¹ Olunyuma Yesu niyemililwa nende Roho okhutsia mushitsimi okhutemwa nende shetani. ² Naye olwa nahonjele inzala tsinyanga amakhumi kane Eshiro neshiteere, inzala yamuluma. ³ Omuteemi niyeetsa namuboolela, "Noba noli omwana wa Nyasaye laka amachina kano Kabe omukaate." ⁴ Nebutswa Yesu nakalusia mbu, "kahandikwa mbu, 'omundu shialamenyeranga okhulia omukaate kwonyene tawe, habula buli likhuwa elirula mumunwa kwa Nyasaye.'" ⁵ Mana shetani namuyila mwitokho litakatifu, namusinjisisia mubutenje obweihekalu, ⁶ namuboolela mbu, "Noba noli omwana wa Nyasaye, ruuma okwe hasi, shichila kahandikwa mbu, 'Nyasaye alalachirisia abamalaikabe khwiywe bakhuchinje mumakhono kabwe, kho mbu oleshe okwisichirala eshilenje shishio kwichina.'" ⁷ Yesu namuboolela mbu, "khandi kahandikwa, 'sholamuteema Omwami Nyasayewo tawe."

⁸ Khandi, shetani namuyila khushikulu eshirambi muno, namumanyia obwami bwosi obwomushialo, nende oluyali lwabio lwosi. ⁹ Namuboolela, "ebindu bino biosi ndalakhuhelesia Noba nokwa mumakulu kanje niunzinamira." ¹⁰ Mana Yesu namuboolera, "Shetani rulaakhwo otsie! Okhubeela kahandikwa, 'Olamwinamilanga Omwami Nyasayewo, nende okhumurumushila ye yenyene.'" Kho shetani namulekha, ¹¹ khandi, lola, abamalaika nibetsa nibamukhalabanila.

¹² Ne bulano olwa Yesu yahulila mbu Yohana yaatirwa ali mumbohe, yakalukha eGalilaya. ¹³ Narula eNazareti natsia okhumenya eKaperinaumu, ahambi nende khuluchinga lweinyanza ya eGalilaya, aha yarana olwakho nende Sabuloni nende Naftali. ¹⁴ Kano kekholekha Kari mbu, akobulakusi bwa Isaya, omunabi, akabolanga mbu, ¹⁷ Okhuchaaka olwene yilwo Yesu nachaka okhukaamba naboola, "Mwikanile, okhubera obwami bwomwikulu buli ahambi."

¹⁸ Olwa Yesu yali nachendanga khulukuku lweinyanza ya Galilaya, yalola abasiani bomunzu ndala Simoni owalangwa Petero, nende Anderea, nibalobanga tsinyeeni munyanza. ¹⁹ Yesu nababolera mbu "noondekhwo, nasi ndalabakhola okhuba abalobi ba abandu." ²⁰ Mubwangu yibwo nibalekha tsikhanda tsiabwe nibamulondakhwo.

²¹ Yesu natsililira okhutsia imbeli okhurula yaho nalola abasiani babili abomunzu ndala, Yakobo nende Yohana nende Zebedayo sabwe, nibali muliaro liabwe nibakasilinjiamwo tsikhaanda tsiabwe, naye Yesu nabalanga, ²² nabo lwangu lwangu nibalekha tsikhaanda tsiabwe nibamulondakhwo.

²³ Yesu natsia buli habundu muGalilaya, niyechesinjia mutsisinagogi, khandi nakambanga injili yobwami, nahonia amalwale aketsimbia tsioosi namateshere mubandu. ²⁴ Nayo ifumaye niitswana muSiria yoosi, nibamurelela abandu balia boosi abali abateshere, abali namalwale akahukhaane, balia abamatimoni kabamenyamwo, abeindulume, abafwokoya, naye nabahonia boosi. ²⁵ Emikanda emikali chiamulondakhwo okhurula eGalilaya, eDekapoli, eYerusalemu, ebuYahudi, nende tsingongo etsili injelekha wa omwalo okwa Yorodani.