¹ E dainehe di ogonanuhea di soruke mati di uhu mage ra iabera, iama Rohi Bauge garehe rami berebere ragohisa. ² Da gahara iagani vara Euodia mati Syntyche, auma uhu kobabe misa Rohi Bauge uhurahe. ³ Iama magi oiya ruta Rohi Bauge hari mageve rosa, mati Clement renu ni bamode mage beia ruta iau ie ra maguri buka gera. ⁴ Iama Rohi Bauge mageve uhurahe hegiri ragohisa. Daka mati roma iama hegiri ragohisa. ⁵ Iama iai moebia maguri ve koita bouge mohigeisa. Rohi Bauge ra ni gaika gera. ⁶ Ia negu uhu anana nunenune misa. Eduge iaga bouge uhurahe, Rohi Bauge imigisa uhu mage ruta, iama iai uhure inuhati Rohi Bauge kirosa, ⁷ mati Rohi Bauge mageve ra uhuanana bouge soigevenu auka iai soruke mati uhuanana Rohi Bauge uhurahe magegahisa. ⁸ Di ogonanuhea otado iaga mageva ia eraganu , iama ana geisa. ⁹ Otado ia dai eraganu, iama misa mati iama ihisa mati iama kiogeisa ge Rohi Bauge uhu mageve ra iai ada usa. ¹⁰ Eduge daka Rohi Bauge ge daki hegiri vima, badivara iai uhuanana mati isage gahisa di dainehe. A iaka subuta da anavege, eduge da yaheya guma varaki isuke goinu. ¹¹ Daka ga o roro badivara daka yaheya gahara vima. Eduge daka hegiri vima otado di gasina orogima. ¹² Daka dibanara goroa maguri ra otado vara, iayaga dadaga maguri tage dibanara. E dainehe tamuta mage se gubu mati iyaga dadaga se iyaga veitera daka maguri e iau bouge dibanara. ¹³ Daka iayaga bouge kiki gahara vima vata adao Rohi Bauge herove uhurahe. ¹⁴ Eduge di daure uhurahe iaka da ruta. ¹⁵ Pilipi koitavaia iaka dibanara di ogigi Mercedonia va haki vi otinu ra, Rohi Bauge hari mage uhurahe dubu be iabera da mage gahiga veitera, mohimohi se imimi kasiva, a iaka bu da iahe ganu. ¹⁶ Da Thessalonica va tage, iai yaheyahe ra rahoherea vera di gasina. ¹⁷ Daka beta iai yaheyahe gahara vima da gahara vima ra iaka Rohi Bauge hari mageve misa. ¹⁸ Eduge daka iyaga bouge uhubage va manu. Daka Epaphroditus gasina iyaga ya besuganu manu. Iyaga o iabera uti mage mati Rohi Bauge gasina ra magera. ¹⁹ Di Rohite na iai uhuanana mage gahigeisa au mageve uhurahe au moe Iesu Keriso ihehe. ²⁰ Ni Rohite mati ni mame au mageve ra oti behibehi va. Auka menu. ²¹ Iama Rohi Bauge koitatuhea mage gahigeisa. Rohi Bauge koitatuhea da ruta ra, iau mageve ia mohi geima. ²² Rohi Bauge koitatuhea da ruta, ia mage gahigeima mati Caesar yaga gahaia tage ia mage gahi geima. ²³ Iesu Keriso uhudauve mati mageve iai sua ve ada.