¹ Khubise bienebo ebia Yesu yabura mumikunda inyanga ye isabato ne abeechibe nibahulira inzala ne nibachaaka okhunoka ingano nibalia. ² Ne olwa abaFarisayo balola bamuboolera mbu lola, abeechibo bakhola akali shibeka nende inyanga yeisabato.

³ Naye nabakalusia ari shimwasoomakhwo aka Daudi yakhola olwa yali nali inzala khandi nende abayali ninabo. ⁴ Shinga olwa yenjira munzu ya Nyasaye mana nalia emikate chiokhubaho echialenyekha alie okhulondokhana nende lilako kata nende aba yali ninabo, habula abakuhani bonyene. ⁵ Kata shimwasoomakhwo mumalako mbu khunyanga yeiSabato abaKuhani abali muhekalu boononinjia Isabato, nibalalikhwo neshikha ta. ⁶ Halali ebaboolera enywe mbu habundu hano khuli nende omukhongo okhuyomba ihekalu. ⁷ Nebutwa mulamanya eshia kano kaboola; ndienya tsimbabasi halali emisango ta, shimwakhabakhalachile eshiina abene yabo ababula eshikha ta. ⁸ Khulwa omwana wOmundu nOmwami kata oweinyanga yeisabato.

⁹ Ne olwa yarulaho yatsia musinagogi yabo. ¹⁰ Khandi lola, khwali nende omundu womukhonokwe kwali nikwafwokoya ne nibamureeba bari, nobulayi okhuhonia inyanga yeisabato? kho banyoole okhumukhalachila eshiina.

¹¹ Naye nabakalusia nareeba ari, niwina hakari wenywe ouli nende likondi elala, ne nilikwa mubwina inyanga yeisabato, shiyetsa okhulitira nende okhuliiniamwo? ¹² Ne omundu ayombere likondi amakhabi kanga? kario kakhoya okhukhola amalayi inyanga yeisabato. ¹³ Mana namuboolera omundu ulia mbu kololosia omukhonokwo, ne namala nakololosia ne nikuba omuchima shinga okwakhabili. ¹⁴ Ne abaFarisayo nibarula elwanyi nibakasia shinga olwa betsa okhumwira.

¹⁵ Halali olwa Yesu yamanya yako, narula mubo ne abandu abanji nibamulondakhwo ne naye nabahonia boosi. ¹⁶ Ne nabakaya mbu balamubuula tawe. ¹⁷ Kho liusibwa likhuwa eliaboolwa nende omunabii Isaya, naboola; ²² Mana bamurerera omundu owetsulwamwo amatimoni, omubofu khandi omusiru mana namuhonia okhuula olwa omusilu yaboola nalola. ²³ Ne abandu boosi bahuchisibwa nibaboola mbu uno shiali Omwana wa Daudi noho?

²⁴ Ne olwa abaFarisayo bahulilakhwo kano baboola mbu, shiarusinjia amatimoni butswa ta, halali mubunyali bwa Beelzebul omukhongo wa matimoni.

²⁵ Ne khandi naye yamanya amapaaro kabwe ne nababoolela mbu, buli oburuchi obubetsanga nibwabukhaane obwene khubwene, bukwitsanga amakunda khandi buli litaala nohomba inzu ebiabukhana ebiene khubiene shibilasinjira ta. ²⁶ Kata Setani naba narusia Setani kho yakabukhanamwo omwene ne oburuchibwe shibusinjira ta. ²⁷ Nasi nemba nenonda litimoni muBeelzebul, kho abana benywe nabo bayinia muwina? kho khulwesho nibo abetsa okhubakhalachira eshiina. ²⁸ Kho khulwesho, nemba neyinia amatimoni muroho wa Nyasaye kho oburuchi bwa Nyasaye bumalire okhwitsa.

²⁹ Kho onyala orie okhwinjira munzu yomundu wamaani nende okhusasia ebindu bibie noshiri okhumuboha kho onyale okhuonia ebindubie.

³⁰ Ouraba ninasi ali shibeka ninasi, ne ulia oulabunjeresia ninasi, asalasia.

³¹ Khulwesho ebaboolera mbu, tsimbi tsiosi nende amakhuwa keinzesheresi khu Nyasaye kalesherwa, ne halali inzesheresi yosi shibeka nende Roho Omutsienukhu, abandu shibalesherwa ta. ³² Ne Omundu yesi ouboola likhuwa shibeka nende omwana womundu, alalesherwa ne halali yesi ouboola shibeka nende Roho Omutsienikhu shiyetsa okhulesherwa tawe, mushise shino kata mushise shiitsanga.

³³ Mukhole omusaala okhuba omulayi khandi ebiamo biosi bibe ebilayi nohomba mukhole omusaala okhuba omubii khandi ebiamo biakwo bibe ebibii, okhuba omusaala kumanyikha khubiamo biakwo. ³⁴ Inywe olwibulo lweinzokha, munyala murie okhuba aboononi, ne muboola amakhuwa amalayi? shichila omunwa kwomundu kuboola aketsula mumwoyo. ³⁵ Okhurula mwibishilo lilayi nimwo omwa karulanga amakhuwa amalayi, ne okhurula mwibishilo libii karulamwo amabii. ³⁶ Nebutswa ebaboolera mbu, buli likhuwa liosi libii elirula mumunwa kwomundu liliyasibwa inyanga yeshihesi. ³⁷ Mbu khumakhuwako witsa okhubalirwa obulunjishi khandi khumakhuwako witsa okhuyaasibwa.

³⁸ Mana abahandichi nende abaFarisayo nibakalusia mbu Omwami khwenya okhulola eshiloro khwiwe.

³⁹ Ne naye nabakalusia mbu, olwibulo olubii khandi olwobubeyi lukhaba okhulola akeshilolero, ne shibulaho eshilolero shiabahebwa ta, halali eshilolero shia Omunabii Yohana. ⁴⁰ Ne shinga olwa Yona yali ebiteere bitaru nende ebiro bitaru munda weinyeni, kario Omwana womundu alaba ebiteere bitaru nende ebiro bitaru munda yeliloba. ⁴¹ Abandu ba Nineve betsa okhusinjira nende olwibulo luno khubuyaasi khandi nabo betsa okhubayaasia; shichira bekanila khulwa amakambo ka Yohana. ⁴² Omuruchi Omukhasi oyo yetsa okhusinjira nende olwibulo luno mubuyaasi khandi yetsa okhubayaasia shichila yarula mutsimbeka tsiahukhane etsia eshialo okhuhulira obuchesi bwa Sulemani.

⁴³ Ne olwa roho omuchafu arula mumundu, abirira habundu ahabula amatsi, nakhaba habundu ahanyala okhuhulushila nalanyola ta. ⁴⁴ Naboola mbu, nditsa okhukalukha munzu yanje eyandarulamwo, ne olwayetsa, nanyoola niyili ikhaya, niyosiibwe, niloosibwe. ⁴⁵ Mubwangu abukulana nende amaroho kandi amachafu musafu abamushila obubii okhushila khandi shinga olwa abetsanga, nolwa kali kario khulwibulo luno olumayanu.

⁴⁶ Ne olwa yali nashibaboolera abemikanda amakhuwa, lola, mamawe nende abaana babwe bali nibasinjire elwanyi nibenya okhuboola ninaye. ⁴⁷ Naye oundi namwitsira namuboolela mbu, lola, mamawo nene abaana benywe basinjire elwayi benya okhuboola ninawe.

⁴⁸ Naye nakalusia namureeba ari, mama niwina? kata abaana befwe nibeena? ⁴⁹ Nanyiira omukhonokwe, namanyia ewabeechibe bali, naboola mbu, lola mama nende abaana beefwe. ⁵⁰ Omundu yesiyesi oukhola aka Papa ouli mwikulu yeenya, omwenoyo niye omusiani wefwe, khandi omukhana wefwe nende mama wanje.