¹ Ukhi nelintogi itoko ma Itment yovogkoh,ma wamprogkos ma koh ovonyan eni Novu,im kokimlante hogku.Ra nompi ima nmap imo kotumagkilkoh,ra yetukili iyi hogku. ² Ovon nevaiyeveh enyau,koh marima ovonyan en Novu kokimlagkili ma nempigon Nasrisak kamampelom,koklampelom hogku iyi,ra koklaghi iyi hogkusu iyi wokon. ³ Omwisu mori kumantipe taru eniror iran kumahpen nompalogiveh iyi hogkusu iyi(tetar.) ⁴ Omwisu mori sat eniror kumnompi mum nurigi kutum nakayogi nokili,ra sat iyi narkinam. ⁵ Kemagkili magku Kristu iyi yivelom worvai pelak ovon sat,im iran tawi hai sat. ⁶ Tawi hai mei hai mori kamante iran kanteigi nompi ovon sat.Tawi hai mei hai mori kamanteigi nompi ovon sat yepmokhi iyi ku yepmokili iyi. ⁷ Ah ovonyan,kutwon tenimpe hai neteme kontourkum nagkau.Iyi mori kamnompi tanpoveh iyi tanpo,hogkusu Kristu iyi tampo. ⁸ Iyi mori kamnompi ovon sat iyi ra natmah,ra natmah yompi sat ra natipotnin.Ra nompi ima Nitni Novu ivelom,ma worsaiki ovnompurak en natmah. ⁹ Iyi mori yomol marogi Novu iyi kotumante mnompi sat ra novsen eni Novu kamante iran.Iyi kotwagkili netegi sat ra iy yemne marogi Novu. ¹⁰ Ra imosu ovonyan en Novu im ovonyan en natmah kumosesi pelak wi iror.Iyi mori kotum nompi sie mori tanpo iyi tawi ra Novu,im sogku iyi mori kutum nelintogi avensai. ¹¹ Ra imo iyi nam mori kumurgi ra natipotnin koklen nelintogkoh. ¹² Kokletwon nompi hogkusu Kein,mori iyi ra neteme ndi im talogi avenhai.Ra se ma italogi,Ra ovon nonpurak eni iyi tawi armai?kou en avenhai itrogko wokon. ¹³ kutwon tokomkom,ravugsaime,nagku nmap kotum nakayogkum. ¹⁴ Kokimlagkili ma koklitelwogi nmah mlivelom ra nomurep,ra kokimlen nelintogi ravetsaime.Iyi sai mori kotum nelintogi iyi kamante ra nmah. ¹⁵ Iyi sai mori kotum nakayogi avenhai iyi hai neteme ntalogi. ¹⁶ Ra Siame imo kokimlagkili nofielintogi,ra Kristu yetisep nomurep eni niskont.Koh hogku koklantipe nomurep horet niskond ovon ravetsaime. ¹⁷ Kou iyi sai mori kamampai ovon siame ra nmap,komaghi avenhai ra nakayogi,im memesompat patmonuk eni ra ovnompiveh,hogkuse ma nelintogi en Novu kante iran? ¹⁸ Ah ovonyan pau enyau koletwon nelintogkos,gi ovnam wokon ra nelwament,kou ra ovnopi im tanpo. ¹⁹ Marogi imo kokimlagkili ma koh ra tanpo,im kokimlen nompi patmonuk enogkoh itrogko wokon pogi. ²⁰ Ra nagku ovon patmonuk enogkoh kamnovotogkoh Novu iyi momu orog ra patmonuk horet,im iyi kamagkili siame su. ²¹ Ovon nevaiyeveh enyau nagku ovon patmonuk enogkoh kotum novotogkoh,kokimlampai tavniriveh iran iyi Novu. ²² Siame mori kolentagkili gi iyi koh koklampai marogi iyi,ra kokimlafinte ovnamalam eni im memlenompi siame mori kamangiveh wi. ²³ Imo iyi ovnamalam eni:ma koklentavniri gi nin Nitni Iesu Kristu im nelintogkoh hogkusu yepmovogkoh ovnamalam isen. ²⁴ Iyi mori kamafinte ovnamalam en Novu kamante iran iyi,im Novu kamante iran hogku,marogi imo kokimlagkili ma kamante irant,marogi naviat eni mori yovogkoh.