¹ Ovonyan yakamnetai imo siame pogkum ma kotwonompi sat/ovonsat.Kokimlampai hai neteme kamnam niskont ndal Itment,Iesu Kristu,iyi mori tomporveh. ² Iyi kam nam memnavorkoh ra ovon sat enogkoh,im tawi niskon wokon,kou niskon omwisu magkau gi nmap. ³ Kokimlagkili ma kokimlampelom worokili iyi,nagku kokimlafinte ovnamalam eni. ⁴ Iyi mori kamanuwi magku,''yamagkili Novu,''kou metumafinte ovnamalam eni,iyi hai neteme namlai,im tanpo kotumante iran. ⁵ Kou saikusai/saimei hai kamafinte ovnam en,iran unisog iyi itnesogveh nevaiyeves en Novu kapmompi itrogkoveh.Marogi imo kokimlagkili ma koh unisog iyi. ⁶ Mei momu kamawi ma kamantur ra Novu iyi hogku konavan itrogko hogkusu iyi yepmavan. ⁷ Ovnevaives enyau,yokotum netai hai namalam etwai mori kumuvai ra natipotnin.Namalam etwai nam mori kimupmurgi. ⁸ Kamantehep kumnetai pogkum hai namalam itvau pogkum,mori iyi itnesog ra Kristu im irami,ra nelvukvat kokvelom memampe,im nilar mori itnesog iyi kolimsi su. ⁹ Iyi mori kamanuwi magku kamante ra nilar im metum nakayogi avenhai iyi kamante ra nelvukvat mafeli marima. ¹⁰ Iyi mori kamampaiveh avenhai iyi kamante ra nilar im tawi hai ndan mori kontolki wi. ¹¹ Kou iyi mori kamagsisat avenhai kamante ra nelvukvat im memnavan ra nelfukvat kovyei nipmi. ¹² Yakam netai pogkum ovonyan pau,ra ovon sat hormi yokofyelintogi ra nin isen. ¹³ Yakam netai pogkum,ovon itment,ra kumagkili su iyi mori ra natipotnin.Yakam netai pogkum ovon umpamu,ra kutantevakpe ra iyi mori neteme ndi.Yakam netai pogkum,ovonyan ovrok,ra kumagkili Itment. ¹⁴ Yakam netai pogkum,ovon itment ra kumagkili iyi mori ra natipotnin.Yakam netai pogku,ovon umpamu ra kimi ovndomo,im nam eni Novu kamante irami,im kutantevakpe ra iyi mori neteme ndi. ¹⁵ Kutwonelitogi imo nmap ku ovon siame mori kamante ra nmap.Nagku saikusai kamnelinrtogi imo nmap,nelintogi en Itment kotumante iran. ¹⁶ Ra siame su mori ra nmap-nelahivien ra ov noklesiran nelahivien go ra nimint,im ovon nomurep mori ovndomo su-iror tawi marogi Itment kou ra nmap. ¹⁷ Nmap im ovon nakayogi wi kumampelom mumampe.Kou iyi sai mori. ¹⁸ Ovonyan,iyi hai navleh avni.Hogku su kumurgi ma neteme netwakayogi Kristu iyi kamampelom marima ginmah ovoteme netuwakayogi Kristu kupmuvelom su.Mompi kokimlagkili ma iyi navleh avni. ¹⁹ Nduve isut marogkoh,kou iror tawi ra irant.Ra nagku iror ndumne irant pute potpot koh im ndal koh.Kou nempigon ndumuve parogkoh yemsesi ma iror tawi irant. ²⁰ Kou kimi kumuvai novulkoh marogi iyi mori Tompor,im kimi su kimukili. ²¹ Yau metwotai pogkum ra kumutukili nam tanpo,kou ra kumukili im ra tawi hai namlai ra tanpo ²² Mei iyi hai neteme namlai kou iyi mori kamanwi avni ma Iesu iyi Narisak?Neteme mori ma iyi netwakayogi Kristu,ra iyi kamanwi avni Nate im Nitni. ²³ Tawi hai mori kamanwi avni Nitni kamampai Etmen.Iyi mori kamanwatopne Nitni iyi kamampai Etmen sogku. ²⁴ Kou kimi,se kumurgi ra natipotnin kante irami.Nagku se kumurgi ra natipotnin kamante irami,kimi hogku kwante ra Nitni im ra Etmen. ²⁵ Iyi hai neiyeviwoh yovogkoh nomurep uvruni. ²⁶ Yakapmetai su pogkum worenwatopne siame imo ra iror mori kumnakayogi ntourkum nagkau. ²⁷ Kou irami novulkoh mori kimuvai marogi iyi kamante irami,im kotumentenimpe hai momu wortavsogkum.Kou novulkoh iran kamentavsogkum siame su itnesog im ra tawi namlai,im hogkusu mori ndutavsogkum,worete iran wokon. ²⁸ Marima ovonyan,ute iran ma nempigon iyi koumentorilki koklampai ittursentur im tawi naromprom unipmi iyi ra nvelom eni. ²⁹ Nagku kemagkili ma omwisaksu mori kumnompi se itrogko iyi kamol marogi iyi.