¹ Зурһан өдр давсн хөөн Иисус Пётриг, Иаковиг, Иоанниг болн Иоанна ахинь дахулад, һанцхн эднтә өндр уул деер һарв. ² Генткн Иисус теднә нүднд хүврҗ одв. Терүнә чирәнь герлтҗәх нарнла әдл болҗ одв. Хувцнь гилвкәд цаһаҗ одв. ³ Генткн теднә өмн Моисей, Илия хойр ирәд Иисусла күүндҗәснь үзгдв. ⁴ Пётр Иисусд келв: «Деед Эзн,маднд энд йир тааста болҗана. Би һурвн харшм кенәв: «Негнь - Танд, негнь - Моисейд, бас негнь - Илияд. ⁵ Тиигҗ келҗәтлнь генткн гилвксн цаһан үүлн тедниг бүркчкв.Үүлн дотрас дун соңсгдв: «Энтн Мини дурта Көвүм. Энүнд Мини эвәлм. Энүг соңстн!» ⁶ Энүг соңссн сурһульчнр ик гидгәр әәһәд чирә деерән унцхав. ⁷ Иисус өөрдәд теднд һаран күргәд келв: «Бостн, бичә әәтн!» ⁸ Тедн босад, һанцхн Иисусиг үзв. ⁹ Уулас бууҗ йовад, Иисус тенд үзсн юман бичә күүнд келтн – гиҗ закв. ¹⁰ Сурһульчнр Терүнәс сурцхав: « Юңгад Илия түрүләд ирхмн - гиҗ дегтр бичдг улс келцхәсмб?» ¹¹ Иисус келв: «Э-э, Илия түрүләд ирх зөвтә, цугинь белдх зөвтә. ¹² Илия ирлә. Зуг терүгинь медлго эврәннь дурарн кецхәв.Терүнлә әдл Күмни Көвүн чигн теднәс зовлң үзх.» ¹³ Тиигхлә сурһульчнр уснд кирслдг Иоанна тускар Иисус келҗәхнь медв. ¹⁴ Тедниг олн әмтн тал өөрдәд ирхлә, нег күн сөгдәд келв: ¹⁵ «Зерг! Мини көвүг хәәрлтн. Сар урһхла, көвүн мини икәр зовна: һалд болн уснд унна. ¹⁶ Би Тана сурһульчнр тал авч ирхлә, тедн эдгәҗ чадсн уга.» ¹⁷ Иисус хәрү өгв: «Иткл уга бәәдг улс, тадниг кезә күртл тесхв? Терүг Нанур авад иртн.» ¹⁸ Иисус эрлгиг түүнәс көөһәд һарһв, көвүн эдгдҗ одв. ¹⁹ Иисусиг һанцхарн бәәсн цагла, сурһульчнр Терүнәс сурв: «Бидн яһад эдгәҗ чадсн угавидн?» Иисус иигҗ хәрү өгв: ²⁰ « Тадниг иткл уга бәәсн төләд бичкн горчисин экнә дүңгә иткл таднд бәәсн болхла, тадн тер уулыг энүнәс тииглән од гисн болхла күцх билә. ²¹ Тадн Бурхндан өдрмүд нерәдсн цагт, зальврад бәәхлә эн шулмс – көөгднә. ²² Галилейд тедн бәәхлә Иисус сурһульчнртан келв: «Күмни Көвүг күүнә һарт бәәрҗ өгх, ²³ теднәр алгдад, һурвдгч өдртнь әмдрх. Сурһульчнрнь икәр һашудцхав.» ²⁴ Тедниг Капернаумд ирхләнь, алв цуглулдг улс сурв: «Тана Багш алв өгхий?» ²⁵ Пётр келв: «Өгх.» Пётриг герт орҗ йовхлань Иисус сурв: «Симон, чи юн гиҗ тоолҗанач? ²⁶ Эн һазр деер хаанмуд эврәннь көвүдәсн алв авдг болхий, эс гиҗ талдан улсас? Пётр келв: «Талдан улсас.» Тиигхлә көвүднь алвас сулдҗана, ²⁷ зуг әмтиг йос бичә эвдтхә гиһәд авд орулшго төләд, теңгс орад һахуль хаяд заһс бәр.Түрүн заһсна аминь секәд хәлә. Амн дотрнь деншг олҗ авхич. Терүг авч одад ма хойрин төлә өгчк» – гиҗ Иисус келв.