¹ Ovnevaiyeves enyau,kutwon tavnirigi ovon naviat omwisu koupe kwontapmi ovnaviat worokhi ma iror marogi Novu,ra ovon profet namlai kumampe ilat ra nmap. ² Marogi imo kwagkili nokili Naviat en Novu ovnaviat mori omwisu kumagkili ma Iesu Kristu yivelom ra noklesiran iyi marogi Novu, ³ im ovnaviat omwisu mori kutumagkili Iesu iyi tawi ra Novu.Iyi naviat en tetwakayogi Kristu,mori kumurgi ma kampelom,im marima kote su ra nmap. ⁴ Kimi ra Novu,kimipau ovonyan im kutantevakpe irand ra iyi mori kamante irami iyi momu horog momu ra iyi mori kamante ra nmap. ⁵ Iror ra nmap;mompi ma se kumanwi iyi ra nmap im nmap kamandigor. ⁶ Koh ra Novu.Sai meihai mori kamagkili Novu kamandogkoh.Iyi mori tawi ra Novu kotumandogkoh marogi imo kokimlagkili naviat mori tanpo im naviat ra nevror. ⁷ Ovnevaives enyau,kolenelintogkoh,ra nelintogi iyi kamamne ra Novu,im iror mori kumnelintogi iror kumamol ra Novu im mumagkili Novu. ⁸ Iyi mori kotumagkili nelintogi kotumagkili Novu ra Novu iyi nelintogi. ⁹ Ra imo nelintogi en Novu mompi ndusesi pogkam ma kolamurep mlante ra iyi. ¹⁰ Ra imo iyi nelintogi,tawi magku kokimlenelintogi Novu kou ma iyi yelintogkoh,im tamuli Nitni worvelom togosovli ra ovnsat enogkoh. ¹¹ Ovnevaives enyau,nagku Novu yelintogkoh,koh hogku kolenelintogi ravetme. ¹² Tawi hai neteme yokhi Novu hai ndan.Nagku kokimlen nelintogkoh, Novu iyi kamante irant. ¹³ Marogi imo kokimlagkili ma kokimlamurep irant im iyi irant,ra iyi yovogkoh ovon Naviat nogkon eni. ¹⁴ Hogkusu,koklaghi im mlivelom ovnompuvsok wi ma Itmen itamuli Nitni worvelom neiyowar ra nmap. ¹⁵ Mei mori kamagkili ma Iesu iyi Nitni Novu,Novu kamante iran im iyi ra Novu. ¹⁶ Hogkusu,komlokili im mlitavniri gi nelintogi mori Novu yovogkoh.Novu iyi nelintogi,im iyi mori kamante ra nelintogi imo iyi kamante ra Novu,im Novu kamante iran. ¹⁷ Ra imosu nelintogi imo yompi armaiveh irant,ma koklampai ntaru ndomo ra ndan mori nuryan,ra hogkusu iyi kamante,mompi kokimlante ra nmap. ¹⁸ Tawi hai nemetet ra nelintogi koupe,nelintogi armai kamnelehi pelak nemetet ra nemetet iyi hai sesai marogi nurian.Kou iyi mori kamametet ndutwompi armai iyi ra nelintogi. ¹⁹ Kokimlen nelintogi ra Novu yovum melintogkoh. ²⁰ Nagku hai mei hai kamanwi magku,''Yakem nelintogi Novu,''Kou mometum nakayogi aven hai,iyi hai neteme namlai,Ra iyi mori kotum nakayogi aven hai,mori iyi kamaghi,kotwagkili nelintogi Novu mori iyi kotumaghi. ²¹ Hogkusu,imo iyi namalam komlivai marogi iyi:Saikusai/mei hai mori kamnelintogi Novu iyi hogku kamelintogi avenhai itnehog.