¹ ۱۔ اگر خُدا نے توانوں مسیح نال جوایا اے تے اُتلیاں شیواں نوں لبو ۔ جِتھے مسیح خُدا دے سجے پاسے بیٹھا اے۔ ² ۲۔ اُتلیاں شیواں بارے سوچو ۔ نہ کہ زمینی شیواں بارے۔ ³ ۳۔ کیونکہ تُسی مر گئے سو اور خُدا نے تواڈی جِندڑی مسیح چہ لکا لئی سی۔ ⁴ ۴۔ جدوں مسیح دی جِندڑی بارے جانیا فیر تُسی اوہدے جلال نوں وی جانیا۔ ⁵ ۵۔ اپنی گُناہ چہ پئیاں چاواں نوں مار دو ۔ حرامکاری ، ناپاکی ، جنون ، پہیڑیاں چاواں ، لالچ جو کہ بُت پرستی اے۔ ⁶ ۶۔ ایہو وجہ توں خُداوند دا قہر اوہناں نافرمان پُتراں تے آندا اے جیہڑے اوہدی نئیں مندے۔ ⁷ ۷۔ تُسی وی اِک واری ایہنا چیزاں چہ جِندڑی لنگائی اے۔ ⁸ ۸۔ ہُن اے بڑا ضروری اے کہ تُسی ایناں ساری شیواں نُوں چھڈو ، تُسی قہر ، غُصہ ، بُری چاواں، بے شرمی بِیستیاں ، پیہڑیاں گلاں اپنے مُنہ توں دور کرو۔ ⁹ ۹۔ اِک دُوجے نال چوٹھ نہ بولو، کیونکہ پہلے وی ایس طریقے توں ننگا کیتا اے۔ ¹⁰ ۱۰۔ تُسی اپنے آپ نُوں نواں کیتا اے جیویں تُسی شبیع نُوں جانیا تے نہ اوہدی شبیع نے توانوں نواں کیتا ۔ ¹¹ ۱۱۔ اور ایہہ جان لو کہ کوئی یونانی تے یہودی نئیں ۔ ختنے تے بغیرختنے نئیں ۔ نہ وحشی نہ سکوتی ، نہ غلام نہ آزاد پر مسیح ہی سب کُج تے ساریاں وچ اے ۔ ¹² ۱۲۔ ایسے بنو جیویں خُدا دے چُنے ہوئے او ۔ پاک تے پیارے، دل ایہو جیا رکھو جیہڑا ہمدرد، رحم دِل ، حلیم ، چھوٹا ت صبر کرے ۔ ¹³ ۱۳۔ اِک دُوجے دی برداشت کرو، اَک دُوجے دا چنگا چاہو، اگر کِسے نُوں کِسے بارے شکیت اے تے اوہنوں ماف کرے ۔ جیویں خُداوند نے توانوں ماف کیتااے۔ ¹⁴ ۱۴۔ ایہناساریاں شیواں تُوں ودھ کے پیار کرو۔ جو توانوں صحیح طور تے بھَن کے رکھدا اے ۔ ¹⁵ ۱۵ ۔ مسیح دا چین تواڈے دِلاں تے راج کرے ۔ ایسے چین چہ تُسی اک بدن چہ سدے گئے او تے شکر گزار ہو۔ ¹⁶ ۱۶۔ مسیح دا کلام تواڈے وچ ود ودا کہ رہے ۔ اپنی ساری خدائی سمجھ تے نصیحت اک دُوجے نُوں سیکھاو ۔ زبور ، گیت ، مسیح گیت گاندے رہو۔ تے خُدا دی وڈیائی دِل توں کر دے رہو۔ ¹⁷ ۱۷۔ اور جو کُج وی تُسی کرو ، پاویں مونوں بولو ، پاویں کر کے وکھاو ۔ سب کُجھ یسوع مسیح ناں وچ خُدا باپ دی شُکر گزاری کردے ہوے کرو۔ ¹⁸ ۱۸۔ وہٹیو! اپنے بندیاں دے آکھے /تابع روو۔ جیہڑا خُدا وچ چنگا اے ۔ ¹⁹ ۱۹۔ بندیو! اپنی وہٹییاں نُوں پیار کروتے اوہنا ں دے نال سختی نہ کرو۔ ²⁰ ۲۰۔ بچیو ! ہر شے وچ اپنے ماں پیو دی منو ۔ جیہڑا خُدا نوں بڑا چنگا لگدا ے ۔ ²¹ ۲۱۔ پیوو /ابیو! اپنے بچیاں نُوں اُکساندے نہ روو۔ کہ اوہ مایوس نہ ہو جان ۔ ²² ۲۲۔ غلامو ! اپنے پنڈے چہ سدا اپنے مالک دا آکھا مندے رہو۔ صرف لوکاں دی اَکھ وِچ چنگا رہن لئی نئیں بلکہ سچے دِل توں خُداوند تُوں ڈردے ہوے۔ ²³ ۲۳۔ جو وی کرو اپنی جان تُوں خُداوند لئی کرو ، نہ کہ بندیاں لئی ۔ ²⁴ ۲۴۔ تُسی جاندے او کہ تُسی خُدا تُوں اپنی میراث دا تُحفہ پاو گے ۔تُسی یسوع مسیح دی خِدمت کردے او۔ ²⁵ ۲۵۔ جو وی ناراستی کرے گا ناراستی دی سزا پاوے گاتے کوئی طرفداری نئیں۔