¹ Afta long ol samting ya, Jisas i soemaot hem bakegen long ol disaepol long lek Taepirias long taem we stori ya i hapen. ² Saemon pita mo Tomas Didumas mo Nataniel blong Kena long Galili, mo tufala boe blong Sebedi wetem tu narafala disaepol blong hem,oli stap tugeta. ³ Ale, Saemon pita i talem long olgeta se, ''Bae mi go pulum net''. Olgeta oli ansa long hem se, ''Bae mifala i folem yu''. semtaem nomo, oli aot, oli jam long wan sip, be long naet ya oli no kasem wan fis nating. ⁴ Taem moning i kam, Jisas i stap stanap long soa, be ol disaepol oli no luk save Jisas. ⁵ Ale, Jisas i askem olgeta se, ''Ol boe, yufala i gat eni fis?''Oli ansarem hem se, ''nogat''. ⁶ Mo hem i talem long olgeta se, ''Sakem net i go long raet saedblong sip, mo bae yufala i kasem''.Mekem se oli sakem net, mo oli nomo save pulum bak from i gat plante fis tumas. ⁷ Nao disaepol we Jisas i lavem, hem i talem long pita se, ''Hemia masta''. Ale, taem Saemon pita i harem se masta ya, hemi putum klos blong hem (from hemi bin karem aot klos blong hem), mo hemi jam long wota. ⁸ Mo i gat sam narafala disaepol oli kam long wan smol bot, (from oli no longwei tumas long soa, be olsem wan handred mita nomo, tugeta oli stap pulum net ya we i fulap long fis i kamsoa. ⁹ Stret long taem we oli kam soa, oli luk wan sakol faea i stap we i gat fis mo bred long hem. ¹⁰ Jisas i talem long olgeta se, ''Karem ol fis we yufala i jes kasem i kam.'' ¹¹ Ale, saemon pita i go karem net i kamsoa. Net i fulap long ol bigfala fis, i gat wan -handred-fifti-tri fis. Nating we i gat fulap fis ya, be yet net i no brok. ¹² Jisas i talem long olgeta se, ''Kam kakae.'' Be evri disaepol i sem blong askem hem se, ''Yu huia?'' from oli save finis se hemia masta. ¹³ Ale, Jisas i kam karem bred, mo i givim long olgeta, mo i mekem semak wetem fis. ¹⁴ Hemia namba-tri taem nao we jisas i soemaot hem long ol disaepol afta we hem i bin girap bakegen long ded. ¹⁵ Taem oli kakae fis, jisas i askem saemon pita se, ''Saemon, boe blong jona, yu lavem-gud mi moa pitim olgeta ya?'' pita i ansarem hem se, ''Yes, Masta. Yu save se mi lavem yu.'' Jisas i talem long hem se,'' Fitim ol smol sipsip blong mi.'' ¹⁶ Namba-tu taem, jisas i askem hem se, ''Saemon, boe blong jona yu lavem-gud mi?'' Pita i ansarem hem se, ''Yes, Masta. YU save se mi lavem yu.'' Jisas i talem long hem se, ''Lukaotem-gud ol sipsip blong mi.'' ¹⁷ Namba-tri taem, Jisas i askem hem se, ''Saemon, boe blong Jona, yu lavem mi?'' Mo Pita i harem nogud from we hem i askem namba tri taem se ''Yu lavem mi?'' Mo Pita i ansarem hem se, ''Masta, yu save gud olgeta samting. Yu save finis se mi lavem yu.'' Jisas i talem long olgeta se, ''Fidim ol sipsip blong mi. ¹⁸ I tru we i tru, mi talem long yu. Taem yu yu yangfala, yu bin putum rob long yu wan, mo yu wokbaot weaples yu wantem. Be taem yu kam olfala, bae yu pusum han blong yu mo bae narawan i putum rob long yu, mo bae oli karem yu long wan ples we yu yu no wantem.'' ¹⁹ Hem i talem olsem blong soemaot fasin we bae pita i ded blong i leftemap glori blong God. Afta we hem i toktok olsem, jisas i talem long hem se, ''Folem mi.'' ²⁰ Ale, pita i tanem hem, i luk disaepol ya we jisas i lavem i stap folem tufala. [Hemia nao we i bin lei klosap long jes blong jisas long sapa mo i bin askem se, ''Masta huia bae i salemaot yu?''] ²¹ taem pita i luk hem, i askem jisas se, ''Masta, man ya bambae i mekem wanem?'' ²² Jisas i ansa long hem se, Sipos mi wantem se hem i stap, go kasem taem we mi kambak, hemia i olsem taem we mi kambak, hemia i olsem wanem long yu? Yu yu folem mi.'' ²³ Naoia toktok i goraon long ol brata se disaepol ya bae i no save ded. Be jisas i no talem se ''Bae hem i no ded.'' Be i bin talem se, ''Sipos mi wantem se hem i stap, go kasem taem we mi kambak, hemia i olsem wanem long yu?'' ²⁴ Hemia nao disaepol ya we i givim witnes blong ol samting ya mo i stap raedem bok ya. Mo yumi save se witnes blong hem i tru. ²⁵ Mo i gat fulap narafala samting we jisas i bin mekem we sipos mifala i raetem evri wan, ating ful wol bae i no inaf blong holem ol buk we mifala i save raetem. Amen.