¹ Amango bagerag'eyerusalema, bachiger'Ebetafaje, engambo zomusozi gw'amalehe, Yesu arhuma ntumwa ebiri; azibwira, ² Muj'omuchishagala chir'embere zenyu, hamwashigan'Epunda n'omwana gwayo bishwekerwe mubishwekule mubinderhere. ³ Hakajir'owabwir'echintu, mumushubiz'oku Nahan'abikenere, honaho anabishwekula byanagenda.

⁴ Nantyo ebyola byahikirga mpu y'ebyabalebi baderhaga biba. ⁶ Entumwa zayinja zajir'ebi Yesu azirhegekeraga. ⁷ Balerh'Epunda n'omwana gwayo bazihirirekw'emyambaro yabo; ayi yikalako. ⁸ Baguma bolo lubaga basas'emyambaro yab'okunjira, abandi baliri bachagulang'eshali n'okuzishandaz'omubarbara. ⁹ Abalir'embere n'abali kulikire Yesu bagenda bayimpa: Hosana mwene Daudi oyinjire Ali oku ndogomi.

¹⁰ Amango ajaga eYerusalema cruising choshi chashakanya n'okuderha: ndoyu?

¹¹ Echigusho ch'abantu chashubiza mpu: Loyola ye Yesu mulebi w'eNazareti egalilaya.

¹² bo Yesu aj'omu kanyamuzinda ahig'abaliherhe baguza n'abaliherhe bagula omukanya Muzinda, akumbagaza ebichumbi byabaliri bakab'aguta, n'ebichumbi byabaliri benguku. ¹³ Ababwira mpu: kuyandikirwe ntya: Enju yani ya derhwa inju y'okusalira, gurhe mwabo mwakayijira inju ya bezi.

¹⁴ Empumi n'abamagulu gahunzize banishing omuka Nyamuzinda mpu abafumye. ¹⁵ Aliko abadahwa bakulu n'abakulu b'ehano babon'ebisomerene amajira, n'abana baliribajir'olwam'omuka Nyamuzinda baderha mpu: Aganze mwene Daudi.

¹⁶ Banachimubwira mpu: Onayunvirh'ebil'abala balibaderha? Yesu abashubiza mpu: nechi, nkabaga ntamago mwachigerere soma aga mandiko omubunu banana badorho b'orhu bonjo?

¹⁷ Obola abaleka arheng'omuchishaga achjir'Ebetaniya alalayo.

¹⁸ Esezi achigaluk'omuchishagala ayunv'enzara. ¹⁹ Agerer'omunjira abon'omurhi gwamalehe, aja kugulamurhi; aliko ntacho agushi manireko ashimana bibabi byonyine, baderha: Orhahir'okayana lehe n'eliguma gula mulerhi gwayuma.

²⁰ Entumwa, zichibona okola, zasomerwa zaderha mpu: Gurhe gula murhi gwamana yuma n'ezuba?

²¹ Yesu ababwira mpu: kubinali mbabwirire, nkamwalimuherh'obuyemere burhaherh'engangane mwakajira nkebyo baberer'ogo murhi chiro njimbwir'omusozi mp: Rhenga ochi kabul'omunyanja, okola kwaba. ²² Nangasi choshi mwehun'omubuyemere, omumahuno mwehabwe.

²³ Yesu achiger'omukanyamuzinda arhonder'okuyigiria; Abadahwa bakulu n'abakulu b'ehano bayinja, bamubaza mpu: Okubuhashe buchi ojiramo ebibyoshi? Nande wakuhag'obubuhashe?

²⁴ Yesu abashubiza ababwira mpu: Nani nababaza chibazo chiguma mukananshubiza, nani nababwira okubuhashebuchi njiramo ebi bintu. ²⁵ Muyinji obubatizo bwa Yohana ngahe bwarhengaga? bwa rhengaga omumbingu chang'okubantu? Obola baja haguma barhonder'oku chi baza mpu: Rhukamubwir'okubwempingu naye ashubi rhubaza mpu: bichi byarhumaga murha chi muyemera? ²⁶ Kandi rhukaderha mpu emwa bantu, barhuyirha, bulala boshi bakazagi lola Yohana nka Mulebi. ²⁷ Ahola bashubiza Yesu, bamubwira mpu barhamenyere nabo; Nani ntaka babwir'okubuhashe buchi njir'ebyo byoshi. ²⁸ Mubwirage gurhe mu bwene? Mulume mu guma aliherhe bagala babiri. Ambwira efula mp: zene genda ohing'omwishwa lyani.

²⁹ Naye amushubiza aderha mpu: Ntalonza. Okubundi achi galu kako, agenda.

³⁰ Ashubishimb'owa kabiri amu bwira nkakulala abwir'owabo: Ayemera aderha: Namagenda Yagirwa. Aliko arhana chijagayo. ³¹ Inde mwabo bana bombi wa jirir'obulonza bweshe? bamu bwira: Omurhanzi. Yesu aba bwira: Mbabwirir'okunali: Abafurhis'ebarati n'abahushi njibarhang'omu bwami bwa Nyamunda. ³² Bulala Yohana ajinjag'omunjir'okunali' murhana muymeraga. Abafurhis'ebarati n'abahushi bowe bamuyemera. Mwabo muchi bon'olo lwiganyo murha chigalukagako n'oku muyemera.

³³ Yunvag'ogwindi mugani haliri mulume muguma mwimangizi wenju ahing'eshwa ly'emboko aliyumbakir'olugurhu anahir'omukenzi, anayumbaka mo munara ahalekera abahinzi aj, omu chindi chihugo. ³⁴ Amango go kushalula gahika. Arhum'abambali bag'emwa bahinzi baji shalula. ³⁵ Abahinzi babere babona ntyo; baja kubala bambali, muguma bamu shurha, owindi bamuyirha n'owaka sharhu, bamu shurha ama bale. ³⁶ Ashubi rhum'abandi bambali banene kulusha, nabo babajira nkabarhanzi. ³⁷ Oku buzinda arhumirabo amugala, aderha mpu: Obola mwana wani bamukenga.

³⁸ Abahinzi bachibon'omugala babwirana, enfula yage yayinjire, rhuyiyirhe, rhurhole obuchire bwage. ³⁹ Barhola ela enfula bamukabula eburhambi bw'eshwa n'okumu yirha. ⁴⁰ Lero, amango nyineshwa njayinja, bichi njajirira balala ba hinzi?

⁴¹ Bamushubiza mpu: njali buza abo bantu babi, njahira mwabandi bakozi bakazi muha bibshalulaga oku chihe chabyo.

⁴² Yesu abashu biza mpu: Murhageraga hamwa soma omunya ya kalembe okw'ebal'aba yumbaka bagayaga lyelyabere nkingi yenju. Ogu mwazi gu rhenger'emwaNahano nka bisomerene omumesho genyu? ⁴³ Chechirhumire, mbabwirire: Mwanyegw'obwami bwa nyakasani, buhabwe abantu babu kwanene. ⁴⁴ Owe chikube kwelyola bale yevunike, n'eyilyerhogereko ye homboke. ⁴⁵ Eyi bayusa kuyunva eyola migani, abadahwa bakulu n'Abafariyo bayunv'eyomigani bamenya mpu nkabaga boba derherwe. ⁴⁶ Amango balonzaga oku bamugwarhe, bayu bah'olubaga lunene bakagi mulola nka mulebi.