¹ Ojo inyi li lolongu kalihitak ku nenge tomon ko are, i corahi inyi icieng golun lo lanyuno cienicieni, lo ki ti joho icieng oleng, ko ki ti furioro ikodit lo mejun lo ken fad ko muaimuai fad. ² Naha karanico kulo ku na jayona tomon ko are kuno; Na li tem, Saimon, na lo jimi Pitta, ko Anddru rrece nenge; Jemis kito lo Zebbeddi, ko Jön rrece nenge; ³ Pilip, ko Batolomeu; Tomas, ko Matiu kasovoni lo mucoro; Jemis kito lo Alfeas, ko Lebbeas, na lo bara karani lo ngamang Taddeas; ⁴ Saimon Kananani, ko Juddas Iskariot na manyu li tob inyi.

⁵ kuno tomon ko are o son Yesu, ko ciha icieng, o jo, ke jiv kikoi lo misok, ko tteke sitti lo Samarittan ke goru: ⁶ oto hati i fuo iyo kerra kulo kaji lo Israel kuna li bunye. ⁷ Ko li fuoro, i titimata, i jo, lo goru Okabue lo Iddi-kai. ⁸ Iti jirata kamuak, iti furiete ddobbu, i ti buhuti kaweyak, i ti johoto cienicieni: lo jia i rrumu ite, jia a cuara nan. ⁹ Ke gomahi ddab, kileng silva, kileng bbras to ogogorr ningi. ¹⁰ Kode kicaa lo owele, kileng kottihin are, kileng kamuha, kileng col: Tonyo ocam kattiyoni daha. ¹¹ Na manyu iyo tteke sitti kode ttaun li goru ca ite, i tiviuti ngai to ija lo cam; i tawa hati ija many i woju to ija. ¹² Ko li goru ite lobo kaji, i ti fony. ¹³ ko lo cam kaji nenge, i ngohi yomo ningi o ngön ija: oto ke li da o cam, i nyahete yomo ningi. ¹⁴ Naha tteke na li da i jolu ite, kode o ning tenya ningi, ko li ngerihi nu kaji kode sitti, i ti ttengahiti furr lo kejuha ku ningi. ¹⁵ Rrikrrik a jo nan iyo, i yak mute iyo kov lo Soddom ko Gomora iyo farr lo lokiho, o gal lo nu sitti.

¹⁶ Naha, A hi sona nan ite iya kerra kiji lo lowoho, i ti geterr iya muniok, i siliban iya kurrihin. ¹⁷ oto i ti geny ha coo: tonyo i tob ca icieng ite iyo nyamparahin, na manyu ki liwarehin ca ite iyo Sinagogi ku necieng; ¹⁸ Na manyu ki yauni ca ite iyo Currukalihin ko kabuno to nan, to i totorr la i rrohoi iyo icieng ko kuna misok. ¹⁹ Oto ko li nievari ite, ke iiyo aja kode nyo ngi teny ite: tonyo ki cuari ca ite inyi nu ttik nyo ngi teny ite. ²⁰ Tonyo i da a ra ite li tenya, oto a ra Okorif lo Apa ningi lo tenya to ite. ²¹ Iti fade mute rrece rrece, manyu apa kito: te o detohino monyeri, i ti fadi manyu. ²² i heittingi ca ite iyo coo fad to karani nei: oto o tavi ca inyi na lo dihu many iyo lohicungi. ²³ Oto ko li ti liwa ite iyo ene sitti, i firrioto iyo lobo: rrirrik a jo nan iyo ite, I da ca i dotu kilorita sittihin kulo Israel pili, many o yitu kito lo tungani.

²⁴ Ida kalihitani o gal Katiyenani nenge, kode kattiyoni o gal lahitok nenge. ²⁵ Otumohino iyo kalihitani rijon ko Katiyenani nenge, manyu kattiyoni ko lahitok nenge. Ko li lolongi rre monye lo kang ojo Bbelzebbub, adi hati ca coo kulo na kang ba! ²⁶ Hati ke bang icieng: o rru lobo toi lo moni, na li da ca i letuni; manyu i duhahini, na ca li da o yenuno. ²⁷ na la tulohi nan ite lomutohe, o tenya iyo wangun: ko na li ning ite to kiok, i ttedo iyo kueci kulo kajihit kititima. ²⁸ Manyu ke bang icieng kuna li fada ken, oto I da o tumiti ki fada tau (soul): oto i ti bang inyi na lo tum cahahino tau ko ken fad to hel(hell). ²⁹ I da rre i ti loti [sparrows] are to lo (farthering) bito? I da many ca lobito o dohi kov o rru apa ningi. ³⁰ oto li kena fovi kulo kueci ku ningi fad. ³¹ Hati ke bangiti, o gol wel ningi o gal [sparrows] becek. ³² Ddong inyi na lehi letu nan ketemoni lo coo, a letu manyu mute nan inyi ketemoni lo apa nitole na lo ngön idi-kai ³³ oto tteke lobo na lo mon nan ketemoni lo coo, a mon manyu mute nan inyi ketemoni lo apa nitole na lo ngön idi-kai.

³⁴ Ke iiyo i jo a culu nan yomo ene kov: i da nan a culuno yomo, oto [sword]. ³⁵ Tonyo a lotu nan ki ti rremo tungani ko monye, manyu kito-karioni ko ngotenge, ko kakanyi (daughter-in-law) o jirr i ngerremaru ko kakanyi (mother-in-law) nenge

³⁶ na manyu merok kulo tungani ca coo kulo kaji nenge to ken. ³⁷ Ida inyi na li maru monye ko ngotenge o gal nan o cam to nan: Ojo manyu inyi na li maru kito-rretoni ko kito-karioni o gal nan i da o cam to nan. ³⁸ Ko inyi na li da o tek kurruce nenge, ko jiva o mot nei, i da ocam to nan. ³⁹ Na lo rrumu warun nenge i ti rri ca: naha na li ti rri warun nenge to nan orrumahi ca.

⁴⁰ Na li jolu isi ki jolu nan, ko na li fotu nan i fotu inyi na lehi culu nan. ⁴¹ Na li fotu kaduarani to jimitan a ra kaduarani o rrumu kigoma lo kaduarani; manyu inyi na li fotu kajirani (righteous man) to jimitan a ra kajirani o rrumu kigoma lo kajirani. ⁴² Ojo tteke na ca li co iyo lobo iyo kuno sidiha icoli lo kivi kuna i robiha to jimitan a ra kalihitani, rrikrrik a jo nan iyo ite, ngi da ca inyi to genyun o ngotohi kigoma nenge.