¹ Baubasu iagoi otarei, di ogonanuhea, hegiri ragohisa ni Rohite uhure. Vara ragohane, iaganiva, da gaitana torevare beta me isuke bera, renu a mage gahigavara. ² Iama totoka daure e ragisa, uhu daureva me kiare eragisa, koita ahata maka daure gahare gaha vaia erageisa. ³ Badivara, noka ki tene meve kinu - renu Rohi Bauge ganaga gahare gahava iabera, renu Iesu Keriso hegiri gahare gahavai iabera renu ahata maka meve riaga gahiga veitera. ⁴ Etage, Dakamu mina ahata maka meve gahara vima. Se bena roma auka ahata maka mve gahara vima, Dakena bu ragogahi anaisa. ⁵ Daka ata iau tene meve daki manu vani daugu veite uhurahe, Israela koitava iau, Beniyamene koitatuhe iau, Heberu iau Heberuve; aena uhurahegeva daka Parasivara. ⁶ Di uhu anana daure vehege daki dubu meve seboge ge; riagavagera, aena derikahu, daka daure be vitera. ⁷ Otadovanu dai mage, dakamu eragei daure iabera Keriso dainehe. ⁸ Eduge, ga riaga vagera, da negubutu e aubougi daharera Iesu Keriso mageve raki seboga gevenu. Au dainehe daki iaga aubougi garegevenu - renu daureva rogevenu - eige daka Keriso misa, ⁹ auka da behugisa au ruta, beta davahu da anai mage gahare aenava uhurahe, eduge orena gabidadama Keriso uhura - Rohi Bauge ga riagavare era gabidadama vara. ¹⁰ E dainehe, daka au dibana goigoi vara renu magurivi goiragane hedova renu au huhuve, gava dibana goisa, renu au nagate goisa au hogevehe, ¹¹ guma bei dana so au hogerare renu magurivi goiragane dibana goiare ¹² Beat dakamu subuta o aubougi dibana goinu se dakamu mage riaga manu, eduge dakamu o dagedage hero kima, da tage Keriso Iesu da mane nagate. ¹³ Di ogonanuhe, beta anaime daki roma, dakamu davahu manu, Eduge, iaga kobabe da kinera, di itahe varavane aubouge daki vagua gahigeve renu herokisa vairava uiare. ¹⁴ Dagadage ge daki ogi vairava otima, da iagovare iaganiva otima vava seni Rohi Bauge totove orogane, Iesu Keriso uhurahe. ¹⁵ Eige, no ni bouge, no baugeia onaki anava; ana unuhuna a uhuanana nune vima, iaga be iau dainehe, Rohi Bauge na iai gagae kisa. ¹⁶ Orenaki genu, se otadovanu nomanu, noma kamui berebegahisa. ¹⁷ Iama da nagate gahisa, di ogonanuhea, niga niga mage ragohisa ogoro iabana ogia ia eragare nagate, ni magurivehe nagate. ¹⁸ Dada gavamu o gia - dana beta iaki rogevenu, eduge damu o gaitana iaki roegeima, di ni namote uguhare uhurahe - iauki Keriso inai gahane gahava iabara. ¹⁹ Iau yagovarera daurera. Badivara, iau rohivera, au vagatanera, renu motea motea vera au varivade uhurahegera. Iauki mata o kohu iabera iauki anageva. ²⁰ Eduge, ni u behibehivera vavagera, eigera noki ni maguri riaga biava, ni Rohite Iesu Keriso narivisa ragoha. ²¹ Aukenama, ni mata ahatanevayaidigei au ahata magevehe no gosi geisa, au herove renu hedoke uhrahe renu oti iaga aubougi, no ruta bia gahi geisa.