¹ Иисус цааранднь цецн келврмүд келҗəһəд темдгдлв: ² «Теңгрин Бурхна орн-нутгиг һазр деер бəəсн хаанла дүңцүлҗ болхмн.Хан эврəннь көвүндəн хүрм кеһəд, ³ гиичнр хүрмд дуудхин төлə эврəннь ялчнран илгəҗ. Зуг тедн ирхəр седсн уга. ⁴ Тиигхлə тер хан талдан ялчнран илгəһəд келв: «Би əмтəхн хот дуудсн əмтнд белдчкв. Мини туһлмуд болн асрсн мал – алата, цугнь белн. Хүрмин нəəрт ирцхəтн.» ⁵ Зуг эдн төртəн авл уга, тарад йовцхаҗ: кень негнь - тəрəндəн, наадкнь - хулд гүүлгəнд. ⁶ Талданнь энүнə ялчнриг му келəд, бəрҗ авад əмнь таслад алчкв. ⁷ Хан энүг соңсчкад, уурлад эврəннь цергəн тəвəд, тер алсн улсиг уга кеһəд, теднə балһсиг шатачкв. ⁸ Тегəд хан ялчнртан келв: «Хүрмин нəр белн, зуг мини дуудсн гиичнр болхла хүрмд ирх ач уга бəəҗ.» ⁹ Тегəд хаалһар йовад харһсн улс цугтаһинь хүрмин нəəрт дуудтн.» ¹⁰ Ялчнринь хаалһар йовад кен харһсинь цугтаһинь цуглулв: теднə дунд цаһан санатачн болн хар санатачн улс бəəсмн. Хүрмин нəр гиичнрəр дүүрв. ¹¹ Хан орад гиичнрəн хəлəхлə, теднə дунд хүрмин хувцн уга кү үзҗ. ¹² Хан терүнд келв: «Иньг! Чи яһҗ нааран хүрмин хувцн угаһар орсмбч? Тер тагчг бəəсмн. ¹³ Тегəд хан ялчнртан келҗ: «Эн күүнə һар-көлнь бооһад, харңһу тамд хайтн; тенд уульлһн болн шүдəн хəврлһн болх. ¹⁴ Юңгад гихлə дуудснь дала, зуг шүүҗ авснь баһ болҗана.» ¹⁵ Фарисеймуд Иисусиг келсн үгəрнь бəрҗ авхар хоорндан селвлцв. ¹⁶ Тедн Терүнүр эврəннь сурһульчнран иродианмудта илгəһəд келцхəҗ: «Багш, та үн үнəр Бурхна үгəр дасхнат гиҗ медвидн, юңгад гихлə Та күүнə чирə хəлəлго, үнəн келнəт.» ¹⁷ Тегəд мадн Танас сурҗанавидн: «Тана ухаһар болхла, маднд кесарьт алв өгч болхий?» ¹⁸ Иисус теднə мекнь медəд келв: «Хойр чирəтнр, тадн Намаг җилвтүлхəр бəəнт? ¹⁹ Алв өгдг деншгəн Нанд үзүлтн.» Тедн Терүнд деншг авч ирв. ²⁰ Иисус эднəс сурв: «Кенə зург болн һар тəвлһн эн деншгт зурата?» ²¹ Эдн келв: «Кесарин.» ²² Иисус эднд келв: « Кесарин юмиг кесарьт өгтн. Бурхна юмиг Бурхнд өгтн.» Тер хəрүһинь соңсад тедн алң болад, Терүг үлдəһəд йовҗ одв. ²³ Тер өдр əмдрлһнд иткдго садукеймуд Иисусур өөрдəд Терүнəс сурв: ²⁴ «Багш, Моисей келсмн: кемр үрн уга бəəсн күн өңгрхлə, тер күүнə ахнь эс гиҗ дүнь белвсн үлдсн гергнь бийдəн авх зөвтə, ахиннь тохминь шинрүлхин төлə.» ^25-26 Мадн долан ах-дүүнр билəвидн. Ууһн ах гер авад, өңгрҗ одв. Үрн уга болсндан, эн эврəннь гергəн дүүдəн үлдəв. Тегəд хойрдгчнь болн һурвдгчнь болад доладгч күртл. ²⁷ Хамгин сүүлднь гергн өңгрв. ²⁸ Тиигхлə əмдрснə хөөн тер кенə гергн болхмб? Юңгад гихлə эн цуһураһиннь гергн болсмн.» ²⁹ Иисус эднд иим хəрү өгв: « Бурхна əрүн үг болн Бурхна чидл-күч меддго болад, тадн эндүрҗəнəт.» ³⁰ Юңгад гихлə əмдрлһнə хөөн гер авдм биш, хəрд һардмн биш, зуг Теңгрт Бурхна элчнр болад бəəдмн. ³¹ Өңгрсн улс əмдрнə гиҗ Бурхн бичснь умшсн угавт? ³² Бурхн əмдрлһнə тускар иигҗ келсмн: «Би – Авраамин Бурхн, Исаакин Бурхн болн Иаковин Бурхн! Эн Бурхн үксн улсин биш, əмд улсин Бурхн.» ³³ Əмтн Иисусин келсн үгмүд соңсад, Терүнə дасхҗасн сурһульд икəр алң болад бəəв. ³⁴ Садукеймудиг Иисус тагчгрулад, үг келлдгинь уурлсн тускар фарисеймуд соңсчкад, хамдан цуглрсмн. ³⁵ Иисусиг җилвтүлəд, нег зака меддг күн Терүнəс сурв: ³⁶ «Багш! Заканд хамгин ик зааврнь ямаран болҗана?» ³⁷ Иисус эднд иигҗ хəрү өгв: «Эврəннь Деед Эзн Бурхндан цуг зүркəрн, цуг седклəрн болн цуг ухаһарн дурл!» ³⁸ Эн хамгин түрүн болн əмтин ик зокьял. ³⁹ Хойрдгч заавр терүнлə əдл: «Бийлəһəн əдл эврəннь өөрəн бəəсəн дурл. ⁴⁰ Эн хойр зааврар цуг Закан болн əəлдəчнр тогтҗана.» ⁴¹ Фарисеймуд хурсн цагт Иисус теднəс сурна: ⁴² «Христосин тускар тадн ю ухалҗанат? Тер кенə Көвүмб?» ⁴³ Тедн келнə: «Давидин Көвүн.» Иисус эднд келв: «Тиигхлə юңгад Давид Сəкүсəрн Терүг Деед Эзн гиҗ нерəдəд иигҗ келсмн: ⁴⁴ Бурхн Эцк мини Деед Эзнд келсмн: Чини хортдудиг Чини көлд тəвтл, Мини барун бийд су. ⁴⁵ Тегəд Давид Терүг Мини Деед Эзн гиҗ нерəдҗəхлə, яһад Тер Давидын көвүн болҗахмб?» ⁴⁶ Иисус эг үгмүд келсн хөөн: нег чигн күн нег чигн үг келҗ чадсн уга. Тер өдрəс авн нег чигн күн Терүнəс сурвр сурдг зөв уга болв .