¹ ۱. جدوں موسیٰ نے ایہہ ساریان گلاں اسرائیلؔ نال کرلیاں ۔ ² ۲. تے اوہنے فرمایاپئی اَج دے دِن میں اِک سو ویہہ ورہیاں دا ہو گیا واں۔میرے چہ ہُن اندر تے باہر جان دی ہمت کوئی نئیں ۔تے خداوند نے مینوں فرمایا اے تے تُوں یردن دے پار کدی وی نہ جائیں گے ۔ ³ ۳. ایس لئی خداوند تیرا خُدا تیرے اَگے پار جا ئے گا ۔تے اوہو اوہناں قوماں نُوں تیرے اگیوں مُکادے گا ۔تے تُؤن اوہانں دا وارث ہویں گا۔تے یشوعؔ ای تیرے اَگے پار جائے گا ۔جسراں پئی خُداوند نے فرمایا اے۔ ⁴ ۴. تے خداوند اوہناں دے نال اُنج ای کرے گا ۔ جسراں اوہنے اموریاںؔ دے بادشاہواں سیحونؔ تے عوج ؔ نال تے اوہانں دے دیس نال کیتا تے اوہناں نُوں مار مُکائے گا۔ ⁵ ۵. تے جدوں خداوند اوہناں نُون تیرے ہتھ چہ کرے تے تُوں اوہناںدے نال اوہناںسبھے حُکماں دے مطابق کریں ۔جنہاں دا مینؤن حکم دِتا اے۔ ⁶ ۶. ایس لئی تگڑے ہو تے حوصلہ رکھو تے خوف نہ کرو تے اوہناں سامنے ڈر نہ رکھو ۔کیوں جو خداوند تہاڈا خدا تہاڈے نال چلدا اے ۔اوہو نہ تے تہانوں چھڈے گا نہ ای چھنڈے گا۔ ⁷ ۷. فیر موسیی ؔ نے یشوعؔ نُون بلایا تے سارے اسرائیل دے اَگے اوہنوں آکھیا پئی تگڑا ہو جا تے تُوں ایہناں لوکاں دے نال اوس دیس چہ داخل ہوویں گا ۔جدھے بارے چہ خداوند نے اوہناں دے پیو دادے نال قسم کھاہدی پئی اوہناں نُوں بخشی دے گا تے تینوں اوہدا وارث بنائے گا۔ ⁸ ۸. تے خداوند تیرے اَگے اَگے چلے گا اوہو تیرے نال ہووے گا تے تینوں نہ او چھڈے گا تے نہ چھنڈے گا۔ایس لئی تُؤں خوف نہ کر نہ بے دِلا ہو۔ ⁹ ۹. تے موسیٰ نے ایس شریف نُوں لِخیا تے لاویاں ؔ کاہناں دے جیہڑے خداوند دے عہد دے صندوق نُوں چُک دے سن۔ تے اسرائیل دے سبھے وڈے وڈیریاں دے حوالے کیتا ۔ ¹⁰ ۱۰. تے موسیٰ نے اوہناں نُوں حُکم دے کے آکھیا پئی سَتویں ورھے دے اخیر چہ چھڈا کے جان دےسال خیام دی عید دتے ویلے ۔ ¹¹ ۱۱. جدؤں سبھ اسرائیل خداوند تیرے خُدا دے حضور اوس تھاں چہ جنہپوں او ہ چُگ لئے گا ،حاضر ہون دے لئی آوے تے تُوں سبھ اسرائیل ؔ دے اَگے ایس شریف نُوں پڑھ سُناویں ۔ ¹² ۱۲. تُوں سبھ لوکاں نُون یعنی بندے تے زنانیاں تے ایانیاں تے پردیسیاں نُوں جیہڑے تہاڈے پھاٹکاں دے اندر ہون ۔کٹھیاں کر ۔تآں جو اوہ سُنن تے سیکھن ۔ ¹³ ۱۳. تے اوہناں دے مُنڈے جیہڑے نئیں جاندے سُنن۔تے خداوند تہاڈے خدا توں ڈرنا سیکھن ۔جدوں تیک اوہ اوس دیس وچ وسدے رہن ۔جدھے وچ تُسی یردن پار کر کے جاندے اوہ تاں جو ںاوہدے مالک بنو۔ ¹⁴ ۱۴. ے خُداوند نے موسیٰ نُوں فرمایا پئی تیری موت دا ویلا نیڑے آگیا اے تُوں یشوعؔ نُوں سَد ۔تے تُسی دوویں کٹھ دے خیمے چہ کھلووہ تاں جو میں اوہنوں حُکم دیاں تد موسیٰ تے یشوع گئے تے کٹھ دے خیمے چہ کھلوتے۔ ¹⁵ ۱۵. تد خداوند خیمے اندر بدل دے تھم چہ وکھالی دِتا تے بدل دا تھم خیمے دے بُوہے تے کھلوتا ۔ ¹⁶ ۱۶. تے خداوند نے موسیٰ نُون آکھیا پئی تُون اپنے پیودا دے نال سوں جائیں گا تے ایہہ لوک اُٹھن گے تے اوپرے معبوداں دے مگر ٹڑ کے بد کاری کرن گے ۔اوس دیس چہ ایہہ جتھے ایہہ اوہنآں دے وچکار وسن جاندے نے ۔تے مینوں چھڈ دین گے تے اوس عہد نُوں جیہڑا میں اوہناں دے نال بنیا اے بھن دین گے ۔ ¹⁷ ۱۷. تد اوس ویلے میرا قہر اوہناں تے بھڑکے گا تے میں اوہنآں نُون چھڈ دیاں گا تے اپنا مُنہ اوہناں توں لُکاواں گا تے اوہو کھاہدے جان گے تے ودھیریاں مصیبتاں تےآفتاں اوہاں تے آپین گیاں ۔تد اوہو اوس دِن آکھن گے پئی ایہہ مصیبتاں تے آفتاں ایس لئی سآدے اُتے نئیں پیاں پئی ساڈا خدا سادے وچکار نئیں ؟ ¹⁸ ۱۸. تے اوس ساری بدکاری دے پاروں جیہڑی اوہناں نے کیتی پئی اوپرے معبوداں دے وَل مُنہ کیتا ۔میں اوس دِن اپنا منہ اوہناں توں لُکا لواں گا۔ ¹⁹ ۱۹. ایس لئی ہُن تُسی اپنے لئی گیت لِخو تے بنی اسرائیلؔ نُوں سکھاؤ تے اوہناں نُوں اوہناں دے منہ چہ پاؤ ۔تاں جو ایہہ گیت میرے لئی بنی اسرائیل ؔ دے وچکار گواہی ہووے ۔ ²⁰ ۲۰. جدؤں میں اوہناں نُوں اوس دیس چہ داخل کراں گا ۔جدھے بارے اوہناں دے پیو داڈے نال سَوں کھادی۔اوہو دیس جِدھے چہ دُدھ تے شہد وگد ااے ۔تد اوہو کھان کے تے رجھن گے تے موٹے ہو جان گے ۔تے اوپرے معبوداں وَل منہپ کرن گے تے اوہناںدی عبادت کرن گے تے مینوں حقیر جانن گے تے میرے عہد نُوں بھنن گے ۔ ²¹ ۲۱. تے جدوں اوہناں دے خلاف گواہ بن کے کھلوےگا ۔ایس لئی اوہو اوہناں دی اَل دے منہ چوں نہ بھُلے گا کیوں جو اوہناں دے وچار جیہڑے اوہو اَج دے دن کر دے نے میں جاندا ہاں ۔ایس توں پیلاں پئی میں اوہنآں نُون اوس دیس وچ داخل کراں ۔جدھے بارے چہ میں اوہناں نال قسم کھاہدی سی ۔ ²² ۲۲. تد موسیی نے اوسے دِن ایہہ گیت لِخیا ۔تے بنی اسرائیل نُوں سکھایا ۔ ²³ ۲۳. خداوند نے یشوعؔ نُون حکم دے کے آکھیا تگرا ہو تے حوصلہ رکھ کیوں جو نبی اسرائیل توں بنی اسرائیل نوُں اوس دیس چہ لے جائیں گا ۔جس دی میں اوہناں نال قسم کھادی اے ۔تے میں تیرے نال ہوواں گا۔ ²⁴ ۲۴. جدؤں موسیی اوس شریعت دیاں سبھے گلاں نُوں کتاب لِخن توں ویہلا ہویا ۔ ²⁵ ۲۵. تے اوہنے لاویاں نُوں جیہڑے خداوند دے عہد دا صندوق چُک دے سن۔ حُکم دِتا تے اوہناں نُوں آکھیا ۔ ²⁶ ۲۶. پئی ایس شریف دی کتاب نُوں لوو ۔تے خداوند اپنے خُدا دے عہد دے صندوق چہ اِک پاسے رکھ دیو پئی ایہہ اوتھے تہاڈے خلاف گواہ ہووے ۔ ²⁷ ۲۷. کیوں جو میں تہاڈی بغاوت تے باغی طبیعیت نُوں جانناواں کیوں جو اَج جدوں پئی میں تہاڈے نال جیونا واں ۔تُساں خداوند دے خلاف بغاوت کیتی تے میرے مرن دے بعدوں کیہ ہووے گا ؟ ²⁸ ۲۸. اپنے قبیلیاں دے سرداراں تے وڈے وڈیریاں تے قاضیاں دے کَنیں میں ایہہ گل پا دیاں ۔تے اَسمان تے دھرتی نُوں اوہناں دے خلاف گواہ بناواں ۔ ²⁹ ۲۹. کیوں جو مینوں پتہ اے پئی میرے مرن دے بعد تُساں وِگڑ جاناں ایں ۔تے اوس راہ تے جدھا حکم میں تہانوں نئیں دِتا ۔پرت جاؤ گے ۔تے اخیر دِناں چہ تہادے تے مُصیبتاں آؤن گیاں ۔جدؤں تُسی خدا دے اَگے بدی کرو گے ۔اپنے ہتھ دے کماں نال اوہنوں غُصہ دواؤ گے ۔ ³⁰ ۳۰. تے موسیٰ نے اسرائیل دی ساری جماعت دے گناہ چہ ایس گیت دیاں گلاں اخیر تیک آکھ سُنائیاں ۔