¹ ۱۔ تُسی مالکو! اپنے نوکراں نال چنگا سلوک کیتا کرو ۔ یاد رکھو کہ تواڈا وی آسمان تے اک مالک اے ۔ ² ۲۔ ہر ویلے دُعا کردے رہیا کرو ۔ پر شُکر گزاری دی دعا کرنا نہ بھولنا ۔ ³ ۳۔ رل کے ساڈے واسطے دُعا کیتی کرو ۔ کہ اساڈا رب ساڈے لئی اپنا کلام سناون دا بوہا کھولے ۔ تاکہ اسی مسیح دے پھیتاں نُوں ٹھیک ٹھیک دس سکیئے۔ جِس کلام لئی میں اوہدا پابند واں ۔ ⁴ ۴۔ نالے دُعا کرو کہ میں صحیح صحیح دس سکاں جیویں مینوں دسنا چاہیدا اے ۔ ⁵ ۵۔ غیراں نال حکمت نال چلو تے اپنا وقت سمجھداری نال گُزارو ۔ ⁶ ۶۔ تواڈا کلام پُر فضل تے نمکین ہونا چاہیدا اے /تواڈیاں گلاں فضل دے نال پھریاں ہویاں تے نمکیں ہونیاں چاہیدیاں نیں ۔ تاں تُسی لوکاں دیاں گلاں دے صحیح جواب دے سکو گے ۔ ⁷ ۷۔ تخکس میرے سارے حالات دے بارے توانوں دسے گا۔ اے بڑا پیارا تے وفادار پھرا اے ۔ تے نالے خُداوند دی غلامی وچ چلدا اے ۔ ⁸ ۸۔ ایہنوں میں خاص طور تے تواڈے کول کہلیا اے کہ توانوں ساڈے بارے پتا چلے تاں جو تواڈے دِلاں نُوں تسلی مِلے۔ ⁹ ۹۔ ایہدے نال اُنیسمس وی آن ڈیا اے ۔ اے تہاڈے وانگوں بڑا ایمان دار تے پیارا بھرا اے ۔ ایہہ سب کُج تہانوں دَسے گا جو کُج ایتھے ہویا سی ۔ ¹⁰ ۱۰۔ ارستخس وی تہانوں سلام آندا اے ۔ اے میرے نال قیدی اے ۔ نالے مرقس وی جیہڑا برناباس دے چاچے دا پُتر اے ۔جِدے بارے توانوں آکھیا سی ۔ جے اے تواڈے کو ل آوے تے اوہنوں قبول کر لینا ۔ ¹¹ ۱۱۔ تے نالے یسوع جیہڑا جسٹس کہلاندا اے ۔ اے کلے نئیں جِنہاں دا ختنہ ہویا اے ۔ تے اے خُدا دی بادشاہی لئی میرے نال کم کردے نیں ۔ ایناں تُوں مینوں تسلی اے ۔ ¹² ۱۲۔ اپفرس وی توانوں سلام دیندا اے ۔ اے وی تواڈاے وچوں اے تے یسوع مسیح دا غُلام اے ۔ اے تواڈے لئی بڑی دُعا کردا رہندہ اے ۔ تاں جو تُسی پُورے ہو کے کھلوو ۔ تے توانوں خدا دی مرضی تے پُورا پھروسہ ہوئے ۔ ¹³ ۱۳۔ ایس گل دا میں وی گواہ واں ۔ اے تواڈے لئی لودکیا تے ہراپلس دے لوکاں واسطے بڑی محنت کردا اے ۔ ¹⁴ ۱۴۔ لُوقا حکیم تے دیماس وی توانوں سلام کہندے نیں ۔ ¹⁵ ۱۵۔ لودیکیہ وچ رہن والے پھراواں نوں سلام دیو ۔ بی بی نمفاس نُوں تے اوس کلیسیا نوں جیہڑی اوہدے کھر وچ اے ۔ ¹⁶ ۱۶۔ اے چِٹھی جدوں تواڈے وچ پڑ لئی جاوئے تے فیر لودِکیا دی کلیسیا وچ وی پڑی جاوے ۔ تے ویکھنا اوہناں دی چِٹھی تواڈے وچ وی پڑی جاوے۔ ¹⁷ ۱۷۔ ارخپس نوں آکھو جیہڑی خدمت اوہنوں خُداوند کولوں مِلی اے ایسے ہی طرح تواڈے وچ پوری ہوئے ۔ ¹⁸ ۱۸۔ میں پولوس توانوں اپنے ہتھ نال سلام لخن ڈاواں ۔ میریاں بیڑیاں نوں یاد رکھنا ۔ خُدا دا فضل سدا تواڈے نال ہووے۔