¹ Kandi ahamagala abigirizwa bag' ekumi na babiri abahobulenga njira bw'okukul' abazimu n'okufumy' endwala zangasi lubero n' obuzamba. ² Aga gamazino g'abigirizwa bag' ekumi na babiri: Omurhanzi, Simoni ohamagalwa Petero, n'omulumuna Andrea; Yakobo mwene Zebedayo na mwenewabo Yohana, ³ Filipo na Bartolomayo; Tomasi na Matayo mufurhisa w'ebarati; Yakobo mwene Alfayo na Tadeyo; ⁴ Simoni Mukananayo na Yuda Iskariote wahanaga Yesu.

⁵ Ab'ekumi na babiri Yesu abarhuma abaha erhegeko: murhagerag'omunjira y' abapagani, murhanajaga omuchishagala ch'abasamaria; ⁶ S'aliko muj'emwebibuzi by'aherere by'enyumpa ya Israheli. ⁷ Mugende, muyigirize, muderhe: Obwami bw'empingu buli hofi. ⁸ Mufumye abalwala, muful'abafire, mukomy'ababenzi, mukul'ebishwasi; mwahabirw'oku busha, muhan'oku busha. ⁹ Murharholaga chiro n'ehoro, chiro n'efranga, chiro n'omulinga omu mikandara yenyu; ¹⁰ Chiro n'eshaho omu lubalamo, chiro mishangi'biri, chir'ebirato, chiro agarhi; bulal' omukozi ashinganene akalyo kage. ¹¹ Ebishagala byoshi mwajamo, mudosereze nd'oshinganene; nantyo muber'ahamwage kuhik' amango mwarhengaho. ¹² Han'omujamo mulamuse. ¹³ N'enyumpa ekwanene omurhula gwenyu gujemo; aliko ekaba erhakwaanene omurhula gwenyu gubagalukire. ¹⁴ Amango barhabayegereze, nkabarhayunviriz'emyazi yenyu muhuluke mweyo nyumpa, changwa mwecho chishagala, munakungurh'akachulo oku magulu genyu. ¹⁵ Okuli mbabwirire: olusiku l'okuch'emanja, echihugo ch'e Sodomo n'e'Gomora nji chalibuzwa bugeke kulush'echo chishagala.

¹⁶ Lola mbarhumire nka bibuzi ahagarhi k'orhunyamangiri; mube n'obwenge nkanjoka na batudu nkanguku. ¹⁷ Muchilange n'abantu; bulala nji babajisa lubanja n'oku bashurh'orhurhi omu bishagala byabo. ¹⁸ Nji mwahekwa oku barhambo n'abami enyanya lyani, okuba buhamiriz'emwabo n'oku bapagani. ¹⁹ Alik'amango bamabaheka, murhalagaga okubimwakaderha, bulala mwayinji habw'echimwaderha mwako gasanzi. ²⁰ Bulal'arhali mwemwaderha s'aliko Muka gwa y'Isho nji waderha omu mwabo. ²¹ N'omuntu nj'ahana mwene wabo mpu ayirhwe, n' omubusi omwana wage, abana nji balwis'ababusi n'okubayirhisa. ²² Nji mwagaywa na boshi enyanya w'ezino lyani; alik'olala nji wachihangana kuger'obuzinda nja chunguka. ²³ Amango bamabahiga omuchishagala mulibirhire omu chindi. Mbabwirir'okuli murhakamal'ebishagala byoshi bye Israeli nk'omwana w'Omuntu arhanayinja.

²⁴ Omwigirizw'arhali mukulu kulush' omwigiriza wage changw'omukozi arhankalusha nawabo. ²⁵ Kulikwinja omw'igirizwa abe nka mw'igiriza wage n'omukozi abe nka Nahamwabo. Akaba bayirikaga nyin'enju Beelzebuli, kanga barhayirika ntyo abandu b'omunju yage; ²⁶ Nantyo rhurhabayubahaga; bulala nta chintu chibishirwe chirhakwanene okubonekana, changw'ehwe lirhakwanene ukumenyikana. ²⁷ Ebi mbabwirire omu mwizimya mubiderhe omu buchere; n'ebi mubwirirwe omugurhwiri mubiyamagizize okulurhwe l'wenju. ²⁸ Murhayubahaga abakayirh'omubiri barhakanayirh'omurhima; aliko muyubahe olala wakayirha omurhima n'omubiri omu jehenamu. ²⁹ Ka barhaguza nyunyi ebiri ku lufaranga luguma, chechirhumire chiro n'enguma erhangarhoga ukudaho buzira bulonza bwa y'Isho. ³⁰ Na chiro emviri z'okwirhwe lyenyu zoshi ziganjirwe. ³¹ Murhayubahaga: mugwerhe akachiro kanene kulush'enyunyi. ³² Aliko omuntu yeshi nji wandahira embere z'abantu, nani nji namulahira embere za Darha oli mpingu. ³³ Aliko omuntu yeshi wandahira embere z'abantu, nani nji namulahira embere za darha oli empingu

³⁴ Murhakengeraga oku nayinjaga lerha omurhula omu gulu, nanga! Ntayinjagi lerha murhula, aliko mupanga. ³⁵ Bulala nayinjaga kushombanya omuntu n'eshe, n'omunyere na nina, n'eshazala n'omuhunga;

³⁶ abashombanyi b'omuntu bali bw'omu mwage. ³⁷ Osima eshe chango nina kundesha nyono, arhashinganene; chango osima omugala chango omwali kundusha nyono, arhanshinganene. ³⁸ Chango omuntu orhahekere omusalaba gwage aka nkulikira, arhanshinganene. ³⁹ Osima akalamo kage ana kaheza, naye wa kaheza enyanya zani nja kabona.

⁴⁰ Owayankirira mwabo, anyankirire nyono, naye wanyankirire nyono, ayankirire owantumaga. ⁴¹ Owayankirire omulebi okwenge ali mulebi, ahabwa oluhembo l'omulebi; n'olala wayankirira omunya kuli okwenge ali munya kuli, ahabwa oluhembo l'omunya kuli. ⁴² N'omuntu yeshi nji wanywesamuguma w'omwaba badorho engumbu y'amenji g'emboho, okwenge bigirizwa, kweri, mba bwirire, njilurhahera chiro oluhembo lwage.