¹ Ne olwa abahandichi nende abaFarisayo bamutsiila Yesu okhurula Yerusalemu nibamureeba bari, ² Shichila shiina abeechibo nibakhaya ameechesio kabakhulundu, shichila shina nibalasaaba emikhono olwababa nibalia?

³ Yesu nabakalusia nabareeba ari, mbu shiina shichira nenywe nimuloba amalako ka Nyasaye nende emilukha chienywe? ⁴ Shichira Nyasaye yalachirisia naboola ari; Helesia so nende mao oluyali; khandi ounyeka samwana kata nyina, okhuula afwe.

⁵ Halali muboolanga muri mbu omundu yesi ouboolela samwana kata nyina mbu eshihanwa shiandakhakhuheeresie ndalamurusiria Nyasaye. ⁶ Kho aleshe okhumuheresia samwana nende nyina oluyali, ne nimukhola amalachirisio ka Nyasaye nikabula inganga okhurulana nende emilukha chenywe. ⁷ Enywe abeekati! nobulayi shinga olwa Isaya yainia obunabii khwinywe naboola; ⁸ abandu bano bamberesinjia oluyali neminwa chiabo, halali emioyo chiabwe chili ehale ninasi. ⁹ Nabo banzinamia eshikhaya nibeechesia ameechesio kabwe akali amalako kabandu.

¹⁰ Khandi naalanga omukanda mana nababoolera ulire, khandi munyoole okhumanyirisia. ¹¹ Eshinjira mumunwa shishili nishio eshiononia omundu ta, hahali shilia eshirula mumunwa nishio eshimwononia omundu.

¹² Nilwo olwa abeechibe bamala nibamutsiira, nibaboola, omanyirekhwo mbu abaFarisayo lwabahulila likhuwalio basinyikha? ¹³ Halali yabakalusia nababoolera, buli eshiraache shia Papa wanje womwikulu alaraaka ta, kwitsa okhwiywa. ¹⁴ Baleshe babe abemirisi ababofu, ne omubofu niyemirira omubofu wundi, bosi balakwa mwitukho.

¹⁵ Ne yamukalusia Petero naboola, khubolerekhwo olukano luno.

¹⁶ Mana Yesu naboola, kata mwesi shimuli nende omumanyirisi tawe. ¹⁷ Mushirinji okhumanyirisia mbu eshinjira mumunwa shibira shitsia munda, nishirusibwa nishirusibwa shitsia elwanyi. ¹⁸ Halali akeneako akarulanga mumunwa karulanga mumwoyo nako niko akabiyinjia omundu. ¹⁹ Shichila mumwoyo karulamwo amaparo amabii; obwirii, obwilasi, obuheyi, okobwifii, obuloli bwobubeyi nende amanyeko. ²⁰ Bino nibio ebindu bimwononinjia omundu, habula okhulia halali okhwosia emikhono shikhumalihyia omundu tawe.

²¹ Mana Yesu narula yaho natsia mutsimbeka tsia Tiro nende Sidoni. ²² Khandi lola, omukhasi OmuKananayo yarula mumbeka itsio niyetsa ewayali, nalira namubolela ari; undolere tsimbabasi, E Omwami wa Daudi, omukhana wanje anyasibwa muno nende litimoni.

²³ Nebutswa shiyamukalusia likhuwa ta, ne abeechibe nibamwitsira nibamusaaya nibaboolera mbu, mulonde hano shichila akhuupilanga obuyoka.

²⁴ Naye nakalusia, nabola ari shindarumwa khubandu ta halali khumakondi akakora akomunzu ya Isiraeli.

²⁵ Nebutswa omukhasi oyo niyetsa namwinamila naboola ari, Omwami ukhoonye.

²⁶ Naye nakalusia ari, shinobulayi okhuheresia imbwa omukate kwa abaana tawe.

²⁷ Naye namuboolera, nobwatieli Omwami, halali kata tsimbwa tsilitsanga obungulusi burula khumesa yOmwami.

²⁸ Naye Yesu nakalusia namuboolera; Omukhasi, obusubili bubwo nobukali, kabe khwiwe shinga olwa wenyere, ne omukhanawe namala nahona olwene olo.

²⁹ Yesu narula yaho ne nasuta ahambi nende inyanza ya Galilayo, ne nanina khushikulu niyekhala. ³⁰ Mana omukanda omukali nikumwitsira, halala mubo baliho abalema, ababofu, abasiru nende abandi nabanji, nibabakonia imberiwe naye nabahonia. ³¹ Kata omukanda yikwo kwahuchisibwa olwa balola omusiru naboola, abalema nibachenda nende ababofu nibalola mana nibachingula Nyasaye waIsiraeli.

³² Mana Yesu nabalaanga abeechibe, naboola endi nende tsimbabasi khumukanda kuno, shichila bakhaba ninasi, ino neinyanga yakhataru ne babula eshiabalia, ne shindiitsa okhubalekha batsie inzala tawe okhuba banyala okhukwa khunjira.

³³ Ne abeechibe nibamubolera shikhuli nende emikate chihera okhulisia omukanda kuno kwosi mushitsimi muno tawe. ³⁴ Yesu nabareeba mbu, muli nende emikate chiinga? ne nibamukalusia; musafu nende tsinyeni tsineemu.

³⁵ Naye nabalachirisia abomukanda okhwikhala hasi. ³⁶ Naye nabukula emikate musafu nende tsinyeeni etsio ne nakhupa orio, nabisonyola nakabira abeechi; abeechi nabo nibakabira abemikanda. ³⁷ Nibalia bosi nibekura, nibatola ebimwero musafu ebia emikate echiatong'a. ³⁸ Ne bali abasaatsa ebikhumila bine, oburabala abakhasi kata abaana tawe.

³⁹ Naye naseebula abemikanda, niyeenjila muliaro, niyoola mumbali tsia Magadi.