¹ La ngun lo tumoni Yesu Kristo to Betelehem, kov lo Judea iyo okabue lo Herod. O fuonu kagenyak to ngati lo Okangere Jerusalem. ² oto i tiviati, "aji o tomonohini kito na lo lotu rahun kabu lo cio kulo Judea? Ki deu ohoi Kangeriti nenge to ngati lo Okangere, ki fuonu ohoi ki wora inyi. ³ Ojo Herod o ning na tenya, oto inyi o rienya ko cio kulo Jerusalem fad. ⁴ La ngun li lolongu inyi kaduarak lohituaha ko katiyenak kulo cik, i tivi icieng ojo, "aji mute o tomonuni Kristo?". ⁵ I fuotu icieng o jo to Betelehem idi Judea. To nyo, i ger kamocani ojo,

⁷ oto Herod ko ki lolongoro kagenyak lolit lo rumunore tik na lo botore Kangeriti iyo icieng. ⁸ Ocule icieng Betelehem ko jimitan, "I fuo i to tak na kito otoc, ko li rumu ite, ki rihohiti nan o jir many nan a lo awor inyi." ⁹ La ngun lo ning icieng tenya lo kabu, icieng ko fuoro kikoi necieng. Oto Kangeriti la ngole lo deu icieng to ngati lo okangere ko riho icieng many faji na lo ngönore kito. ¹⁰ Ojo o deuni Kangeriti okwamati noo. ¹¹ Ojo o rutori kaji o rumuni kito ko ngotenge Meri, icieng ko gungon kov ko ki wora inyi o ngaji bara necieng ko kiyalati inyi to dab, iheru ko otök. ¹² To inya Lobanga ko sonya icieng iyo kitirija o jir icieng i da o yite iyo Herod, icieng ko yitoro kov necieng to lobo kikoi ake.

¹³ La ngun lo fuo kagenyak, o lotu malaika o boto iyo Josef to kitirija ko rihohino inyi o jo, "to wojo, to rweyarore kito ko ngotenge iya Ijip. Tonyio o tahita Herod ene kito lo ki fadaru." ¹⁴ Oto inyi ko wojuno karue ko kiyaru kito ko ngotenge kov lo Ijip, ¹⁵ waji na li tong icieng many wei lo Herod. Oto iti fut lafa tenya lo teny Lahitok to kutuk lo kamuoconi, "to Ijip a lolongu nan kito nitole".

¹⁶ Ko lo deu Herod jimitan lehi labahi kagenyak inyi, oto i longo noo ko kicuara cik lo kifada te rrei kulo karihin are iya kov to Bbetelehem ko kangite kuna lonyiha ija I jivita ttik na lo rrumu inyi iyo kagenyak. ¹⁷ Ko ki iti futa lafa tenya lo teny kamuoconi Jeremaya ojo, ¹⁹ La ngun lo wei Herod, o lotu malaika lo Lahitok oboto iyo Josef to kov lo Ijip ²⁰ oto o jo iyo inyi to woju ko kito ko ngotenge, to yite kov lo Israel tonyo lo wei kulafa li vivida kifada lo kito. ²¹ Inyi ko wojuno ko ki yaruno kito ko ngotenge iya kov lo Israel. ²² o jo inyi o ning o jo Akileo lo lanyu kov lo Judea faji lo monye Herod, oto o bang loro ija to na lo sonyarehin inyi to kitirija ko kingadaru iya ngati lo Galile ²³ ko loro manya taun lo Nazaret. Iti i fut lafa tenya lo teny kamuoconi, "I lolongi mute inyi o jo Nazaretoni."