¹ Amango Yesu amalaga kubwir'entumwa zag'ekumi n'ebiri, arhengaho, kuyigiriza n'okuyalagaz'omwazi gwinja omu chihogo. ² Namango Yohane ayunvaga baderha ebisomerene bya Kristu omu mpamiko arhum'entumwa zage: ³ Woyo we wayinjire, chango rhulig'owindi?

⁴ Yesu ashuza: Mugende mubwire Yohane emyazi mwayunvirhe ne yimwabwene: ⁵ Empumi yizabona, n'ebilema yibyalambagira, abebibenzi Yibashukululwa, n'abebihuli yi bayunva n'emifu ya fukire n'omwazi gomurhula yi gwayalagazwa okubakene. ⁶ Eragi oyol'orhankagayisibwa nani.

⁷ Babere bachigendera, Yesu arhonderha okubwir'olubaga enyanya za Yohane: Bichi mwajagi lola omu Pinga? olusheke luli lwaduganya n'omuhusi? ⁸ Aliko bichi mwajaga lola? Omuntu oyamber'emishangi y'echichiro? mulole, abantu bemishangi y'echichiro bali omu mwa mwami. ⁹ Chichi mwajagi lola? Omulebi? Nechi, mbabwirere mwabo, n'omukulu kulusha omulebi. ¹⁰ Oyu yolala bayandikag'enyanya zage: lola, namarhuma Endabi yani emalanga mbere gawe, gurhegany'enjira yaw'embere zawe. ¹¹ Okuli mbabwirire, omukagarhi k'ababurhirwe n'omukazi ntaye mukulu kulusha Yohana mubatiza: ¹² Omudorh'omu bwami bw'empingu yemukulu kumulusha. kurheng'omusiku za Yohana mubatiza kuhika zene, obwami bw'empingu bwachikanyi na baherhi emisi baburhola. ¹³ Bulala abalebi boshi na marhegeko baleba kuhik'amango ga Yohana. ¹⁴ Nakaba mwalonza mumuyunve oyu ye Eliya oli ayinja. ¹⁵ Oherhe amarhwiri g'okuyunva, ayunve. ¹⁶ Nde njinashushanya olu luburhwa? lushushanyizwe nkabana bayiker'omusoko bali balib'aderha n'abandi bana. ¹⁷ Baderha rhwalibazihir'omulizi murhana zinaga, rhwabayimpir'enyimpo z'emishibo murhana jirag'emishibo.

¹⁸ Bulala Yohana ayinjaga arhalyaga arhananywaga baderha mpu: aherhe omuzimu. ¹⁹ Mwen'omuntu ayinjire alya, ananywa, nabo baderha: Mudambi, mulalu mira wa bafisirha na bantu bakalamo kabi. Alik'oborhere bwage bwachimenyesa kugerer'okurhwasi rhwage.

²⁰ Nanty'arhondera kukalihira ebishagala emund'ajiraga ebisomerene byage binene, bulala barhahungamaga. ²¹ Buhanya bwawe Korazini! Buhanya bwawe, Bethsaida! bulala, ebisomerene byajirikene ahagarhi kenyu nkabyajirikanaga omu Tiro n'omu Sidona, singa mira bahungamire, bayamber'ebigunira n'okuchishig'oluvu. ²² Chechirhumire nababwira: olusiku l'ogucha olubanja, Tiro na Sidona bechirwe bugeke kubalusha. ²³ Nawe, kapernaum, nkanji wazamulwa kuger'Empingu? Nanga. Njiwayandagazwa kuger'ekuzimu; bulala nkebisomerene byajirwagw'ahakagarhi kawe nkabyajirwaga omu Sodomu hing'echibaho kugera zene. ²⁴ Chechirhumire mbabwirire olusiku lolubanja, echihugo che Sodomu njichahanwa bugeke kukulusha.

²⁵ Nago mango Yesu arhol'echinw'aderha: Nkukuzize, Darha, Nahano w'empingu n'egulu, omu kubish'ebibintu oku birhonzi n'oku banyabwenge, wabifunulira oku bana. ²⁶ Nechi, Darha, nkukuzize bula ntyo kuwalilonzenze. ²⁷ Ebintu byoshi nabihabirwe na Darha na ntaye oyinji omugala, aliko Darha yenine. Na nta muntu oyinji Darha s'alik'omugala, n'oku y'omugala alonzize okufunulira. ²⁸ Muyinj'emwani mweshi mwe murhamire. muna zidoherwe bahumuse. ²⁹ Murhol'omuzigo gwani, mushimbulire n'enyigirizo Zani, bulala ndi mutudu na mwirhonzi w'omurhima; yimubon'okuluhuka omu mirhama yenyu. ³⁰ Bulala, entimanya yani eri ntudu n'omuzigo gwani guyanguhire.