¹ ۱۔ میں چاہنا ہاں کہ تہانوں پتہ چلے کہ میں تہاڈے تے کِنی محنت کیتی اے ۔ اوہنا نوں جیہڑے لودِکیا وچ نیں ۔ تے اوہنا ساریاں تے جنہاں نے اپنے ساہمنے میری شکل وی نئیں ویکھی ۔ ² ۲۔ تے اوہنا دے دِلاں نوں محبت دے وچ اکٹھے ہون دے نال دلیری ہوے تے اوس ساری دولت دے نال جیہڑی خُدا دے پھید "مسیح " تے پھروسے دی سمجھ اے ۔ ³ ۳۔ سارے حکمت دے لُکے ہوئے خزانے تے علم اوہدے وچ اے ۔ ⁴ ۴۔ میں کہنا واں ، کوئی تہانوں میٹھیاں گلاں کرکے ٹھنڈا / کٹھ / نرم نہ کر دوے۔ ⁵ ۵۔ پاویں میں جسم چہ تہاڈے وچ نئں آیا فیر وی روح وچ میں تہاڈے نال آں ۔ تے میں تہاڈی چنگی ترتیب تے مسیح وچ تہاڈے پکے ایمان دے ودن نوں ویکھ کے خُوش ہونا آں ۔ ⁶ ۶۔ مسیح یسوع وچ اونج ہی چلو جیویں اوہنوں منن دے ویلے چلدے سو۔ ⁷ ۷۔ اودے وچ چنگی طرح جڑ پھڑ لوو۔ اوہدے اُتے (عمارت ) بندے جاو۔ تے ایمان وچ اونج ہی وددھے جاوجیویں تہانوں سخایا گیا سی تے شُکر گزاری دے نال پھرے روو۔ ⁸ ۸۔ ویکھو کوئی تہانوں فلسفے تے خالی خولی چوٹھیاں گلاں جہیڑیاں انسانی روایتاں تے دُنیا دے چُوٹھے مذہباں توں کڑھیاں گیاں نے تے مسیح ولوں نئیں وچ پھسا نہ لوے ۔ ⁹ ۹۔ کیوں جو خُدا دی ساری خُدائی اوہدے(یسوع) وِچ وسدی اے۔ ¹⁰ ۱۰۔ تُسی اوہدے وِچ جیہڑا حکومتاں تے اِختیاراں دا کرتا تھرتا اے پوری طرح پھر گئے ہو۔ ¹¹ ۱۱۔ اوہدے وچ خُدا نے تہاڈا ختنہ کیتا، تے اے ختنہ بندیاں دے ہتھ نال نئیں ہوندا بلکہ مسیح دے ختنے وسیلے گُناہ دا گوشت وَڈ دِتا گیا اے۔ ¹² ۱۲۔ تُسی بپتسمہ وچ اوہدے نال دبے گئے سو تے خُدا دی قُدرت تے ایمان دے وسیلہ جِنے اوہنوں مُردیاں وِچوں زندہ کیتا سی اوہدے نال اٹھائے گئے سو۔ ¹³ ۱۳۔ جدوں تُسی اپنے گُناہواں وچ سو تے تہاڈے گوشت دا ختنہ نئیں سی ہویا تُسی مُردا سو ۔ اوہنے (خُدا) اوہدے (یسوع) نال تہانوں اکٹھیاں زندہ کیتا تے ساڈے سارے گُناہواں نُوں معاف کیتا سی ۔ ¹⁴ ۱۴۔ اوہنے ساڈے خِلاف لخیا ہویا حساب تے ساڈے خلاف حُکماں دے لخیاں ہویاں ورقیاں نوں جیہڑے ساڈے خِلاف جاندے سن صاف کر دِتا سی ۔ اوہنے سب کُج ہٹا دِتا تے سولی اُوتے کِلاں نال ٹنگ دِتا سی ۔ ¹⁵ ۱۵۔ اوہنے حاکماں تے اِختیار والیاں نُوں ہٹا دِتا تے ساریاں ساہمنے تماشا بنایا ۔ تے سولی دے کارن فتح دے جلوس وِچ چکر لوایا۔ ¹⁶ ۱۶۔ تاں کوئی وی تہاڈا فیصلہ کھان یا پین یا عید دے دیہاڑے یا نوے چن یا سبت ، بارے نہ کرے ۔ ¹⁷ ۱۷۔ ایہہ آون والیاں چیزاں دا سایا نیں پر اصل مسیح اے۔ ¹⁸ ۱۸۔ کوئی اپنے انعام نوں چوٹھی حلیمی دی خواہش تے فرشتیاں دی عبادت دی وجہ نال لُٹوا نہ بیٹھے ۔ ایفو جیا بندہ اوہنا چیزاں وچ پھسیا اے جیہڑیاں اوہنے ویکھیا ں نیں تے جسمانی سوچ نال اوہنا تے اویں ای پھونڈدا اے ۔ ¹⁹ ۱۹۔ اوہنے مسیح نوں جیہڑا سِر اے تے سارے پِنڈے دا تھیان رکھدا تے جوڑاں تے پٹھیاں دے وسیلے جوڑ کے رکھدا اے پھڑ کے نئیں رکھیا۔ تے پنڈا وددھا اے جیویں خُدا اوہنوں وددھاندا اے ۔ ²⁰ ۲۰۔ جے تُسی سارے دُنیا دار ایماناں لئی مسیح دے نال( اِکٹھے ) مر گئے ہو تے فیر کیوں تُسی دُنیا داری دیاں گلاں دے تھلے لگ کے زندگی گُزار دے ہو۔ ²¹ ۲۱۔ "نہ پھڑو ، نہ چکھو ، نہ ہتھ لاو" ؟ ²² ۲۲۔ لوکاں دے ایہہ حُکم تے تعلیم اوہناں چیزاں بارے نیں جیہڑیاں کم لیاندیاں لیاندیاں مُک جان گِیاں۔ ²³ ۲۳۔ ایہناں قیدیاں وچ بندیاں دے بنائے مذہباں تے چُوٹھی حلیمی تے درویشی جسمانی طریق دی حکمت اے ۔ پر پنڈے نوں حدوں پار جان دے خلاف روکن لئی کوئی فیدا نئیں ۔