¹ Тегəд Иисусиг көдə һазрт Əрүн Сəкүсн эрлгəр сөрүцхəр көтлҗ ирв. ² Дөчн өдр болн дөчн сө Иисус хот идлго, Бурхндан зальврад өдрмүд нерəдсмн, болв йир икəр өлсəд хот эдлх дурнь күрв. ³ Эрлг Терүнүр өөрдəд келв: «Кемр Чи Бурхна Көвүн болхла, эн чолуд өдмг болтха гиһəд кел.» ⁴ Эн хəрү өгв : « Һанцхн нег өдмгəр күн əмдəр бəəҗ чадшго, зуг Бурхна ямаран чигн келсн үгəр бəəх» - гиҗ бичəтə. ⁵ Дарунь эрлг Иисусиг авад əрүн балһсна Иерусалимин сүмин ора деер тəвчкəд келв: ⁶ «Кемр Чи Бурхна Көвүн болхла дорагшан һəрəд, юңгад гихлə бичəтə - «Эврəннь зарцнртан Чини тускар заквр өгх: эдн Чамаг һар деерəн авад йовх. Чи эврəннь көлəрн чолунд бүдршгоч?» ⁷ Иисус терүнд келв: «Эврəннь Деед Эзн Бурхан бичə сөрəд бə» - тиигҗ бичəтə. ⁸ Дəкəд Иисусиг эрлг əвртə өндр уул деер авч ирəд, цуг орчлңгин делкə болн туурмҗиг үзүлəд Иисусд келв: «Цуг энүг Чамд өгнəв.» ^9-10 Терүнə хөөн Иисус эрлгт келҗəнə: « Хооран һар эрлг Нанас юңгад гихлə бичəтə: Эврəннь Деед Эзн Бурхндан сөгд, һанцнхн Терүнд цергл.» ¹¹ Тиигхлə эрлг Иисусиг үлдəһəд, дарунь Бурхна элчнр ирəд Терүнд церглцхəв. ¹² Иоанниг бəрҗ авсинь соңсад, Иисус Галилеюр йовҗ одла. ¹³ Назаретиг үлдəһəд, Иисус теңгсин көвəд Капернаум гидг балһснд Завулона болн Неффалима һазрт бəəдг болв. ¹⁴ Əəлдəч Исаяр дамҗулад келгдсн үгмүд бүттхə: ¹⁵ « Завулона һазр болн Неффалима теңгс алднд бəəх Иордана ца, буру номта улсин Галилея гидг һазр. ¹⁶ Харңһуд суусн əмтн герл үзцхəв, үклин сүүдрт суусн орн-нутгин сууҗасн əмтнд герл гилвкв.» ¹⁷ Тер цагас авн Иисус Байрта зəңг келдг болв: «Килнцəсн бийəн цеврлтн юңгад гихлə Бурхна Теңгрин орн-нутг өөрдв.» ¹⁸ Галилеин теңгсин өөр йовҗ йовад, Эн ах дү хойриг үзв: Симониг, Пётр гидг нертə бəəсинь болн терүнə ах Андреиг. Эдн гөлм теңгст хайдг бəəсмн юңгад гихлə тедн заһсчнр билə. ¹⁹ Эн теднд келв: «Намаг дахтн, Би таднас əмт бəрдг кү кенəв.» ²⁰ Тедн гөлмəн үлдəһəд, Терүг дахад йовла. ²¹ Тендəс цааран йовад, Иисус талдан ах-дү хойриг үзв — Иаковиг, Зеведеин көвүг, терүнə ахинь — Иоанниг. Тедн Зеведей эцктһəн оңһцд билə, гөлмəн хатхҗала. Иисус тедниг дуудв. ²² Тедн дарунь эцкиннь оңһцан үлдəһəд, Терүг дахад йовцхав. ²³ Иисус цуг Галилеяр, синагогмудт тедниг сурһад, Байрта Үг зəңглв болн ямаран чигн гемиг болн чинəн уга улсиг Эн эдгəв. ²⁴ Терүнə тускар цуг Сирия гидг һазрар зəңг тарв, Иисус тал чинəһəн алдсн əмт, олн гемəс зовҗасн, шулмар авлгдсн, харһцдг гемтə улсиг болн сүүдр дəврсн əмтиг Эн эдгəв. ²⁵ Олн əмтн Галилеяс, Десятиградияс, Иерусалимəс, Иудеяс болн Иордана цааһас Терүг дахҗ йовла.