¹ Iyi sai mori kamentavniri ma Iesu iyi Kristu iyi komprokomol marogi Novu,im iyi sai mori kamnelintogi hai itment iyi hogku kamnelintogi nitni mori komol marogi iyi. ² Ra nompi imo kakimlagkil mlagku kokimlenelitogi ovonyan en Novu nempigon kokimlenelintogi Novu worompi ovon namalam eni/isen. ³ Ra iyi hai nelintogi niskon Novu:ma kokimlafinte namalam eni.Im ovnamalam eni tawi itrompuk. ⁴ Ra iror mori/omwisu marogi Novu iror kumontantevakpe ra nmap,im iyi hai netpin mori koktantevakpe ra nmap im hogkusu tavniri horet/enogkoh. ⁵ Mei iyi mori ma koktantevakpe ra nmap?Iyi mori kamentavniri gi ma Iesu iyi Nitni eni Novu. ⁶ Iyi mori yivelom marogi nu im nde:Iesu Kristu.Yetuvelom gi nu wokon,kou gi nu im nde. ⁷ Ra iror ndehel mori kumnompuvsok irand: ⁸ naviat,nu,im nde.Imo ndehel su kumante mumamponor. ⁹ Nagku kokimlampai nompuvsok ennompuvsok en ovoteme en Novu iyi momu orog .Ra nompuvsok en Novu iyi hogku,ma iyikamandiosak nompuvsok ogi Nitni. ¹⁰ Iyi mori kamentavnirigi ra Nitni en Novu iyi kamnompuvsok wi iran iyi pe iyi.Iyi mori kotumentavnirigi Novu kompi iyi kokvelom hogku hai namlai ra iyi kotutavnirigi ovnompuvsok mori Novu yovogkoh ogi Nitni. ¹¹ Im nompuvsok wi iyi hogku yihi:Novu yovogkoh nomurep uvuruni,im nomurep imo kamante ra Nitni. ¹² Iyi mori kokvai Nitni kokvai nomurep.Iyi mori kotuvai Nitni Novu tawi nomurep iran. ¹³ Yau metai pogkum siame imo ma kwagkili ma kumuvai nomurep uvuruni--pogkum mori kumutavnirigi nin eni Nitni Novu. ¹⁴ Im hogkusu,iyi hai ntaru ndomo komlivai marogi iyi,ma nagku kokimlentagkli hai sesai se mnurigi isen,iyi kamandogkoh. ¹⁵ Im hogkusu,nagku kokimlagkili ma iyi kamandogkoh--Se mori kolenesengi --kokimlagkili su mlagku koklivaisu sie mori ma kolitagkili pogi. ¹⁶ Nagku hai neteme kamaghi avensai kamnompi sat mori kotum mamahwi,iyi konofuaki,im Novu kampogi nomurep.Yakamanwi ra iror mori sat kutumampai iror ogi nmah.Hai sat mori nmah kamamsokwi;Yokotumanuwi ra iror pwofuaki ogi. ¹⁷ Omwisu mori tawi tanpoveh iror sat kou hai sat mori kotumampai nmah ra navlutnin. ¹⁸ Kokimlagkili mlagku iyi sai mori kamamprokomol ra Novu kotum nompisat.Kou iyi mori yomprokomol ra Novu kamafinte iyi armai,im neteme ndi kotumagkini iyi, ¹⁹ Kokimlagkili ma koh ra Novu,im kokimlagkili ma magkau gi nmap kumnamlai ra horogsak en neteme ndi. ²⁰ Kou kokimlagkili ma Nitni eni Novu ivelom movogkoh nokili,ma koklagkili iyi mori iyi itnesog.Im hogkusu,kokimlante iran mori iyi itnesog.ra Nitni Iesu Kristu.Iyihi iyi Novu itnesog im nomurep uvuruni. ²¹ Ovonyan,ufinte kimi parogi ovon novu namlai.