¹ Inyi ko rrutoro katua lo ttigol, ko rringita, ko goruno katua lo sitï nenge to ken. ² Naha, tinya, icieng ko yauno iyo inyi tungani kamualani, o geto iyo kigetit: naha Yesu deya kiruk necieng ko jimitan iyo na kamualani; kito, to kwama; lo launo kipalipali ku nino.

³ Naha, tinya, lobo kageroni ko jimitan to kiji necieng, i bblasfeminga ene lerok. ⁴ Naha Yesu yenun kiiyo necieng ko jimitan, Nyo i iiyo ite kula i rrohori to taulo ku ningi? ⁵ Hati ani lo tanga, jimitan, lo launo kipalipali ku nino; kode jimitan, to woju, i lot? ⁶ Oto o jirr ba ite i yen jimitan o ngönore kito lo tungani golun ene kov lo launo kipal, (ko jimitan iyo na kamualani) To woju, to dumu kigetit nino, i lö hati kaji nino. ⁷ Inyi ko wojuno, ko loro nenge. ⁸ oto ojo ilulung o deu ji, i pany icieng, ko ki ti kwatati Lobbanga, na li cö na golun iyo coo ⁹ Ojo Yesu lo rringe to ija, inyi ko deuno lobo tungani, o bara Matiu: i tongo sofore lo mucoro: ko jimitan iyo inyi, ki jiv nan. Ko wojuno, ko ki jiva inyi.

¹⁰ Olotu i ten, iya na li tongohino Yesu daha katua lo kaji, tinya, kasovok kulo mucoro becek ko kapalak ko fuonuno ki tongohino kov ko inyi ko kalihitak ku nenge. ¹¹ Ojo Farisihin o deuni ji, icieng ko jimitan iyo kalihitak ku nenge o jö, Nyo Katiyenani ningi o daha ko kasovok kulo mucoro ko kapalak?

¹² Oto ojo Yesu o ningu ji, inyi ko jimitan iyo icieng, i da kuna lo tawahi kenite o wak kabuani, oto hati a ra kamuak. ¹³ I fuo rre i gigiloto na tenya, a balahi ca nan, i da hati a sakrifaisinga: to nyo i da a lotu ki lolongo kijirak, oto hati kapalak o jirr irruoti.

¹⁴ Naha ka lihitak kulo Jön ko fuonuno iyo inyi, o jimi, Nyo ohoi ko Farisihin ki diha kinga, kalihitak hati ku nino i da o dihati kinga?

¹⁵ Yesu ko jimitan iyo icieng, ngo tum rre morot kulo lateran ki töyo, lateran necieng hati o ngön ko icieng? Oto o goru mute farritin, kuna lo rrujororehin lateran necieng, o dihare hati icieng kinga. ¹⁶ Orru tungani lo duanya kiela ngejuk iyo gomsi o ngöre, tonyo i piho inyi na ngejuk lo duanyahini na gomsi o ngore, o sodo hati ddong cirra. ¹⁷ I da kileng coo o fihahita wain ngejuk iyo wainskin o ngöre: ngo ttuaja na wainskin, na wain ko ki tiharu, kuna wainskins ko muraru: oto o fihahitati wain ngejuk iyo wainskin ngejuho, o jirr o rricuno fad."

¹⁸ orihe inyi o tenya kuna tenyitenyi iyo icieng, tinya, o lotu lobo lokotorok, ko ki wora inyi, o jö, lo wei kileng kito-karioni nitole: hati ou to tirr inyi to kana nino, inyi ca ko warun. ¹⁹ Yesu ko wojuno, ko ki jiva inyi, na manyu kalihitak ku nenge.

²⁰ Naha, tinya, ngorrwani, na lo muai iyavyav karihin tomon ko are, ko lotuno to Koruong nenge, ko tiro hem lo kiela nenge. ²¹ Oto o jö lolilime, ojo nga tirr hati ba kutuk lo kiela nenge, ngo jirr ken nei fad.

²² Oto Yesu ko ki belo madihorr, ojo inyi o deu inyi, inyi ko jimitan, kito-karioni, i ngohi tau to kwe; li co kiruk nino isi i tuba. Naha na ngorruani ko jiran na ttik. ²³ Ojo Yesu o goru kaji lo na lokotorok, ko deuno minsttreli ko coo i gogoritati, ²⁴ Ko jimitan iyo icieng, i sarrata: tonyo i da ene kito-karioni lo wei, oto o geto. Icieng ko kwenitare inyi lo kitikaja. ²⁵ Ojo li ti sarrari coo oleng, ini ko rrutoro, ko teho inyi to kana, na kito-karioni ko wojuno. ²⁶ Na kwatun ko ki goruno oleng iyo kovikovi fad.

²⁷ Ojo Yesu lo lö to ija, coo kangodok are ko ki jiva inyi, i cirati, o jimi, kito lo Ddavid i balahi ohoi.

²⁸ Ojo inyi lo goru katua lo kaji, ku na coo kangodok are ko fuonuno iyo inyi: Yesu ko jimitan iyo icieng, i ruk ite i jö a tum nan ki ttiyo ji? O jö icieng iyo inyi, ibo, Lahitok.

²⁹ Naha inyi ko tiro konyeha ku necieng, o jö, iya na ki ruk ningi i ngohi i ttiyohino ji. ³⁰ konyeha ku necieng, ko ngaja; Yesu ko ciha icieng rrikrrik, o jö, ke co tungani o yen. ³¹ Oto icieng, la ngun lo fuori, ko ki ti kuata na tenya oleng katua lo na kov fad.

³² Ojo icieng lo fuo oleng, tinya, icieng ko ki yauno iyo inyi tungani katulani na lo daha mininga. ³³ ojo ku na mininga li ruat, na tungani katulani ko tenya: naha ilulung ko ki pany, o jimi, I da ngun lo botore ji katua lo Israel.

³⁴ Oto farisihin o jö, o mirita inyi cien to lahitok lo cienicieni".

³⁵ Naha Yesu ko ki lora sittihin ko kangite pili, i ti yena sinagogi ku necieng, i titima tenyitenyi kulo Okabue, ko ki ti furioro tteke mejun ko tteke muai iyo coo. ³⁶ oto ojo inyi o deu i lulungi, i codu inyi icieng, to na li feinttingare icieng, na manyu i ti sarrihini oleng, iya kerra ku na lo rrujororehin katibalani. ³⁷ Naha inyi ko jimitan iyo kalihitak ku nenge, i bas dengo noo dede, oto i kutting kakitiak; ³⁸ ilivahiti ha Lahitok lo dengo, o jirr inyi o son kakitiak iyo dengo.