¹ Yesu ashubiderha echinwa omu mugani aderha: ² Obwami bw'empingu bushushire kuguma na mwami muguma wajirirag'omugal'obuhya. ³ Arhum'abagaragu bage bahagale balala baliri bahamagalw'oku buhya, ch'aliko barhalonzaga kuyinja. ⁴ Ashuba rhum' abandi bagaragu mpu mubwire balala bahamagalw' oku narheganyiz'obuhya bwani, narheganyiz'enkavu zani zinja, n'ebirhungano byani byabagirw' enyanya ly'obuhya muyinje, mulye muchisimise. ⁵ S'aliko buzir'okuchilibuza ngasi muguma achijir'omubyage alonzeze, baguma bachijir'omumashwa gabo, abandi bachijira kugulisa oburhimbuzi bwabo. ⁶ N'abandi bachikabula kubalala bagaragu, babakoromesa, banayirha bagum'omubo. ⁷ Oyo mwami agaya arhuma abarungu bage bayirhe bilala binizi n'okuyosa echishala chabo. ⁸ Lero abwir'abambali bage, obuhya bukola burheganyizwe, s'aliko abahamagalwa barhaliho! ⁹ Mugende omu mashanga njira muhamagale abantu boshi mwakashigana bayinje bachisimise oku buhya. ¹⁰ Abambali bagend' omu njira bahir' abantu haguma bashimanaga, omu bukali n'omu bwinja echumbi ly'obuhya lyayunjul'abantu bahamagalwaga. ¹¹ Mwami aj'omuchumbi ly'obuhya kulola bande bagwerhe balya, alangira muntu mugum' orhayamber' omushangi g'obuhya. ¹² Amubwira, mwira wani gurhe wajire muno buhya orhanayamber'emyambaro y'obuhya? Oyo muntu abul'echakaderha ahumany'obunu bwage. ¹³ Ahola, Mwami abwir' abambali bage: mumushwek'amagulu n'amaboko, mumukabul' embug' omu mwizimya! Halal' aband'endulu n'okuhekenya amenyo. ¹⁴ Bulal'abahamagalwa bali banene chaliko abalondwerwe bali bageke.

¹⁵ Ahola, Abafarisayo bagenda kushambala omu kulonz'obulyo bakamugwarhira Yesu omu nderho zage. ¹⁶ Babarhuma emund'ali, abambali babo haguma n'abambali ba Herode, baderha: Mwigiriza rhumenyer' ok'oli mushinganyanya, n'okoyigiriz' omwazi gwa Nyamuzinda omukunali, buzira kuyubah'omuntu yeshi, bulala orhalola shusho y'abantu. ¹⁷ Orhubwire nkaba bikwanene okufurh'ekoli emwa Kayizari changwa nanga?

¹⁸ Yesu amenya obwenge bwabo bubi ababwira: chichi chirhumire mwalonza ku ntangula mw'endyalya. ¹⁹ Munyerek' olufuranga mufurha mw'ekoli, bamulerhera olufuranga lw'edinari. ²⁰ Ababaza: yand'eyi shusho eyandikirw'aha?

²¹ Bamushuza mpu ya Kayizari, ababwira muhe Kayizari ebya Kayizari Na Nyamuzinda ebya Nyamuzinda. ²² Basomerwa n'ebibayunvirhe, barhenga bachigendera.

²³ Olo lusiku lon'olo, Abasadukayo bakazagi derha mpu harhaba bufuke bwabafire, baj'emunda Yesu ali bamubaz'echo chibazo. ²⁴ Mwigiriza, Musa aderhaga: nk'omuntu akafa buzira kuburh'omwana mwene wabo arhole ola mukana agenderez'oluburho lwa mwene wabo wafaga. ²⁵ Haliri bana mushanvu bandanguma Omurhanzi wabo ashab'omukazi nyamurhaban'afa buzira kuburha, alekera mudorho wage oyo mukazi. ²⁶ ko n'oko owakabiri nay'afa buzira kuburha, alekera mwene wabo wakasharhu ola mukazi bagenderera oku lekeran' oyo mukazi kuger'oku wa mushanvu naye afa buzira kuburha. ²⁷ Okubuzinda nyamukazi naye afa. ²⁸ Omubufuke nde mwabo mushanvu webe mulume wage? Bulala boshi balimurholere.

²⁹ Yesu abashubiza, muli omu mabi, bulala murhamenyer'amandiko changw'obuhashe bwa Nyamuzinda. ³⁰ Bulal' omubufuke abantu barhakashabana, barhakarhola bakazi changw'abalume, s'alikw' abantu belame nka bamalayika ba Nyakasani omu mpingu. ³¹ Omubiloler' obufuke bwa bafu, nka murhasomaga ebi Nyakasani aderhere? ³² Indi Nyamuzinda w'Abrahamu, Nyamuzinda wa Isaka, na Nyamuzinda wa Yakobo? Nyamuzinda ali Nyamuzinda wa bazene s'arhali Nyamuzinda wa bafire. ³³ Olubaga lwayunvag'enyigirizo zage basomerwa na Yesu.

³⁴ Abafarisayo bayunvirhe gurhe asizaga Abasadukayo bachigusha haguma; ³⁵ Muguma omubo, mugula wamarhegeko amubaz' edoso; omu kumurhega. ³⁶ Mwigiriza lihe lyorhegeko likulu omu marhegeko?

³⁷ Yesu amushubiza osime nawenyu Nyamuzinda wawe, n'omurhima gwawe goshi; n'obugumaguma bwawe boshi, n'obukengere bwawe boshi. ³⁸ Liri rhegeko ly'oburhanzi nalikulu omumarhegeko. ³⁹ Talaga n'elyakabiri linashushire ne lirhanzi: wesime omuturanyi wawe nkokochisima wenine. ⁴⁰ M'obo burhegeke bubiri mw'omuyimangirwe kw'amarhegeko goshi n'abalebi

⁴¹ Bulal'abafarisayo baliri bachigushire haguma, Yesu ababaza, ⁴² Aderha bichi mukengerer'enyanya za bemezi? Ali mwenende? bamushuza ali mwene Daudi.

⁴³ Yesu ababwira: nkakula Daudi arhegekagwa na Muka, amuhamagala Nahano, amango aderhaga: ⁴⁵ Nka Daudi amuhamagalaga Nahano, nkagurhe ali mugala? ⁴⁶ Ntaye wagalire ku mushubiza kw'echochinwa. Nakurheng; ololusiku ntamuntu wa chishubire ku mubaz'amadoso.