¹ Mana Yesu naboolera omukanda nende abeechibe mbu; ² Abaandichi nende abaFarisayo bekhala khushisaala shia Musa. ³ Mana koosi akabababoolera, muhulilanga nende okhukalola, halali shimulakhola akabakholanga tawe; shichila baboolanga nishibakholanga ta. ⁴ Shichira baboha emisiko emisiro, nibatuukha abandi khumabeka, nabo beene shibatiirakhwo kata eshitere shiabo ta. ⁵ Nabo amakhuwa kabo bakhola mbu, balolekhane. Shichira bayaangula etsihirisi tsiabo nibameeta tsingubo tsiabwe mwikhuwa mbu bamuheera nyasaye. ⁶ Mana bayanza ebisaala bieimberi mumilukha, nende okhwikhala imberi mumasinagogi. ⁷ Nende okhushesibwa muluyia, nokhulangwa nende abandu mbu Rabii. ⁸ Halali nenyu mulalangwa Rabii ta, shichira Omwibali wenyu nimulala, ne nenyu mwesi muli abeebule. ⁹ Khandi mulalanga omundu yesi mbu Papa mushialo ta, shichira Papa wenyu ni mulala ouli mwikulu. ¹⁰ Khandi mulalangwa abaami ta; shichila Omwami mulala ne niye Kristo. ¹¹ Halali owitsa okhuba omukali hakari wenywe okhuula abe omurumishi. ¹² Ne yesi yesi owitsa okhwichingula yetsa okhwishibwa, ne yesi yesi owitsa okhwitutuyia, yetsa okhuchinguulwa.

¹³ Woowe! khubalia abahaandichi nende abafarisayo, abekaatii! shichira mwikalira abaandu oburuchi bwo Mwikulu inywe beene shimwiyamira abenjira ta. ¹⁴ Woowe, khwinywe, abahaandichi nende abaFarisayo, abekaatii, shichila musasia tsiinzu tsia abalekhwa, ne mwikaatia musaaya amasaayo amarambi, khulwa yako mwitsa okhunyoola eshinyasio eshikali.

¹⁵ Woowe! khuinywe, abahandichi nende abaFarisayo abekaatii, shichira mubotokhana emialo nende eshialo okhukalukhasia omundu mulala; ne olwa aba niyeekalukhasiye ario, ne mumukhola omwana wemakombe khandi khabiri muno okhushila inywe bene.

¹⁶ Woowe! khwinywe, abemirisi ababofu, ababoola, yesi owitsa okhwitsuba muhekalu, shishili eshindu ta, halali yesi yesi owitsuba khu tsahabu yomuhekalu yebohere. ¹⁷ Abakoyanu enywe khandi ababofu, nelirena eliri likali, eshihanwa nohomba obwali bwosinjia itsahabu. ¹⁸ Khandi, yesi yesi owitsa okhwitsuba nende obwali, shiliri likhuwa ta, halali yesi yesi owitsuba nende eshihanwa shirerekhwo, yebohere. ¹⁹ Enywe abasiru khandi ababofu, ne elilena eliri likali, eshinanwa nohomba obwali bwosinjia eshihanwa? ²⁰ Kho yesi owitsa okhwitsuba nende obwali, yetsuba ninabwo, khandi khubiindu biosi ebili ikulu wabwo. ²¹ Khandi yesi owitsuba nende ihekalu khandi yetsuba nende biosi ebilimwo. ²² Khandi yesi, owitsuba nelikulu, yetsuba khushisaala shia Nyasaye khandi nende owikhaalekhwo.

²³ Woowe! khwinywe, "muli mushilaamo shiobubii enywe abahaandichi bamalako nende abaFarisayo! Enywe abekaatii, Muhaniranga Nyasaye eshitonyeshie shielikhumi shia amasaafu keshuya shieshing'ari ebilangwa mbu, eminana, ebinzaari, nende chiira nebutswa murecheresinjia amachesio amakhulundu akamalako mbu, obwatooto, tsimbabasi nende obwisiikwa. Mukhoyeere okhukhola yako, nebutswa mularecheresia akandi tawe. ²⁴ Abeemirisi ababofu, abalekha indaa nibamira ingamia.

²⁵ Woowe, khuinywe abahaandichi nende abaFarisayo abekaatii, shichira mwosia elwanyi weshikombe halali mukarii mwetsulamwo obunuuli nende okhubula eshichero. ²⁶ Enywe abaFarisayo ababofu, mwosie mberio eshili mushikombe mukarii kho ebulafu washio shinyale okhuba eshilafu.

²⁷ Woowe! khwinywe, abahaandichi nende abaFarisayo abekatii, mufwana shinga ebilindwa ebilafu, ebilolekhanga ebulafu mbu nebilayi, halali mukari mwabio khulimwo nende ebikumba bia abandu bafwa nende obuchafu bwetsimbia tsiosi. ²⁸ Kario kata mwesi mulolekha elwanyi abalunjishi khubandu, halali mukarii mwenyu mwetsulamwo obwikatii nende Obwononi.

²⁹ Woowe! khwinywe, abahaandichi nende abaFarisayo abekaatii, shichira mumbakha ebilindwa bia banabii nende okhukasia habundu wabalunjishi. ³⁰ Ne nimuboola, kalaba mutsinyanga tsia abapapa befu, shikhwakhasanjiraane ninabo mumatsai akabanabii ta. ³¹ Kho mwirusirinjia abeene obuloli, mbu muli abaana ababalia ababeera abanabii. ³² Kho mana mwitsusie kario eshibaba shiapapa benywe. ³³ Enywe tsinzokha, enywe olwibulo lwetsinzokha, mwitsa okhwihonokosia muriena nende eshinyaasio shiemakombe. ³⁴ Khulwesho, lola, esie ndiitsa okhubarumira abanabii nende abobuchesi, nende abahaandichi khandi muleera nende okhubamba, khandi abandi mulabanywekha mumsinagogi kenywe nende okhubalonda okhurula mwitookho okhuula mwitookho lindi. ³⁵ Mbu khoketse khwinywe amatsayi kobulunjishi akaraatsa khushialo okhurula khumatsai ka Abili, ulia omulunjishi kata amatsayi ka Zakaria omwana wa Barakia owamwerera hakarii weihekalu nende obwali. ³⁶ Obwatooto ebaboolera mbu, amakhuwa kano koosi kaletsa khulwibulo luno,

³⁷ O Yerusalemi, Yerusalemi, enywe abeeranga abanabii nende okhubakhupa khumachina balia abarumwa khwinywe, namakhabi kenga nenayanga okhura halala abaanabo? shinga olwa ingokho ira halala ebiminywi biayo nende okhubifunikha nende amabaha keke, halali shimwenya ta. ³⁸ Lola, yinzu yiyo ilekhwa eshikhaya. ³⁹ Shichira emuboolera mbu okhurula olwa leero, shimulindakhwo okhuula olwa muboola mbu, noweikhabi owitsa muliira liOmwami.