¹ Long eli moning long fes dei blong wik,weh ples i tudak yet,Meri Magdalene i kam long hol blong ston mo i luk ston we i bin blokem gref i kamaot finis. ² Nao hem i ron i kam long Saemon Pita wetem narafala disaepol weh Jisas i lavem olgeta,mo i talem long olgeta se, ''Oli bin tekemaot Masta long gref,mo mifala ino save se oli putum hem wea.'' ³ Nao Pita i go-aot wetem narafala disaepol ya,tufala ikam long gref. ⁴ Nao tufala iron tugeta,be narafala disaepol ya i winim Pita mo i kasem gref festaem. ⁵ Mo hemi bendaon,i luk se kaliko i stap,be hem i no go insaed yet. ⁶ Nao saemon Pita i kam bihaen long hem,,mo i go insaed long gref,i luk kaliko istap ⁷ mo hankejif we oli bin putum long hed blong Jisas,i no stap wetem kaliko,be hem i folden istap long saed. ⁸ Mo nara disaepol,hemia we i bin kasem gref fastaem,hem tu igo insaed,mo hemi luk mo i bilivim. ⁹ Be tufala i no save gud yet taem we skripja i talem se hem i mas girap bakegen long ded. ¹⁰ Nao ol disaepol oli go bak long haos bakegen. ¹¹ Be Meri i stap stanap aotsaed long gref mo istap krae bigwan.Taem we hemi stap krae,hem i bendaon i lukluk insaed long gref. ¹² Hemi luk tu enjel we tufala i saen,wan istap long hed,mo nara wan istap long leg long ples we bodi blong Jisas ibin stap long hem. ¹³ Tufala i talem long hem se, ''Woman from wanem yu stap krae?''Nao hemi talem long olgeta se, ''From olgeta oli karemaot Masta blong mi,mo mi no save ples wea oli putum hem lem.'' ¹⁴ Taem hemi talem olsem,hemi tanem hem mo i luk Jisas istap stanap ,be hem i no save se hemia hemi Jisas. ¹⁵ Jisas i talem long hem se, ''Woman from wanem yu stap krae?Yu stap lukaotem huia?''Hemi ting se Jisas i wan katena,nao hemi talem long hem se, ''Bigman,spos we yu bin karemaot hem,talem long mi se wea ples nao yu putum hem istap long hem,mo bae mi go karemaot hem.'' ¹⁶ Jisas i talem long hem se, ''Mary.'' Hemi tenaraon mo italem long Jisas long Aramaic, ''Rabboni''(We i talem se'' Tija''). ¹⁷ Jisas i talem long hem se, ''Yu no tajem mi,from mi no go antap yet long Papa blong mi,be yu go talem long ol brata blong mi se bae Mi mi go antap long Papa blong mi mo Papa blong yufala,mo God blong Mi mo God blong yufala.'' ¹⁸ Mary Magdalene ikam mo i talemaot long ol disaepol, ''Mi mi luk Masta,'' Mo Masta i talem ol samting ya long hem. ¹⁹ Nao long sem dei ya we i fes dei blong wik,ol disaepol oli stap wanples from we oli fraet long ol Jiu.Ale,long naet,taem oli bin klosem ol doa,Jisas i kam stanap long medel blong olgeta,mo i talem long olgeta se,''Pis i stap wetem yufala.'' ²⁰ Afta we hemi talem ol samting ya,Hem i soem han mo saed blong Hem long olgeta.Mo taem ol disaepol oli luksave Masta,oli glad tumas. ²¹ Jisas i talem long olgeta bakegense,Pis i stap wetem yufala.Olsem we Papa i sendem mi,naoia bambae mi sendem yufala.'' ²² Afta we Hem i talem olsem,hem i flu long olgeta mo i talem long olgeta se, ''Yufala i risivim Holi Spirit. ²³ Spos yufala i fogetem sin blong wan man,kaon blong hem i finis.Be spos yufala i tingbaot sin blong wan man,kaon blong hem istap yet.'' ²⁴ Tomas we oli singaotem hem Didumas,wan long ol twelef ya,hem i no stap wetem olgeta long taem we Jisas i kam. ²⁵ Nao ol nara disaepol oli talem long hem se, ''Mifala i bin luk Masta.''Be hem i talem long olgeta se, ''Spos mi no luk mak blong nil long han blong hem,mo mi no putum fingga blong mi long mak ya,mo pusum han blong mi long saed blong hem,bae mi no biliv.'' ²⁶ Afta long eit dei,ol disaepol blong hem oli stap insaed bakegen,mo Tomas i stap wetem olgeta.Taem oli klosem ol doa finis,Jisas i kam stanap long midel blong olgeta mo i talem se, ''Pis istap wetem yufala. ²⁷ Nao Hem i talem long Tomas se, ''Karem figga blong yu ikam,mo luk han blong mi.Mo pusum han blong yu long saed blong Mi.Mo yu nomo daot yu biliv.'' ²⁸ Tomas i ansa mo i talem long Hem se, ''Masta blong mi mo God blong mi.'' ²⁹ Jisas i talem long hem se, ''Tomas,yu biliv from we yu bin luk mi.Bae mi blesem olgeta we oli neva luk,be yet oli biliv.'' ³⁰ Afta,long fored blong ol disaepol blong Hem,Jisas i mekem fulap narafala merikol we oli no stap long buk ya. ³¹ Be mi raetem ol samting ya,blong yufala i save biliv se Jisas i christ,Pikinini blong God.Mo from we yufala i biliv,yufala i save gat laef tru long nem blong Hem.