¹ येशू अजूनही नासरेथ गावातच असता योहान, ज्याला लोक बाप्तिस्मा करणारा म्हणतात, तो यहूदा प्रांतातील ओसाड प्रदेशात गेला. तेथे येणाऱ्या सर्व लोकांना तो उपदेश करत होता. ² तो म्हणत असे, “तुम्ही पाप करणे थांबवले पाहिजे, कारण देव लवकरच दाखवून देईल की तो राजा आहे, तुम्ही जर पाप करणे थांबवले नाही तर तो तुमचा नकार करेल.” ³ योहानाने उपदेश करण्यास सुरवात केली, तेव्हा फार काळापूर्वी यशया संदेष्टा जे काही बोलला ते खरे ठरले. तो म्हणाला,

“अरण्यामध्ये कोणाचा तरी आवाज लोकांना ऐकू येत आहे, तो येणाऱ्या प्रत्येकाला ओरडून म्हणत आहे,

प्रभू येईल तेव्हा त्याचा स्वीकार करण्यासाठी तयार असा!

त्याच्यासाठी सर्वकाही तयार करा!”