¹ Hagerere siku ndarhu, Yesu arhola haguma naye Petero, Yakobo, na Yohana, mulumuna wage, aba_longola bonin'okuntondo elehere. ² Ahindamulw'ebara emalangambere gabo amalanga gage gabaraganya nka zuba, emyambalo yage yahusha mweru nka mwengezi. ³ Mulole, Musa na Eliya abahulukirako, barhangir'okuderha naye. ⁴ Petero, arhonder'okuderh'omwazi, abwira Yesu mpu: biri binja rhubere hano, nk'olonzeze, nayumbaka bihando bisharhu, chiguma chawe, chiguma cha Musa na chiguma cha Eliya.

⁵ Aber'achiri aderha, echijuchu chikolerere chabashukira. Lola, omulenge gwayunvikan'omubichu gwaderh'eyi myazi: oyu ali mwana wani nsima bwenene; mumuyunvirize!

⁶ Abigirizwa bayunvirh'ogu mulenge, bakumbagal'ahashi balyamir'amesho, bayubaha bwenene. ⁷ Aliko Yesu abashegerera, abahumako aderha: muyumuke, murhayubahaga! ⁸ Bayinamul'amesho, barhabonaga muntu gurhenga Yesu yenine.

⁹ Babere bali bayandagl'okuntondo, Yesu abarhegeka ntya: ntaye mubwirag'obubonekerwa, kuger'agomango omwana w'omuntu nj'afuk'omubafu.

¹⁰ Abigirizwa bamubaz'ogu mwazi: bichi birhum'abashamuka b'ehano baderha mpu Eliya ashinganene(agwasirwe) ayinj'okuburhangiriza?

¹¹ Abashuza: kubinali oku Eliya agwasizw'okuyinja burhanzi kukwiz'ebintu byoshi. ¹² Aliko nababwir'oku Eliya ayinjaga mira, barhanamumenyaga, banamujirir'okubalonzeze. konok'omwana w'omuntu alibuzwa nabo. ¹³ Abigirizwa bameny'oku agwerh'aderh'enyanya za Yohana mudubisi.

¹⁴ Amango babere bahikir'olubaga, muntu muguma ayinjifukam'embere za Yesu, anaderha: ¹⁵ Nahano, omwana wani omuyunvir'obonjo, alwer'echizungu; alibukire bwenene; chinamugwisa n'omumuliro(omuchiko), n'omumenji. ¹⁶ Nalimulerher'entumwa zawe barhagalaga mufumya.

¹⁷ Yesu ashuza aderha: burha lirhayemerere n'ely'obubi, kugera mangochi nji naba haguma nenyu? nabarhabala kugera mangochi? mumunderhere hano. ¹⁸ Yesu akankamira bwenen'echo chishwasi, chamurhengamo, honah'omwan'afuma.

¹⁹ Entumwa zashegerera Yesu zamubwir'eburhambi mpu: bichi byarhumaga rhurhagala guhig'echo chishwasi?

²⁰ Yesu ababwira mpu: enyanya z'okubul'obwemere kwenyu. nbabwirir'omukuli, nkamugwerh'obwemere nka mburho y'eharadali(sinapi) nji mwabwir'eyintondo rhengah'oje elira munda, enagende; ntacho nji chirhabagalikira. ²¹ Alikw'echishwasi chiri nkechi chirhankarhenga buzira mahuno n'oku chishalisa.

²² Achiber'ali alambagir'omu Galilaya Yesu ababwira mpu: Mwen'omuntu ashinganene ahanwe omufune z'abantu; ²³ Nabo nji ba muyirha, n'okulusiku lwakasharhu nja fuka. Bagaya bwenene.

²⁴ Babere bager'Ekapernaumu, abalemaga bajuhis'ago makoli mabiri bashimba Petero, bamubwira mpu: omukulu arha juhaga makoli mabiri?

²⁵ Aderha mpu nechi. babere baj'omunyumpa, Yesu arhangi babwira mpu: gurh'oganizize, Simoni? abami b'egulu banajuhis'ebarati chango ekoli oku bantu bachi, bonin'okubonine, chang'okubahisi(olwahanda).

²⁶ Amubwira mpu: ab'olwahanda. na Yesu amushuza mpu: okuntyo omwan'arharhegekerwe. ²⁷ Aliko, rhumenye rhwankalema rhwabagayisa,(mwababuz'omurhula) gend'omunyanja nene, okabul'esibwe, orhang'oshwez'efi yayinj'oyishanjul'obunu, wabonam'olufuranga, olurhol'onaluhebo enyanya zani nawe.