¹ A ra ene lorëunore lo Yesu Kristo lofavai lo David, lofavai lo Abraham.

² Abraham inyi monye lo Aisak, Aisak monye lo Jakob, Jakob monye lo Juda ko recerra ku nenge.

³ Juda monye lo Peres ko Zera na la ra iyang necieng Tamar. Peres monye lo Heziron, Heziron monye lo Ram.

⁴ Ram monye lo Aminadab, Aminadab monye lo Nason. Nason monye lo Salmon.

⁵ Salmon monye lo Boaz na la ra ngotenge Rahab. Boaz monye lo Obed, na la ra ngotenge Rut. Obed monye lo Jese.

⁶ Oto Jese a ra monye lo kabu David. David monye lo Solomon na la ra ngotenge ngoruani lo Uria.

⁷ Solomon monye lo Rehobom. Rehobom monye lo Abija, Abija monye lo Asa.

⁸ Asa monye lo Jehosapat. Jehosapat monye lo Jeoram. Jeoram monye lo Uzia.

⁹ Uzia monye lo Jotam. Jotam monye lo Ahaz. Ahaz monye lo Hezekia.

¹⁰ Hezekia monye lo Manase. Manase monye lo Amon. Amon monye lo Josia.

¹¹ Oto Josia a ra monye lo Jekonia ko recerra ku nenge to na kari li nievarorehin cio iya Babilon.

¹² To inya Lobanga ko sonya icieng iyo kitirija o jir icieng i da o yite iyo Herod, icieng ko yitoro kov necieng to lobo kikoi ake.

¹³ La ngun lo fuo kagenyak, o lotu malaika o boto iyo Josef to kitirija ko rihohino inyi o jo, "to wojo, to rweyarore kito ko ngotenge iya Ijip. Tonyio o tahita Herod ene kito lo kifadaru."

¹⁴ Oto inyi ko wojuno karue ko kiyaru kito ko ngotenge kov lo Ijip.

¹⁵ waji na li tong icieng many wei lo Herod. Oto iti fut lafa tenya lo teny Lahitok to kutuk lo kamuoconi, "to Ijip a lolongu nan kito nitole"

¹⁶ ko lo deu Herod jimitan lehi labahi kagenyak inyi, oto i longo noo ko kicuara cik lo kifada te rrei kulo karihin are iya kov to Bbetelehem ko kangite kuna lonyiha ija I jivita ttik na lo rrumu inyi iyo kagenyak.

¹⁷ ko ki iti futa lafa tenya lo teny kamuoconi Jeremaya ojo.

¹⁸ oninguno murut to Rrama, murut lo kicira ko kilelia la hitok. Rracel li cira te ku nenge, o beru ko ningo tava to nyo lo kerroroti. ¹⁹ La ngun lo wei Herod, o lotu malaika lo Lahitok o boto iyo Josef to kov lo Ijip ²⁰ oto ojo iyo inyi to woju ko kito ko ngotenge, to yite kov lo Israel tonyo lo wei kulafa li vivida kifada lo kito. ²¹ Inyi ko wojuno ko ki yaruno kito ko ngotenge iya kov lo Israel. ²² I tiihino kuno fad lo kiti futa tenyitenyi kuna lo teny afa Lahitok to kaduarani. ²³ " I fonga ca kito karyoni, o lotu o tomunu kito retoni na mute li lolongi ojo Imanuel jimitan Lobanga ko Ohoi." ²⁴ La ngun lo kwenyu Josef, inyi ko ki tiiyo iya na lo rihohinore malaika inyi ko ki yaruno Meri kang a ra ngoruani nenge. ²⁵ Ati i da i mora ko inyi many o tomonu kito retoni na liti barihi inyi karani, Yesu.