¹ To kunu farritin o lotu Jon Kabbatisani kuny lo Juddea ² ati i titima o jo "i rrwoti tonyo lo nyihu okabue lo kai" ³ inyi lafa lo teny kamoconi Aisaia ojo: "I lolongo ogoro lo lobo lo kuny, i kukumata kikoi lo Lahitok, i ti birrata kikohin ku nenge."

⁴ I cefita orrumu Jon kyelani kulo fovi kulo lonaga, o torr komoc to gas lo kiyeni. Odaha afa inyi [locust] ko otoro. ⁵ Ofuo cio iyo inyi to Jerusalem ko Juddea fad ko kovikovi kuna lo ngöni Joddan. ⁶ Oto i letoti palipali ku necieng i bbattisa inyi icieng katua lo kare lo Joddan. ⁷ Ojo o deu Parisihin ko Saddiusihin o fuonuno o jirr manyu ki bbattisi, ko jimitan iyo icieng, "ite tee kulo ibhoyohin, ngai lehi sony ite o jo i to fur to kilongo na lo lotuno? ⁸ I tongi ha ngak kuna li totoro kileto. ⁹ Manyu ke fuo ki iiyo ake ake jimitan, "ohoi lotataha kulo Abraham" a rihohi nan ite a jo o tum Lobanga ki tululuoro kuno morutok a ra lotataha kulo Abraham. ¹⁰ Lo ngön rafal kerda kulo canitok; ati canitok pili kuna li da ongi ngahi kuna i jirri o ngodari ca i birrohoni kimatarre". ¹¹ A batisa nan ite to kivi to kileto lo kipalipali, ati kifwongi o ngön na li jufuno, na i gol ki gal nan na li da nan a tum tehita kamuha kunenge inyi li batisa ite to Okorif na Inyu ko kima manyu. ¹² O ngönore irrite kana nenge o fie ca inyi kilongoni nenge iti jirare ngamang kunenge o fik dero ojo ingarum o cur to kima na li da iti dunyuno.'

¹³ Tinyi o lotu Yesu to Galile iya Jodan o wak o jir Jon ki batis inyi. ¹⁴ Ati o tem Jon ki belo kiiyo nenge o jo, "o cam a ra nan la lotu diho isi ki batisa, ngi lotuno hati isi iyo nan? ¹⁵ I nyahahi Yesu o jo, "I ngohi to a ra ji jija, o cam iyo ohoi ki tiyo ji kiti futatarre nyujon/biran". Jon ko ki ruk. ¹⁶ La ngun li batisi Yesu inyi ko rutuno to katua lo kare. Tona tik, kai ko ngaja, inyi ko deuno Okorif lo Lobanga i culuno iya kuri ko dohino diho inyi. ¹⁷ oto ogorro to kai ko jimitan, "kito litole ele na liti kwerra tau nei."