¹ AbaFarisayo nende Abasadukayo beetsa mana nibamureeba mbu, abamanyie eshilolero okhurula mwikulu.

² Habutswa yabakalusia nababoolera mbu, olwa obwiire bwinjiranga, mubolanga mbu, shiraanyire, shichira amalesi namakhanyu. ³ Olwa bushia, muboola mbu, Ifula yilakwa, shichira amalesi namanji ikulu, habutswa shimunyala okhumanya ebilolero biebise tawe. ⁴ Enywe olwibulo olwobubi khandi oluheyi mukhaba eshilolero, habutswa shibulaho eshilolero shiamuhebwa ta okhuyiiniakhwo eshilolero shia Yona. Mana Yesu nabalekhaho natsia.

⁵ Olwa abeechibe boola elubeka wundi yiria, bali nibebiriire okhuchiinga emikate. ⁶ Yesu nababoolera, mwiyenjeresie okhurula khwimera lia abaFarisayo nende abaSadukayo.

⁷ Abeechibe nibeparira abene mbu, Aboola ari shichira shikhuchinjire emikate tawe.

⁸ Mana nibarula erwanyi bwangu, niberukha okhurula mushirindwa; okhuba bali neyindenga khandi nibahukanga okhushira: nabo nibalaboolera omundu yesi esi ta kalia aka bali nibaluutsi khulwa oburii obunji. ⁹ Shimuli nobumanyirisi tawe? Kata shimwitsuliranga emikate chirano khubandu tsiyelefu tsirano, nende ebimwero biinga ebia mwakhuung'asia? ¹⁰ Nohomba emikate saba echialisia tsiyelefu tsine nende ebimwero biinga ebia mwakhuung'asia? ¹¹ Ne kali kariena aka mulamanyirisinjia mbu, shemboolanga ninenyu khumikate tawe? Muyenjeresie nimwilinda okhurula khumera ya aba Farisayo nende abaSadukayo. ¹² Nilwa bamanya mbu, shiyali nababooleranga limera liomukate tawe, habutswa beyenjeresie okhurula khumechesio aka aba Farisayo nende abaSadukayo.

¹³ Ne bulano olwa Yesu yoola mushialo shia eKaisaria ebuFilipi, yareeba abeechibe mbu, abandu baboolanga mbu, omwana wOmundu ni wiina?

¹⁴ Nibamukalusia mbu, abandi baboola mbu Yohana Omubatisi; abandi, Eliya; khandi abandi, mbu Yeremia, nohomba mulala khubanabii.

¹⁵ Naye nabareeba, ne nenyu muboola mbu esie nesie wiina?

¹⁶ Simoni Petero nakalusia mbu, Eyuwe neywe Kristo, Omwana wa Nyasaye oumenyanga.

¹⁷ Yesu namukalusia namuboolera mbu, Oli weikhabi yuwe Simoni Petero omwana wa Yona, okhuba shikuli omubiri namatsayi ebikhufunuliire kano tawe, habutswa Papa wanje ouli mwikulu. ¹⁸ Khandi siesi ekhuboolera mbu, yuwe neywe Petero, khandi khuywe lichina lino ndiakhomboshe khwo likanisa lianje. Nabio ebiribwa biemakoombe shibiakhanyale okhuyinga tawe. ¹⁹ Nasi ndalakhuhesia tsifungwo tsiobwami bwomwikulu. Shiosi shiosi eshia olaboya khushialo shilaboywa mwikulu, khandi shiosi shiosi eshia obolola mushialo shiosi shilabololwa mwikulu. ²⁰ Mana Yesu nabalaka abeechibe balaboolera omundu yesi yesi mbu ye niye Kristo.

²¹ Okhuchaka olwene yilo Yesu nachaka okhubiira abeechibe mbu kamuyunjia okhutsia eYerusalemu, ewa yetsa okhusanda ebindu ebinji mumikhono chia abakhulundu nende abakuhani abakhulundu nende abahandichi, mana yeerwe, mana abusibwe okhuba omulamu khunyanga yakhataru. ²² Mana Petero namubukula namuyira erubeka nachaka okhumukondoshera, naboola, kano kabe ehale ninawe, Omwami! Kano kalekholekha khuywe tawe!

²³ Habutswa Yesu yashukhana mana nabiira Petero, Tsia emukongo wanje, Setani! Oli lichina liokhwisichirasia, shichira shopaaranga khu bindu bia Nyasaye ta, habutswa khu bindu bia abandu.

²⁴ Mana Yesu nabiira abeka bebe, Niyakhabaho mulala owenya okhunoonda, okhuula yekane ye omwene, abukule omusalaba kukwe, mana yanoondekhwo. ²⁵ Okhuba yesi yesi owenya okhuhonia obulamu bwe yakhabukosie, naye yesi yesi oukosia obulamu bwe khulwanje alabunyoola. ²⁶ Okhuba kalaba akakhoya shi nikali omundu anyoola eshialo shiosi mana akosie obulamu bwe? Omundu anyala okhuhana shiina bukhala bwobulamu bubwe? ²⁷ Okhuba Omwana wOmundu yakhetse nali muluyali lwa Samwana halala nabamalaika bebe. Nilwa ye yakhakabire buli shamulala okhulondana nende ebikhole bibie. ²⁸ Esie emuboolera obwatoto, baliho balala khu enywe basinjiire hano bano abakhabule okhulola lifwa okhuula olwa balilola Omwana wOmundu niyetsanga mubwami bwe.