¹ Ko lotuno afa i ten, la ngun lo kerrihi Yesu ciha kuna kalihitak ku nenge tomon ko are, ko johoro (departed) to ija lo kitiyena ko kititima iyo sittihin ku necieng. ² Ojo lo lotu Jon o ning to sigin(prison) tticittici kulo Kristo, ko sona kalihitak ku nenge are, ³ ko jimitan iyo inyi, i ra isi inyi na ca lo jirr o lotu, kode ki tak lobo?"

⁴ I fotu Yesu ko jimitan iyo icieng, i fuo i totorrohiti iyo Jon ari kunu sangite li ningunta ite i deunta manyu: ⁵ o deya kangodok, kangurrak manyu o lot, coo kulo ddobbu i ti nyuji, ko katuhok o ningo, i ti buhuni kaweyak, ko ikadahi i titimahini manyu tenya (gospel) iyo icieng. ⁶ o ngönore manyu inyi gum, tteke na li da i longojitare nan.

⁷ ojo icieng lo rring, Yesu ko ki caha tenya iyo ilulung tenya lo Jon, nyo i fuo ite kuny deya? Gerrecati na li ti nienienga kuyama? ⁸ oto nyo i fuo oleng deya? Tungani na li cief kielani kuna i munyahi? Hati manyu, o ngöni kacievitak kulo kielani kuna i munyahi kaji lo kabu. ⁹ Oto nyo i fuo ite oleng deya? Kaduarani? Ibo, a jo nan iyo ite, o gal manyu Kaduarani. ¹⁰ Tonyo inyi ene, lafa li geri, Naha, a culu nan jayo (messenger) nei ketemoni ningi, na ca li i kukumahi, kikoi ketemoni ningi. ¹¹ rrikrrik a jo nan iyo ite, To kiji lo kuna lo tomonu ngoruo o rihe lobo lo woju o gal Jon Kabbatisani o rru: hati inyi na li sidi noo to okabue o gal inyi. ¹² To farritin kulo Jon Kabbatisani ko jija o rrumu okabue lo Idi-kai [violence], orruju kangerejani to golun. ¹³ Iyo kaduarak pili ko cik na li lami (prophesied) many iyo Jon ¹⁴ Ko li rrumu isi, Elaija bo ene, na o rrumu lo lotuno. ¹⁵ Na lo ngönore kioha kulo ningo, i ngohi to ning. ¹⁶ Oto ko nyo ba nga ti ririhi nan ene [generation]? O ri mejo iyo te kuna li tongo katua lo cuhi(markets), i ti lolongoti hati kaletok, ¹⁷ ojimi lehi kutahi ohoi omilere iyo ite, ite hati i da i kie; lehi toya ohoi to ite, ite hati i da i lelia (lamented).

¹⁸ Tonyo olotu Jon i da odaha kode omata, icieng ojo, ongönore inyi cien/mininga (demon). ¹⁹ Olotu kito lo tungani o dahita o matita manyu, icieng ojo, to de tungani kangarujoni, ara karrumani manyu, morrte lo kasovok kulo mucoro ko kapalak. Oto otenu lofiero iyo te ku nenge.

²⁰ Naha inyi ko ki caha ki momodore sittihin kuna li ttiyohino becek lo tticittici ku nenge, jimitan i da icieng i rrwoti: ²¹ I rran ite, [Chorazin]! I rran ite, Bettsaida, Ngara i ttii na ttic i bolo, li ttii orrumu iyo ite, i ttii iyo ttaya ko Soddom, ji icieng li rwoti many afa to kirie (sack cloth) ko ingula. ²² Oto a jo nan iyo ite, o yiak ca iyo ttaya ko Siddon iyo farr lo lokiho, o gal ite. ²³ Isi manyu Kapanaum, na lo kuat many Idi-kai, li cena ite: ngara i ttii kuna tticittici hitoha li iyo ite iyo Soddom, ji osio ko jija. ²⁴ Oto a jo nan iyo ite, oyiak ca iyo kov lo Soddom iyo farr lo lokiho, ogal ite."

²⁵ Nu ttik Yesu ko ki fotuno o jo, kwama, Apa, Lahitok lo Idi-kai ko kov, tonyo i duhe isi kuno sangite iyo kagenyak ko kageterok, i ti totorrohi hati icieng iyo idoleha. ²⁶ Kileng ji apa: tonyo o ri mejo o jirr to deya nino. ²⁷ I cuari iyo nan sangite fad kulo Apa nei, o rru hati tungani lo yen kito, Apa ake; o rru manyu lobo tungani lo yen Apa, maak Kito, ko inyi na li totorrohi kito. ²⁸ Ifuonu iyo nan, ite pili kuna li gima, a co nan ite i yoma ²⁹ iyuho terr nei, inianga manyu nan; a siliban nan i robi manyu tau: ite kileng ko rrumuno kiyooma iyo taulo ku ningi. ³⁰ Otanga terr nei, na manyu [burden] nei o tawak.