¹ Oto Okorif o rihe Yesu iya kuny o jir Sitan o lab inyi. ² La ngun li tong inyi kinga faritin keek ongon ko karuehin keek ongon, oto kinga onya inyi. ³ Oto kalabani o lotu diho inyi ojo, "ka li ra isi kito lo Lobanga, iti lulue kunu morrutok a ra tava"

⁴ Inyahahi Yesu ojo igero ojo, ida tungani owar to tava ake hati to tenya pili na lo lotu to kutuk lo Lobanga.

⁵ Oto Sitan i yaru inyi na Iyu o tedohi inyi olele lo tempol, ko jimitan diho inyi, ⁶ "Ka li ra isi kito lo Lobanga to dou ten. To nyo igero ojo; ocik ca inyi malaika kunenge to isi ati ki ting ca icieng isi to kac kunecieng ojir isi i da i tangahi keju nino iyo moru".

⁷ Ifotu Yesu ojo, Igerro manyu ojo keti lab Lahitok Lobanga nino.

⁸ A ri i yaru Sitan inyi donge na i karit ko ki totorihino inyi okabuehin kulo kov fad ko duarrujon necieng. ⁹ Ko jimitan, "kuno fad a i co ca nan isi ka li gung isi kov tana nan".

¹⁰ Yesu ko jimitan, ilö ten iyo nan Sitan. Tonyo igero ojo "Iworra Lahitok Lobanga nino manyu i tiyo inyi ake.

¹¹ Tinya, Sitan ko ngerrihino inyi ofuonunorre hati malaikahinm kirwa inyi.

¹² Ojo Yesu lo ningu ojo lo torrahini Jon mabus, inyi ko loro Galile. ¹³ Oring to Nazaret, ko lotuno manya many Kapanaum na lo ngön kutuk lo nam iyo kov lo Zebulun ko Naptali. ¹⁴ lo kiti futa tenya lafa lo teny kamoconi Isaya ojo: ¹⁷ Ki caha to na far iya ketemoni i fura Yesu: I rwoti tonyo lo nyihu Okabue lo Kai. ¹⁸ Ka lo lot Yesu to tode lo nam lo Galile, o deu referral arre; Saimon na lo barra Pita ko rece Andru i birrohinoti bwai katua lo nam tonyo a ra icieng kaniefak kulo kayam. ¹⁹ Inyi ko jimitan iyo icieng, i jivata nan o jir nan manyu ati rak ite a ra kaniefak kulo cio. ²⁰ Icieng ko runya ngerihino bwai kunecieng, ko ki jiva inyi. ²¹ Loro lobo gaa ketemoni, odeu kude recerra arre, Jemis ko rece, tee kullo Zebedi to katua lo tigol ko Zebedi apa necieng, i kukumati bwaihin; ko ki lolongo icieng. ²² Na tik icieng ko ngerihino na tigol ko apa necieng, ko ki jiva inyi.

²³ Naha Yesu ko ki lora kov lo Galile fad, i tiyena lotubarehin kunecieng, i titima manyu nayomit na i jir lo Okabue lo Lobanga iti furio manyu muaita pili ko johijohi to kenite kulo cio. ²⁴ Nayomit lo tic nenge ko ki sarihino kov lo Siria fad ko ki yaunoti diho inyi cio pili kuna lo muaiha johijohi gelegele ko cio becek kuna li borio mejun lo kenite, kude kuna lo ngön ko lodonyok ko kuna lomuai lohidehide ko kangwalak iti furie inyi icieng fad. ²⁵ Ilulung lo cio kuna lo fuonu to Galile, Dekapolis, Jerrusalem, Judea ko kovikovi kuna lo ngön tode ko tode lo lo Jordan 🇯🇴 difita omot nenge.