے لئی کُجھ باقی ناں رہوے گا ۔ ⁵⁶ ۵۶. اوہ زنانی وی جیہڑی تیرے وچ لاداں نال پلّی تے سوہل اے ۔ جیہڑی نخرے تے نرمی دی عادی نئیں سی ۔ پئی دھرتی تے اپنی تلی لگائے ۔ اپنے نا ل دے شوہر تے پُتر تے دھی۔ ⁵⁷ ۵۷. تے اپنے نویں جمّے بچّے نُوں جیہڑا اوہدے پٹاں چوں نکلیا ہوئے سگوں اپنے ساریاں بچّیاں نوں جہناں نوں اوہنے جمیا ۔ بھیڑی نگا نال ویکھے گی ۔ کیوں جو قبضے وچ تے سختی وچ تیرا ویری تیرے شہراں وچ تینوں تنگ کرے گا ۔ ساریاں شیواں دی مُحتاجی دے سببوں تیِک اوہنوں کھائے گی ۔ ⁵⁸ ۵۸. جے توں اوس شریعت دیاں ساریاں گلاں نوں جیہڑیاں اوہدے وچ رکھیاں گیاں ناں منّیں تے ناں اوہدے تے عمل کریں تے خداوند اپنے خداا دے جلالی تے خطرناک ناں توں ناں ڈریں ۔ ⁵⁹ ۵۹. خداوند تیریاں آفتاں نوں عجیب تے اولاد دیاں افتاں نوں عجیب تَر تے دیر تیِک بھیڑیاں بیماریاں نوں دیر تیِک تیرے نال رکھے گا۔ ⁶⁰ ۶۰. تے مصرؔ دیاں بیماریاں جیہناں توں ڈرنا ایں تیرے اُتے پھیر لیاوے گا ۔ تے تینوں چمبڑیاں رہن گیاں ۔ ⁶¹ ۶۱. تے ساریاں بیماریاں تے آفتاں جیہڑیاں ایس شریعت دی نئیں لکھیاں گئیاں خُداوند تیرے تے چاڑھ لیائے گا ۔ ایتھوں تیِک پئی تُوں مِٹ جاویں گا ۔ ⁶² ۶۲. تے تُسیں تھوڑے بندے رہ جاؤ گے ۔اوہدے سببوں پئی تُسیں ودھا وے دے سببوں آسمان دے تاریا ں وانگر سی۔ کیوں جو تُساں خداوند اپنے خُدا دے حُکم دی فرمانبرداری نئیں کیتی ۔ ⁶³ ۶۳. تے اینج ہو وے گا ۔جینج ای اہ ہ خوش ہووے گا ۔ پئی تُہانوں فنا کرے کرے تے وڈھ دیوے ۔ تے اوس دھرتی تے جیدا مالک ہون لئی توں جا نا ایں ۔ پئی کڈھیا جائیں گا ۔ ⁶⁴ ۶۴. تے خداوند تینوں ساریاں قوماں وچ دھرتی دے اِک کنڈھے توں دوُجے کنڈھے تیِک کھلار دیاں گا ۔ تے اوتھے توں اوپریاں دیوتاواں جیہڑے پتھر تے لکڑی دے نیں ۔ جیہناں نوں تُوں تے ناں تیرے پیو دادیاں نے جانیا بندگی کریں گا ۔ ⁶⁵ ۶۵. تے اوہناں قوماں وچوں تینوں آرام ناں ملے گا ۔ تے تیرے پیراں دیاں تلیاں نوں کھلون ہووے گا ۔ کیوں جو خداوند تینوں ڈروُ دِل تے آدھوئیاں اَکھاں تے غم کرن والی روح دے گا ۔ ⁶⁶ ۶۶. تے تیری حیاتی تیرے اگے یعنی پئی لٹکدی رہے گی ۔ تے رات تے دیہاڑے تُوں ڈرادا رہین گے ۔ تے تینوں اپنی حیاتی تے بھروسہ ناں ہووے گا ۔ ⁶⁷ ۶۷. اپنے دِل دے خوف نال جیہدے توں ڈریں گا ۔ تے اوہناں شیوں دے نظارے توں جیہناں نوں تُوں اپنیاں اَکھاں نال ویکھیں گا ۔ سرگی ویلے تُوں آکھیں گا ۔ کاش! پئی رات ہو جاندی تے رات دے ویلے تُوں آکھیں گا ۔ کاش ! پئی سرگی ہو جاندی ۔ ⁶⁸ ۶۸. تے خداوند تینوں چیگدیاں ہویا اوس راہ توں مصرؔ وَل واپس لے جائے گا ۔ جیہدے بارے میں تینوں اکھیا پئی توں اوہنو فیر ناں ویکھیں گا ۔ تے اوتھے تُسیں اپنیاں ویریاں لئی نوکر تے نوکرانی ہون لئی ویچے جاؤ گے ۔ تے کوئی ہووے گا جیہڑا تُہانوں خریدے