¹ Abafarisayo n'abasandukayo bashegerera Yesu, mpu bamurhangule, bamuhuna abayerek'echimanyiso ch'omumpingu. ² Yesu abashuza: egolo, mwanaderha: nji byakwira, bulal'empingu guli muduku; ³ Esezi: hayinjib'echidumbi zene, bulal'empingu guli muduku n'omwizimya. Munayinji shubulul'ebye mpingu, murhanamenyer'ebimanyiso byakasanzi. ⁴ Luburho ludarhi lwalonz'ebisomerene; njarhanamuh'ebindi bisomeren'arhali Yona.

⁵ Entumwa, zashabuka zayibirir'okurhol'emigati. ⁶ Yesu ababwira: muchilange munameny'engeso z'abafarisayo n'abasadukayo.

⁷ Entumwa zakengera zonin'okuzonine zaderha: bulala rhurhalirholer'emigati.

⁸ Yesu amenya, aderha: chirhumire mwaganiz'omumwenine, lubaga l'obwemere bugeke bulala murhali rholere migati? ⁹ Muli nka murhagwerhe bwenge, murhanayibukir'emigat'irhano nabihumbi birhano byabantu na rhurhanda rhunga mwalerhaga, ¹⁰ erhali migati mushanvu oku bihumbi bine byabantu na ntonga(chirhiri) zinga mwalerhaga? ¹¹ Gurhe murhayunv'ebiyereker'emigati eyi nabashambaliraga? munameny'engeso z'abafarisayo n'abasadukayo. ¹² Nantyo bameny'oku erhali ngeso yemigati aderhaga mpu bamenye chaliko nyigirizo z'abafarisayo n'abasadukayo.

¹³ Yesu, eyahik'omu chihugo cha Sezari wa Filipo abaz'entumwa zage: Chichi muderhere ind'inde; nyono, mwen'omuntu?

¹⁴ Bashuza: baguma baderha oli Yohana mudubisi; abandi, Eliya; abandi, Yeremiya chango muguma w'abalebi.

¹⁵ Nenyu, aderha, gurhe muderher'okunyono?

¹⁶ Simoni Petero amushuza: we Kristu, mugala wa Nyamuzinda.

¹⁷ Yesu ashubirir'omwazi, aderha: oli munyaragi, Simoni, mwene Yona; bulala gurhali mubiri n'omuko gukufunulir'ebyo s'aliko darh'oli omumpingu. ¹⁸ Nani, namakubwira: we Petero, n'okubale nji nayumbak'eshengero lyni, n'emiryango y'ekuzimu erhakakuhima. ¹⁹ Nji naguh'oluchingulo l'obwami bwe mpingu: ebiwashweker'okugulu nji wabishwek'omimpingu n'ebiwashwekwir'omugulu nji bya shwekulw'omumpingu. ²⁰ Nantyo akomerez'entumwa nta muntu oderhag'okwaliri Kristu.

²¹ Nago mango Yesu arhonder'okumenyes'entumwa zage oku bihunir'aj'e'Yerusalemu, alibuzibwe bwenene n'abagula n'abandisi; n'abashamuka b'ehano; afe, olusiku lwa kasharhu afuka.

²² Petero, ayunva ntyo amukema, n'okuderha, Nyamuzinda, Nahano ebyo nji birharhuhikira.

²³ Aliko Yesu, ahindamuka, aderha Petero j'enyuma zani lusifero(shetani), ntengako; bulal'enkengero zawe zirhali nkengero za Nyamuzinda, s'aliko z'abantu. ²⁴ Nantyo Yesu abwir'entumwa zage nk'omuntw'alonz'okuja hofi nani, achilahire yenyine ahek'omusalaba gwage, ana mukulikire. ²⁵ Bulal'owalonz'okuchungul'akalamo kage nj'akaheza, s'alik'owagahez'enyanya zani nj'akabona. ²⁶ Bichi bikwanen'omuntu kuba mwami w'egulu lyoshi, eri akahez'omuka gwage? n'oguh'omuntu y'ahindamul'omuka gwage. ²⁷ Bulala mwen'omuntu ayinj'omubukuze bwa Darha haguma na ba Malayika; nantyo bahemba ngasi muntu oku bijiro byage. ²⁸ Mbabwir'okuli bagum'omumwabo barhakabon'olufu kuhik'amango mwen'omuntu ayinj'omubwami bwage.