¹ ۱. فیر موسیٰ اسرائیل دے بزرگا ں تے لوکاں نوں آکھیا ۔حکماں بار جناں دا اَج دے دن میں تہانوں حکم دِتا اے مَنو۔ ² ۲. جس دیہاڑے اوس دیس دے دِل جیہڑا خداوند تیرا خدا تینوں دیوے گا۔تُسی اُردن نوں پار کرو تے تُسی اپنے لئی وڈے وڈے پتھر گڈنا تے اوہناں اُتےچونا پھیرنا۔ ³ ۳. تے جدوں توں پار چلا ئیں تد اوس شریعت داساراکلام اوہناں تے لکھیں تا ں جو توں اوس دیس وچ داخل ہوایں۔جیہڑا خداوند تیرا خدا تینوں دے گا۔اوہ دیس جہدے وچ دُدھ تے شہد وگدا اے جیویں پئی خداوند تیرے پیو دادا دے خدا نے تینوں آکھیا۔ ⁴ ۴. ایس لئی جدون تُسی اُردن دے پار ہو جاؤ تد ایہناں پتھرا ں نوں جنہاوَلوں میں اَج دے دِن تہانوں حکم دینا ہاں عیباں دے پہاڑ تے گڈنا تے اوہدے تے چونا پھیرنا تے اوتھےخداوند اپنے خدا لئی اِک مذبح بنایا ۔ ⁵ ۵. اینج دے پتھراں ناں جیہڑے لَوے نال۔وڈے نہ گئے ہون۔ ⁶ ۶. تُسی خداوند اپنے خدا دے لئی بنا گھڑے پتھراں دا مذبح بنا ایں تے اوہدے تے خدا وند اپنے خدا دے لئی سوکتنی قربانیاں چڑھاایں۔ ⁷ ۷. تے سلامتی دے ذبیحے ذبح کرنا تے اوتھے ای کھانا تے خداوند اپنے خدا دے سامنے خوش کرنا۔ ⁸ ۸. تے ایس شریعت دیاں ساریاں گلاں پتھراں اُتے صاف تے واضح لکھنا ۔ ⁹ ۹. فیر موسیٰ تے لاوی کاہناں نے سارے اسرائیل نوں آکھیا اے اسرائیل چُپ ہوندے سن پئی توں اَج دے دِن خداوند اپنے خدا دی قوم بن گیا ایں ۔ ¹⁰ ۱۰. ایس لئی خداوند اپنے خدا دی آواز سُن تے سب حُکمآں تے قانوناں تے جنہان دا اَج دے دِن میں تینوں حکم دیناں ہا عمل کر۔ ¹¹ ۱۱. تے موسیٰ نے اوسے ای دن لاکوں نوں حکم دے کے آکھیا:پئی جدوں لوکی اُردن دے پار جان گے تے ایہنان نون برکت دین دے پئی ۔ ¹² ۱۲. حرزیم پہاڑ اُتے کھلون ،شمعونؔ تے لاویؔ تے یہودہ ؔتے یساؔ کر تے یوسف ؔ تے بنیامینؔ۔ ¹³ ۱۳. تے عیبال ؔدے پہاڑ تے لعنت کرن لئی ایہہ کھلون روبینؔ تے جاد تے آشیرتے زبلونؔ تے دانؔتے نفتالی ۔ ¹⁴ ۱۴. تے لاوی اُچی آواز نال اسرائیل دے سب بندیاں نوں آکھن ¹⁵ ۱۵. لعنتی ہوئے اوبندہ جیہڑا اپنے ہتھ دی کاریگری تے گڑی ہوئی یا ڈھالی ہوئی مورت بنائے جیہڑی خدا دے نیڑے مکروہ اے تے اوہنوں لُکا کے رَکھے تے سب لوک جواب وچ آکھن ۔آمین ¹⁶ ۱۶. لعنتی ہوے او جیہڑا اپنے پیو تے اپنی ماں نوں حقیر جاندا ے تے سب لوگ آکھن آمین۔ ¹⁷ ۱۷. لعنتی ہوئےاوہ جیہڑا اپنے گوانڈی دی حد دے نشان نوں پِشاں ہٹا ندا اے تے سب لوک آکھن ۔آمین ¹⁸ ۱۸. لعنتی ہوئے جیہڑااَنّے نُوں راہ توں کراہے پاندا اےتےسب لوک آکھن آمین۔ ¹⁹ ۱۹. لعنتی ہوئے اوہ جیہڑا پردیس یا یتیم یا بیوہ دے مقدمے نوں وگاڑ دا ےتے سب لوک آکھن آمین۔ ²⁰ ۲۰. لعنتی ہوئے اوہ جیہڑا اپنے پیو دی بیوی دے نال ہم بستر ہوندا اےتے اپنے پیو دا لنگ لاندا اےتے سب لوک آکھن آمین۔ ²¹ ۲۱. لعنتی ہوئے اوہ جیہڑاکسے وی ڈنگر دے نال بدکاری کردا اے تے سب لوک آکھن آمین۔ ²² ۲۲. لعنتی ہوئے او جیہڑا اپنی بہن یعنی اپنے پیو دی دھی یاں اپنی ماں دی دھی دے نال ہم بستر ہوندا اے تے سب لوک آکھن آمین۔ ²³ ۲۳. لعنتی ہوئے اوہ جیہڑا اپنی سس نال ہم بستر ہوندا اے تے سب لوک آکھن آمین۔ ²⁴ ۲۴. لعنتی ہوئے اوہ جیہڑا اپنے گوانڈی نوں لُک کے قتل کردا اےتے سب لوک آکھن آمین ۔ ²⁵ ۲۵. لعنتی ہووے اوہ جیہڑا رشوت لیندا اے تاں جو بے گناہ نوں قتل کردا اے تے سب لوک آکھن آمین۔ ²⁶ ۲۶. لعنتی ہوئے اوہ جیہڑا ایس شریعت دی گلاں اُتے قائم نئیں رہندا تے اوہناں تے عمل نئیں کردا تے سب لوک آکھن آمین۔