¹ ۱. جہدوں توں اوس دیس وچ ، جیہڑا خداود تیرا خدا میراث کر کے تینوں دیوے گا ۔ پئی توں مالک بنیں ، داخل ہوویں تے اوہدے وچ وسن لگیں ۔ ² ۲. تاں اوس دیس وچوں جیہڑا خدا وند تیرا خدا تینوں دیوے گا ۔ اپنی کھیتی دے وسبھ اگیترے پھلَاں وچوں ، جو توں حاصل کریں ۔، کُجھ لویں تے اوہنوں اِک ٹوکرے وِچ رکھیں تے اوس تھاں لے جاویں جیہنوں خداوند تیرا خُدا چُن لوے گا ۔ اپنا ناں اوتھے رکھ ۔ ³ ۳. تے اوہناں دیہاڑیاں دے کاہن کول جاکے آکھ پئی اَج دے دیہاڑے میں خُداوند اپنے خُدا دے اگے اَِقرار کرناں ہاں ۔ پئی میں اوس دیس وچ وڑھ گیا ہان ۔ جیدے پاروں خداوند نے ساڈے پیو دادے نال سونہہ کھاہدی پئی سانوں بخشے ۔ ⁴ ۴. تدھ کاہن تیرے ہتھوں ٹوکرا لوے تے خداوند تیرے خدا دے مذبحے دے اگے اوہنوں رکھے ۔ ⁵ ۵. تدھ تُوں خداوند اپنے خدا دے سامنے آکے اینج آکھ پئی میرے پیو دادا منگتے اراضی سن ۔ جیہڑے مصرؔ وچ گئے تے اوتھے پردیسی رئے ۔ تے گھٹ سن ۔ پو اوتھوں بوہت وڈی تے پورا تے گھنیرے قوم بن گئے ۔ ⁶ ۶. تے مصریاں ؔ نے ساڈے نال بُریان کیتی تے سانوں دُکھ دتا تے ساڈے اُتے ڈاڈھی مشقت دا بھار سُٹیا۔ ⁷ ۷. تدھ اساں خداوند اپنے پیو دادا دے خدا دے دے حضور ترلا پایا۔ تاں خداوند نے ساڈی سُنی تے سادی تلکیف تے محنت تے مشقت نوں ویکھیا ۔ ⁸ ۸. تے خداوند زورا زور ہتھ تے ودھائی ہوئی بانہہ تے وڈے رعب تے نشانیاں تے عجوبیاں دے نال سانوں منصرؔ وچوں کڈھ لیایا۔ ⁹ ۹. تے ایس مقام تے ساہنوں لیایا ۔ تے سانون ایہہ دیس عطا کیتا ۔ اجیہا دیس جتھے دودھ تے شہد وگدا اے ۔ ¹⁰ ۱۰. تے ہُن ویکھ پئی دھرتی دے پھَل نوُں جہنوں اے خداوند توں سانوں دتا ۔ میں لیاؤ ناں ہاں ۔ تدھ توں اوہنون خداوند اپنے خدا دے حضور رکھ لویں ۔ تے خداوند اپنے خدا دے اگے سجدہ کریں ۔ ¹¹ ۱۱. تے توں تے لاوی ؔ تے جیہڑا ای تُہاڈے وچ اے ۔ ایہناںسبھے چنگیان شیواں جوگی خوشی کریں جیہڑیاں خداوند تیرے خدا نے تینوں تے تیرے گھرانے نوں بخشیاں نیں ۔ ¹² ۱۲. تیجے ورھے وچ جیہڑا دسویں حصے (دہ یکی) دا ورھا اے ۔ جدوں توں اپنی پیداواری دی سبھے دہ یکیاں کڈھن تھوں ویہلا ہویا ۔ تے لاوی ؔ تے پردیسی تے یتیم تے بیوہ نوں دیویں ۔ تاں جو اوہ شہراں وچ کھان تے رجّن ۔ ¹³ ۱۳. توں خداوند اپنے خدا دے اگے انج اکھ پئی میں اپنے گھر وچ اپنے گھروں پاک شیواں کڈھ لیا یا ۔ تے لاویؔ تے پردیسی تے پردیسی تے یتیم تے بیوہ نوں دین ۔تیرے سبھے حُکماں تھوں اگے نئیں کیتا تے ناں اوہناں نوں وساریا ۔ ^{14 15} ۱۵. توں اپنے پاک مسکن تھون جیہڑا اسمان وچ اے ، تھلے نگا کریں ۔ تے اپنے لوکاں ، اسرائیلؔ نوں تے ایس دیس نوں برکت دے ۔ جیہڑا توں سانو ں عطا کیتا ، جیہا پئی توں ساڈے پیو دادے نال سونہہ کھاہدی ۔ اوہ دیس ، جیدے وچ دودھ تے شہد وگدا اے ۔ ¹⁶ ۱۶. اج دے دیہاڑے خداوند تینوں حُکم دیندا اے ۔ پئی توں ایہناں قانوناں تے عمل ورتیں۔ اوہناں نوں منّ تے اپنے سارے دل تے اپنی ساری جان نال اوہناں تے عمل کریں ۔ ¹⁷ ۱۷. توں اج دے دیہاڑے خداوند نوں چُنیا اے پئی اوہ تیرا رب ہووے گا ، تے پئی اوہدیاں راہواں تے ٹُریں گا تے اوہدے حکماں نوں ملے گا ۔ تے اوہناں دی پیروی کریں گا ۔ ¹⁸ ۱۸. تے اج دے دیہاڑے خداوند نے وی تینوں چُن لیا اے پئی توں اوہدی خاص قوم ہوویں گا ۔ جیویں پئی اوہنے آکھیا تاںجو توں اوہدے سبھے حُکماں نوں منّیں ۔ ¹⁹ ۱۹. تاں جو سبھے قوماں تے جہڑیاں اوہنے پیدا کیتیاں نیں ۔ اپنی حمد تے اپنے جلال جوگی تینوں اچیچ دیوے ۔ تے تاں جو خداوند اپنے خدا جوگی اِک پاک گروہ ہوویں ۔ جیویں پئی اوہنے آکھیا ۔